Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightകാസർകോട്ട് ജില്ല...

കാസർകോട്ട് ജില്ല ആശുപത്രി അണുമുക്തമാക്കാൻ ​ റോബോട്ടും

text_fields
bookmark_border
കാസർകോട്ട് ജില്ല ആശുപത്രി അണുമുക്തമാക്കാൻ ​ റോബോട്ടും
cancel

കാഞ്ഞങ്ങാട്​: ജില്ല ആശുപത്രിയെ അണുമുക്തമാക്കാൻ ഇനി റോബോട്ടും. കോവിഡ്​ ഉൾപ്പെടെ പലവിധ അസുഖങ്ങൾ ബാധിച്ചവരെ ചികിത്സിക്കുന്ന ആശുപത്രി പരമ്പരാഗത രീതിയിൽ അണുമുക്തമാക്കുന്നത് നിലവിലെ സാഹചര്യത്തിൽ അപകടകരമാണെന്നതിനാലാണ്​ മനുഷ്യ ഇടപെടൽ നേരിട്ടില്ലാതെ ആധുനിക സങ്കേതിക വിദ്യയാൽ നിർമിച്ച യന്ത്രമനുഷ്യനെ ഏർപ്പെടുത്തിയത്​.

അൾട്രാവയലറ്റ് സി രശ്മികൾ വികിരണം ചെയ്ത് മാരക രോഗാണുക്കൾ, ഫംഗസ് എന്നിവയെ പൂർണമായും നിർമാർജനം ചെയ്യും. അൾട്രാവയലറ്റ് ഉപയോഗിച്ച് അണുനശീകരണം നടത്തുന്ന സാങ്കേതികവിദ്യയാണ് ശാസ്ത്രലോകം ഇന്ന് സ്വീകരിക്കുന്നതെങ്കിലും ആശുപത്രി വാർഡുകളും മറ്റും അണുമുക്തമാക്കാൻ പറ്റുന്ന റോബോട്ടിക് സംവിധാനം ആദ്യമാണ്. കൂടാതെ കോവിഡ്​ ബാധിതരെ ചികിത്സിക്കുന്ന വാർഡുകളിലേക്ക് മരുന്ന്, ഭക്ഷണം എന്നിവ എത്തിച്ച് നൽകുന്നതിനും റോബോട്ട്​ ഉപയോഗപ്പെടുത്താം. റിമോട്ട് കൺട്രോൾ സംവിധാനത്തിലൂടെ   പ്രവർത്തിക്കാൻ സാധിക്കുന്ന യന്ത്രമനുഷ്യന് അഞ്ചു​ മിനിറ്റിനുള്ളിൽ 140 സ്ക്വയർ ഫീറ്റ് സ്ഥലവും സഞ്ചാരപാതയും അണുമുക്തമാക്കാൻ സാധിക്കും.

മംഗളൂരു ആസ്ഥാനമായി പ്രവർത്തിക്കുന്ന വനോറ റോബോട്ടിക്സാണ് നിർമാതാക്കൾ. ഇംഗ്ലണ്ടിലെ യോർക്​ യൂനിവേഴ്സിറ്റിയിൽനിന്ന്​ റോബോട്ടിക്സ് എൻജിനീയറിങ്ങിൽ ഉന്നത വിദ്യാഭ്യാസം നേടിയ കാഞ്ഞങ്ങാട് സ്വദേശിയായ കൃഷ്ണൻ നമ്പ്യാർ  രൂപകൽപനചെയ്ത യന്ത്രമനുഷ്യനെ ത​​െൻറ സ്വദേശത്ത് മികച്ചരീതിയിൽ പ്രവർത്തിക്കുന്ന  ജില്ല ആശുപത്രിയിലേക്ക് സൗജന്യമായി നൽകുകയായിരുന്നു. റോബോട്ട്​ ദാന ചടങ്ങ്​ മന്ത്രി ഇ. ചന്ദ്രശേഖരൻ മൊബൈൽ വോയിസ് സന്ദേശം വഴി ഉദ്ഘാടനം ചെയ്തു. 
ജില്ല പഞ്ചായത്ത് പ്രസിഡൻറ്​ എ.ജി.സി. ബഷീർ അധ്യക്ഷത വഹിച്ചു. 

നഗരസഭ ചെയർമാൻ വി.വി. രമേശൻ, ഷാനവാസ് പാദൂർ, ഡോ. എം. രത്നാകരൻ നമ്പ്യാർ, ജില്ല ആശുപത്രി സൂപ്രണ്ട് ഡോ. കെ.വി. പ്രകാശ്, ആർ.എം.ഒ ഡോ. റിജിത്ത് കൃഷ്ണൻ എന്നിവർ സംസാരിച്ചു. റോബോട്ടി​​െൻറ പ്രവർത്തനം കൃഷ്​ണൻ നമ്പ്യാർ വിശദീകരിച്ചു.

Show Full Article
TAGS:covid robot disinfection kasaragod district hospital kerala news malayalam news LOCAL NEWS 
Web Title - bobot cleaning district hospital in kasaragod- kerala
Next Story