HOME KERALA

അയോധ്യ വിധി: ലീഗ്​ നേതൃത്വം മലക്കം മറിയുന്നു -എ.പി. അബ്​ദുല്ലക്കുട്ടി
12, NOV 2019 - 21:49 PM

കണ്ണൂർ: അയോധ്യ വിധിയിൽ മുസ്​ലിംലീഗ്​ നിലപാട്​ ദൗർഭാഗ്യകരമാണെന്ന്​ ബി.ജെ.പി സംസ്​ഥാന വൈസ്​ പ്രസിഡൻറ്​ എ.പി. അബ്​ദുല്ലക്കുട്ടി. കണ്ണൂരിൽ മാധ്യമപ്രവർത്തകരോട്​ സംസാരിക്കുകയായിരുന്നു അദ്ദേഹം.

വിധി വന്ന​പ്പോൾ ലീഗ്​ നേതൃത്വം മലക്കം മറിയുകയാണ്​ ചെയ്തത്​. ഇത്​ നേതാക്കളുടെ സങ്കുചിത മനോഭാവമാണ്​ സൂചിപ്പിക്കുന്നത്​. വിധി ശരിയാണെന്നായിരുന്നു ആദ്യ പ്രതികരണം.

എന്നാൽ, ഇപ്പോൾ വിധി നിരാശജനകമാണെന്നാണ്​ പറയുന്നത്​. പ്രതിഷേധ പ്രകടനം നടത്തിയാണ്​ എസ്​.ഡി.പി.​െഎ പ്രതികരിക്കുന്നത്​. വിഷയത്തിൽ കോൺഗ്രസ്​ നിലപാട്​ വ്യക്​തമാക്കണമെന്നും അബ്​ദുല്ലക്കുട്ടി ആവശ്യപ്പെട്ടു.