മോഹിനിയാട്ട നർത്തകി കനക്​ റെലെ അന്തരിച്ചു

മും​ബൈ: വി​ഖ്യാ​ത മോ​ഹി​നി​യാ​ട്ട, ക​ഥ​ക​ളി ന​ര്‍ത്ത​കി​യും കോ​റി​യോ​ഗ്രാ​ഫ​റു​മാ​യ ഡോ. ​ക​ന​ക് റെ​ലെ (85) അ​ന്ത​രി​ച്ചു. സ്വ​കാ​ര്യ ആ​ശു​പ​ത്രി​യി​ൽ ആ​ഴ്ച​യോ​ളം ചി​കി​ത്സ​യി​ലാ​യി​രു​ന്നു. ബു​ധ​നാ​ഴ്ച രാ​വി​ലെ 7.30 ഓ​ടെ ആ​യി​രു​ന്നു അ​ന്ത്യം. മോ​ഹി​നി​യാ​ട്ട​ത്തി​ന്റെ ഖ്യാ​തി ലോ​ക​ത​ല​ത്തി​ലെ​ത്തി​ച്ച ക​ന​ക്​ റെ​ലെ​യെ രാ​ജ്യം പ​ത്മ​ഭൂ​ഷ​ൺ ന​ൽ​കി ആ​ദ​രി​ച്ചി​ട്ടു​ണ്ട്.

1937 ജൂ​ൺ 11ന്​ ​ഗു​ജ​റാ​ത്തി​ല്‍ ജ​നി​ച്ച ക​ന​ക് റെ​ലെ​യു​ടെ ബാ​ല്യ​കാ​ലം കൊ​ല്‍ക്ക​ത്ത​യി​ലെ ശാ​ന്തി​നി​കേ​ത​നി​ലാ​യി​രു​ന്നു. അ​വി​ടെ​വെ​ച്ചാ​ണ് നൃ​ത്ത​ക​ല​യി​ൽ ആ​കൃ​ഷ്ട​യാ​യ​ത്. ഏ​ഴാം വ​യ​സ്സി​ല്‍ ഗു​രു ക​രു​ണാ​ക​ര​പ്പ​ണി​ക്ക​രു​ടെ കീ​ഴി​ൽ ക​ഥ​ക​ളി​യും ക​ലാ​മ​ണ്ഡ​ലം രാ​ജ​ല​ക്ഷ്മി​യു​ടെ കീ​ഴി​ല്‍ മോ​ഹി​നി​യാ​ട്ട​വും പ​രി​ശീ​ലി​ച്ചു. മോ​ഹി​നി​യാ​ട്ട​ത്തി​ൽ കു​ഞ്ചു​ക്കു​ട്ടി​യ​മ്മ, ചി​ന്ന​മ്മു​വ​മ്മ, ക​ല്യാ​ണി​ക്കു​ട്ടി​യ​മ്മ എ​ന്നി​വ​രും ഗു​രു​ക്ക​ന്മാ​രാ​ണ്. മും​ബൈ​യി​ല്‍നി​ന്ന് നി​യ​മ​ബി​രു​ദ​വും മാ​ഞ്ച​സ്റ്റ​ര്‍ സ​ർ​വ​ക​ലാ​ശാ​ല​യി​ല്‍നി​ന്ന് രാ​ജ്യാ​ന്ത​ര നി​യ​മ​ത്തി​ൽ ഡി​പ്ലോ​മ​യും നേ​ടി​യെ​ങ്കി​ലും റെ​ലെ ത​ന്റെ ജീ​വി​തം മോ​ഹി​നി​യാ​ട്ട​ത്തി​ന്​ സ​മ​ർ​പ്പി​ക്കു​ക​യാ​യി​രു​ന്നു. ന​ള​ന്ദ നൃ​ത്ത ഗ​വേ​ഷ​ണ കേ​ന്ദ്ര​ത്തി​ന്റെ സ്ഥാ​പ​ക ഡ​യ​റ​ക്ട​റും ന​ള​ന്ദ നൃ​ത്ത​ക​ല മ​ഹാ വി​ദ്യാ​ല​യ​ത്തി​ലെ​ന്റെ സ്ഥാ​പ​ക പ്രി​ൻ​സി​പ്പ​ലു​മാ​യി​രു​ന്നു.

മോ​ഹി​നി​യാ​ട്ടം; ദ ​ലി​റി​ക്ക​ല്‍ ഡാ​ന്‍സ്, ഭാ​വ​നി​രൂ​പ​ണ, എ ​ഹാ​ന്‍ഡ്ബു​ക്ക് ഓ​ഫ് ഇ​ന്ത്യ​ന്‍ ഡാ​ന്‍സ് ടെ​ര്‍മി​നോ​ള​ജി എ​ന്നീ ഗ്ര​ന്ഥ​ങ്ങ​ൾ ര​ചി​ച്ചു. യ​തീ​ന്ദ്ര റെ​ലെ ആ​ണ് ഭ​ര്‍ത്താ​വ്. മ​ക​ൻ: രാ​ഹു​ല്‍. മ​രു​മ​ക​ൾ: ഉ​മ.