മോദി ഗംഗ പോലെ വിശുദ്ധമെന്ന് കേന്ദ്രമന്ത്രി
text_fieldsന്യൂഡൽഹി: പ്രധാനമന്ത്രി നരേന്ദ്ര മോദി ഗംഗപോലെ വിശുദ്ധമാണെന്ന് കേന്ദ്രമന്ത്രി രവിശങ്കർ പ്രസാദ്. വാർത്ത സമ്മേളനത്തിലാണ് മോദിക്കെതിരെയുള്ള രാഹുൽ ഗാന്ധിയുടെ ആരോപണങ്ങൾക്ക് മറുപടി പറയുന്നതിനിടെ മന്ത്രിയുടെ പ്രസ്താവന.
ഗാന്ധികുടുംബം ഉൾപ്പെട്ട അഗസ്റ്റ വെസ്റ്റ്ലാൻറ് അഴിമതിയിൽനിന്ന് ശ്രദ്ധതിരിക്കാൻ രാഹുൽ അടിസ്ഥാന രഹിതമായ ആരോപണങ്ങൾ ഉന്നയിക്കുകയാണ്. ജനം ഒരിക്കലും ഇതു വിശ്വസിക്കുകയില്ല. രാഹുലിൽനിന്ന് മറ്റൊന്നും രാജ്യം പ്രതീക്ഷിക്കേണ്ടതില്ല. 5000 കോടിയുടെ നാഷനൽ ഹെറാൾഡ് കേസിൽ ജാമ്യത്തിലാണ് രാഹുൽ.
കോൺഗ്രസ് നേതാവായ അദ്ദേഹം അഴിമതിയുടെ കാവൽക്കാരനാണെന്നും ഇത്തരം ഉത്തരവാദിത്തമില്ലാത്തതും നാണംകെട്ടതുമായ പ്രസ്താവനകളെ തെൻറ പാർട്ടി ശക്തമായി അപലപിക്കുന്നെന്നും രവിശങ്കർ പ്രസാദ് പറഞ്ഞു.
നേരത്തെ നരേന്ദ്ര മോദി ഗുജറാത്ത് മുഖ്യമന്ത്രിയായിരിക്കെ സഹാറ ഗ്രൂപ്പിെൻറ ഉടമസ്ഥയിലുള്ള കമ്പനിയിൽ നിന്ന് കൈക്കൂലി വാങ്ങിയതായി രാഹുൽ ഗാന്ധി ആരോപിച്ചിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.