കാ​ൽ വ​ഴു​തി വീ​ണ് മമതാ ബാനർജിക്ക് ഗുരുതര പരിക്ക്

ന്യൂഡൽഹി: ​കാ​ൽ വ​ഴു​തി വീ​ണ് പശ്ചിമ ബംഗാൾ മുഖ്യമന്ത്രി മമതാ ബാനർജിക്ക് ഗുരുതര പരിക്കേറ്റതായി തൃണമൂൽ കോൺഗ്രസ്. നെ​റ്റി​യി​ൽ പ​രി​ക്കേ​റ്റ് രക്തം വാർന്നൊലിക്കുന്ന ചിത്രങ്ങളോടെ എക്സിലൂടെയാണ് തൃണമൂൽ കോൺഗ്രസ് ഇക്കാര്യം അറിയിച്ചത്. വലിയ പരിക്കാണെന്നും പ്രാർത്ഥനയിൽ ഉൾപ്പെടുത്തണമെന്നും തൃണമൂൽ അറിയിച്ചു.

Our chairperson @MamataOfficial sustained a major injury.
Please keep her in your prayers 🙏🏻 pic.twitter.com/gqLqWm1HwE

— All India Trinamool Congress (@AITCofficial) March 14, 2024

മ​മ​ത​യെ കൊ​ൽ​ക്ക​ത്ത​യി​ലെ എ​സ്.​എ​സ്.​കെ.​എം ആ​ശു​പ​ത്രി​യി​ലാണ് പ്ര​വേ​ശി​പ്പി​ച്ചിരിക്കുന്നത്. സ്വന്തം വസതിയിൽവെച്ചുണ്ടായ അപകടത്തിലാണ് മമതക്ക് പരിക്കേറ്റതെന്നാണ് അടുത്ത വൃത്തങ്ങൾ പറയുന്നത്.

ഈ വർഷം ഇത് രണ്ടാം തവണയാണ് പശ്ചിമ ബംഗാൾ മുഖ്യമന്ത്രി വലിയ അപകടത്തിൽപ്പെടുന്നത്. ജനുവരി 24ന് ഈസ്റ്റ് ബർദ്വാനിലെ പര്യടനത്തിനിടെയുണ്ടായ വാഹനാപകടത്തിൽ അവർക്ക് പരിക്കേറ്റിരുന്നു.