Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightകെ.ടി. ജലീൽ പറഞ്ഞ...

കെ.ടി. ജലീൽ പറഞ്ഞ കിറ്റ്​ സ്വർണ കിറ്റാണോ എന്നാണ് ​സംശയം -കെ. സുരേന്ദ്രൻ

text_fields
bookmark_border
കെ.ടി. ജലീൽ പറഞ്ഞ കിറ്റ്​ സ്വർണ കിറ്റാണോ എന്നാണ് ​സംശയം -കെ. സുരേന്ദ്രൻ
cancel

കോഴിക്കോട്​: റമദാൻ കിറ്റി​​​െൻറ വിതരണവു​മായി ബന്ധപ്പെട്ട്​ യു.എ.ഇ കോൺസുൽ ജനറൽ ആവശ്യപ്പെട്ടതുപ്രകാരമാണ്​ താൻ സ്വപ്​നയുമായി സംസാരിച്ചതെന്ന​ മന്ത്രി കെ.ടി. ജലീലി​​​െൻറ വാദത്തെ പരിഹസിച്ച്​ ബി.ജെ.പി സംസ്ഥാന അധ്യക്ഷൻ കെ.സുരേന്ദ്രൻ. 

കെ.ടി ജലീൽ പറഞ്ഞ കിറ്റ്​ സ്വർണ കിറ്റാണോ എന്ന കാര്യമാണ്​ ഇപ്പോൾ സംശയാസ്​പദമായി വന്നിരിക്കുന്നതെന്ന്​ സുരേന്ദ്രൻ പറഞ്ഞു. മന്ത്രി വിളിച്ചതും മന്ത്രിയെ ഇങ്ങോട്ട്​ വിളിച്ചതും സ്വപ്​ന മാത്രമല്ലല്ലൊ. എന്തിനാണ് സ്വർണ കള്ളക്കടത്ത്​ കേസിലെ പ്രതിയും യു.എ.ഇ ബന്ധമൊന്നുമില്ലാത്തയാളുമായ​ സരിത്​ കെ.ടി. ജലീലി​​​െൻറ പ്രൈവറ്റ്​ സെക്രട്ടറിയെയും തിരിച്ചും തുടർച്ചയായി വിളിക്കുന്നതെന്നും സുരേന്ദ്രൻ ചോദിച്ചു.

പ്രൈവറ്റ്​ സെക്രട്ടറിയുടെ ഫോൺ മന്ത്രി ഉപയോഗിക്കുന്നില്ലെന്നതിന്​ എന്താണ്​ തെളിവ്​.? മന്ത്രിയുടെ ഓഫീസിൽ എന്തിനാണ്​ സരിത്​ വന്നതെന്നും അദ്ദേഹം ചോദിച്ചു. ജലീലി​​​െൻറ വാദമുഖങ്ങൾ വിശ്വാസ്യയോഗ്യമല്ല. ജലീലിന്​ നേരത്തേയും സ്വപ്​നയുമായി ബന്ധമുണ്ടായിരുന്നു. മന്ത്രി പറഞ്ഞ കാര്യങ്ങളിൽ ഒരുപാട്​ ആശയക്കുഴ​പ്പങ്ങളുണ്ട്​. അദ്ദേഹം സംശയത്തി​​​െൻറ നിഴലിലാണ്. നേരത്തേയും ചില തീവ്രവാദ സംഘടനകളുമായി ബന്ധപ്പെടുന്നയാളാണ്​ ജലീലെന്നും സുരേന്ദ്രൻ ആരോപിച്ചു.

കെ.ടി. ജലീൽ എന്തുകൊണ്ട്​ സ്വപ്​നയുമായി പരിചയമുണ്ടെന്നും തന്നെ വിളിച്ചിട്ടുണ്ടെന്നുമുള്ള കാര്യം തുറന്നു പറയാതിരുന്നതെന്ന്​ സ​ുരേ​ന്ദ്രൻ ചോദിച്ചു. ഈ സംശയങ്ങളെല്ലാം നിലനിൽക്കുന്ന സാഹചര്യത്തിൽ വിശ്വാസ്യത തെളിയിക്കാൻ ​െക.ടി ജലീൽ രണ്ടു മാസത്തെ ഫോൺ രേഖകൾ പുറത്തു വിടണമെന്നും അദ്ദേഹം ആവശ്യപ്പെട്ടു. ഐ.ടി സെക്രട്ടറി എം. ശിവശങ്കറിന്​ സ്വപ്​നയുമായും സരിത്തുമായും സന്ദീപ്​ നായരുമായുമുള്ളത്​ സാധാരണ സൗഹൃദം മാത്രമാണോ എന്ന കാര്യം മുഖ്യമന്ത്രി വ്യക്തമാക്കണമെന്നും സുരേന്ദ്രൻ പറഞ്ഞു. 

Show Full Article
TAGS:124869 5049 1326 13648 5794 39277 
Next Story