രാജ്യത്തെ പുതിയ സൈനിക് സ്കൂളുകളിൽ ഭൂരിഭാഗവും സംഘ്പരിവാർ ബന്ധമുള്ളവർക്ക്

ന്യൂ​ഡ​ൽ​ഹി: രാ​ജ്യ​ത്ത് പു​തി​യ​താ​യി ആ​രം​ഭി​ച്ച സൈ​നി​ക് സ്കൂ​ളു​ക​ളി​ൽ 62 ശ​ത​മാ​ന​വും സം​ഘ്പ​രി​വാ​ർ-​ബി.​ജെ.​പി ബ​ന്ധ​മു​ള്ള​വ​ർ​ക്കും സ​ഖ്യ​ക​ക്ഷി​ക​ൾ​ക്കും അ​നു​വ​ദി​ച്ച​താ​യി ക​ണ്ടെ​ത്ത​ൽ. സ്വ​ത​ന്ത്ര മാ​ധ്യ​മ​പ്ര​വ​ർ​ത്ത​ക​രു​ടെ കൂ​ട്ടാ​യ്മ​യാ​യ ‘ദ ​റി​പ്പോ​ർ​ട്ടേ​ഴ്സ് ക​ല​ക്ടി​വ്’ ആ​ണ് ഇ​ക്കാ​ര്യം പു​റ​ത്തു​വി​ട്ട​ത്.

2021ലാ​ണ് സൈ​നി​ക് സ്കൂ​ളു​ക​ൾ ആ​രം​ഭി​ക്കാ​ൻ കേ​ന്ദ്ര സ​ർ​ക്കാ​ർ സ്വ​കാ​ര്യ മേ​ഖ​ല​യി​ൽ​നി​ന്നു​ള്ള​വ​ർ​ക്ക് അ​നു​വാ​ദം ന​ൽ​കി​യ​ത്. പൊ​തു-​സ്വ​കാ​ര്യ പ​ങ്കാ​ളി​ത്ത​ത്തോ​ടെ സൈ​നി​ക് സ്കൂ​ളു​ക​ൾ ആ​രം​ഭി​ക്കാ​മെ​ന്നാ​യി​രു​ന്നു വ്യ​വ​സ്ഥ. രാ​ജ്യ​ത്തു​ട​നീ​ളം 100 പു​തി​യ സൈ​നി​ക് സ്കൂ​ളു​ക​ൾ ആ​രം​ഭി​ക്കു​മെ​ന്ന് ആ ​വ​ർ​ഷ​ത്തെ ബ​ജ​റ്റി​ൽ വാ​ഗ്ദാ​ന​വും ന​ൽ​കി.

കേ​ന്ദ്ര പ്ര​തി​രോ​ധ മ​ന്ത്രാ​ല​യ​ത്തി​നു​കീ​ഴി​ലെ സ്വ​യം​ഭ​ര​ണാ​ധി​കാ​ര​മു​ള്ള സ്ഥാ​പ​ന​മാ​യ സൈ​നി​ക് സ്കൂ​ൾ സൊ​സൈ​റ്റി​ക്കാ​ണ് (എ​സ്.​എ​സ്.​എ​സ്) സൈ​നി​ക് സ്കൂ​ളു​ക​ളു​ടെ ചു​മ​ത​ല. എ​സ്.​എ​സ്.​എ​സി​ന്റെ മാ​ന​ദ​ണ്ഡ​ങ്ങ​ൾ അ​നു​സ​രി​ക്കു​ന്ന ഏ​ത് സ്കൂ​ളി​നും സൈ​നി​ക് സ്കൂ​ളാ​യി മാ​റാ​നു​ള്ള അ​നു​മ​തി തേ​ടാം. ഭൂ​മി, ഭൗ​തി​ക സൗ​ക​ര്യ​ങ്ങ​ൾ, വി​വ​ര​സാ​ങ്കേ​തി​ക സൗ​ക​ര്യ​ങ്ങ​ൾ, സാ​മ്പ​ത്തി​ക സ്രോ​ത​സ്സ്, ജീ​വ​ന​ക്കാ​ർ തു​ട​ങ്ങി​യ​വ​യു​ള്ള സ്വ​കാ​ര്യ സ്കൂ​ളു​ക​ൾ സൈ​നി​ക് സ്കൂ​ളു​ക​ളാ​യി മാ​റാ​ൻ യോ​ഗ്യ​ത​യു​ള്ള​വ​യാ​ണ്. ഇ​തു​വ​ഴി​യാ​ണ് സം​ഘ്പ​രി​വാ​ർ സ്ഥാ​പ​ന​ങ്ങ​ളും സം​ഘ്പ​രി​വാ​ർ ബ​ന്ധ​മു​ള്ള​വ​രു​ടെ സ്ഥാ​പ​ന​ങ്ങ​ളും വ​ലി​യ തോ​തി​ൽ സൈ​നി​ക സ്കൂ​ളു​ക​ളാ​യി മാ​റി​യ​ത്.

സൈ​നി​ക് സ്കൂ​ളു​ക​ളു​മാ​യി ബ​ന്ധ​പ്പെ​ട്ട് കേ​ന്ദ്ര സ​ർ​ക്കാ​ർ പു​റ​ത്തി​റ​ക്കി​യ വാ​ർ​ത്താ​ക്കു​റി​പ്പി​ലെ​യും വി​വ​രാ​വ​കാ​ശ നി​യ​മ​പ്ര​കാ​രം ല​ഭി​ച്ച മ​റു​പ​ടി​യി​ലെ​യും വി​വ​ര​ങ്ങ​ൾ ഏ​റെ ആ​ശ​ങ്ക​യു​ണ്ടാ​ക്കു​ന്ന​താ​ണെ​ന്ന് ‘ദ ​റി​പ്പോ​ർ​ട്ടേ​ഴ്സ് ക​ല​ക്ടി​വി’​ന്‍റെ റി​പ്പോ​ർ​ട്ടി​ൽ പ​റ​യു​ന്നു. സൈ​നി​ക് സ്കൂ​ൾ സൊ​സൈ​റ്റി​യു​മാ​യി ഇ​തു​വ​രെ ധാ​ര​ണ​പ​ത്രം ഒ​പ്പി​ട്ട 40 സൈ​നി​ക് സ്കൂ​ളു​ക​ളി​ൽ 62 ശ​ത​മാ​ന​വും ആ​ർ.​എ​സ്.​എ​സു​മാ​യോ അ​തി​ന്‍റെ ഉ​പ​സം​ഘ​ട​ന​ക​ളു​മാ​യോ ബി.​ജെ.​പി നേ​താ​ക്ക​ളു​മാ​യോ സ​ഖ്യ​ക​ക്ഷി​ക​ളു​മാ​യോ ബ​ന്ധ​മു​ള്ള​വ​യാ​ണ്. ഹി​ന്ദു​ത്വ സം​ഘ​ട​ന​ക​ളു​ടെ​യും ഹി​ന്ദു​ത്വ നേ​താ​ക്ക​ളു​ടെ​യും സ്കൂ​ളു​ക​ളും ഇ​തി​ൽ ഉ​ൾ​പ്പെ​ടു​ന്നു. അ​തേ​സ​മ​യം, ഇ​വ​യി​ൽ ഒ​ന്നു​പോ​ലും മു​സ്‍ലിം, ക്രി​സ്ത്യ​ൻ മ​ത​സം​ഘ​ട​ന​ക​ളു​മാ​യോ മ​റ്റ് ന്യൂ​ന​പ​ക്ഷ സം​ഘ​ട​ന​ക​ളു​മാ​യോ ബ​ന്ധ​മു​ള്ള സ്കൂ​ളു​ക​ള​ല്ല.

കേ​ര​ള​ത്തി​ൽ എ​റ​ണാ​കു​ള​ത്തെ ശ്രീ ​ശാ​ര​ദ വി​ദ്യാ​ല​യ​മാ​ണ് പു​തി​യ സൈ​നി​ക് സ്കൂ​ൾ പ​ദ​വി ല​ഭി​ച്ച വി​ദ്യാ​ല​യം. ഹി​ന്ദു മ​ത​സം​ഘ​ട​ന​യാ​യ ആ​ദി​ശ​ങ്ക​ര ട്ര​സ്റ്റാ​ണ് സ്കൂ​ളി​ന്‍റെ ന​ട​ത്തി​പ്പു​കാ​ർ.

അ​രു​ണാ​ച​ൽ പ്ര​ദേ​ശി​ലെ ത​വാ​ങ് പ​ബ്ലി​ക്ക് സ്കൂ​ൾ സം​സ്ഥാ​ന​ത്തെ ഒ​രേ​യൊ​രു സൈ​നി​ക സ്കൂ​ളാ​ണ്. മു​ഖ്യ​മ​ന്ത്രി​യും ബി.​ജെ.​പി നേ​താ​വു​മാ​യ പേ​മ ഖ​ണ്ഡു​വി​ന്‍റെ ഉ​ട​മ​സ്ഥ​ത​യി​ലു​ള്ള​താ​ണ് സ്കൂ​ൾ. പേ​മ ഖ​ണ്ഡു സ്കൂ​ൾ ചെ​യ​ർ​മാ​നും സ​ഹോ​ദ​ര​നും ബി.​ജെ.​പി എം.​എ​ൽ.​എ​യു​മാ​യ സെ​രി​ങ് താ​ഷി മാ​നേ​ജി​ങ് ഡ​യ​റ​ക്ട​റു​മാ​ണ്.

ഗു​ജ​റാ​ത്തി​ലെ സൈ​നി​ക സ്കൂ​ളാ​യ മോ​ത്തി​ഭാ​യി ആ​ർ. ചൗ​ധ​രി സാ​ഗ​ർ സൈ​നി​ക സ്കൂ​ൾ മു​ൻ ബി.​ജെ.​പി ജ​ന​റ​ൽ സെ​ക്ര​ട്ട​റി അ​ശോ​ക് കു​മാ​ർ ഭ​വ്സം​ഗ്ഭാ​യി​യു​മാ​യി ബ​ന്ധ​മു​ള്ള​താ​ണ്. ക​ഴി​ഞ്ഞ വ​ർ​ഷം കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ​യാ​ണ് സ്കൂ​ളി​ന് ത​റ​ക്ക​ല്ലി​ട്ട​ത്. ഗു​ജ​റാ​ത്തി​ലെ ത​ന്നെ ബ​നാ​സ് സൈ​നി​ക് സ്കൂ​ൾ ഗ​ൽ​ഭാ​ബാ​യി നാ​ൻ​ജി​ബാ​യി ചാ​രി​റ്റ​ബി​ൾ സൊ​സൈ​റ്റി​ക്ക് കീ​ഴി​ൽ. ഗു​ജ​റാ​ത്ത് നി​യ​മ​സ​ഭ സ്പീ​ക്ക​റും ബി.​ജെ.​പി നേ​താ​വു​മാ​യ ശ​ങ്ക​ർ ചൗ​ധ​രി​യാ​ണ് സൊ​സൈ​റ്റി​ക്ക് നേ​തൃ​ത്വം ന​ൽ​കു​ന്ന​ത്.

ആ​ന്ധ്ര​പ്ര​ദേ​ശ് നെ​ല്ലൂ​രി​ലെ അ​ദാ​നി വേ​ൾ​ഡ് സ്കൂ​ളും സൈ​നി​ക് സ്കൂ​ളാ​യി അ​ഫി​ലി​യേ​റ്റ് ചെ​യ്തു. അ​ദാ​നി ക​മ്യൂ​ണി​റ്റി എം​പ​വ​ർ​മെ​ന്‍റ് ഫൗ​ണ്ടേ​ഷ​ന് കീ​ഴി​ലാ​ണ് സ്കൂ​ൾ പ്ര​വ​ർ​ത്തി​ക്കു​ന്ന​ത്.

ആ​ർ.​എ​സ്.​എ​സി​നു​കീ​ഴി​ലെ വി​ദ്യാ​ഭ്യാ​സ സം​ഘ​ട​ന​യാ​യ വി​ദ്യാ​ഭാ​ര​തി​ക്ക് ഏ​ഴ് സൈ​നി​ക് സ്കൂ​ളു​ക​ളാ​ണു​ള്ള​ത്. മൂ​ന്നെ​ണ്ണം ബി​ഹാ​റി​ലും ഓ​രോ​ന്നു​വീ​തം മ​ധ്യ​പ്ര​ദേ​ശ്, പ​ഞ്ചാ​ബ്, കേ​ര​ളം, ദാ​ദ്ര നാ​ഗ​ർ ഹ​വേ​ലി എ​ന്നി​വി​ട​ങ്ങ​ളി​ലും.

ആ​ർ.​എ​സ്.​എ​സി​നു​കീ​ഴി​ലെ മ​റ്റൊ​രു സം​ഘ​ട​ന​യാ​യ രാ​ഷ്ട്രീ​യ സേ​വാ​ഭാ​ര​തി​യാ​ണ് ഹോ​സം​ഗ​ബാ​ദി​ലെ സ​ര​സ്വ​തി ഗ്രാ​മോ​ദ​യ് ഹ​യ​ർ സെ​ക്ക​ൻ​ഡ​റി സ്കൂ​ൾ ന​ട​ത്തി​പ്പ്. ഇ​തി​നും സൈ​നി​ക് സ്കൂ​ളാ​യി അ​നു​മ​തി ല​ഭി​ച്ചി​ട്ടു​ണ്ട്.

സെ​ൻ​ട്ര​ൽ ഹി​ന്ദു മി​ലി​റ്റ​റി എ​ജു​ക്കേ​ഷ​ൻ സൊ​സൈ​റ്റി​ക്കു​കീ​ഴി​ൽ നാ​ഗ്പു​രി​ൽ പ്ര​വ​ർ​ത്തി​ക്കു​ന്ന ഭോ​ൻ​സാ​ല മി​ലി​റ്റ​റി സ്കൂ​ളി​നും സൈ​നി​ക സ്കൂ​ൾ പ​ദ​വി. 2006ലെ ​ന​ന്ദേ​ഡ് ബോം​ബ് സ്ഫോ​ട​നം, 2008ലെ ​മാ​ലേ​ഗാ​വ് സ്ഫോ​ട​നം എ​ന്നീ കേ​സു​ക​ളി​ലെ പ്ര​തി​ക​ൾ​ക്ക് ഭോ​ൻ​സാ​ല മി​ലി​റ്റ​റി സ്കൂ​ളി​ൽ​നി​ന്ന് പ​രി​ശീ​ല​നം ല​ഭി​ച്ചി​രു​ന്നു​വെ​ന്ന ആ​രോ​പ​ണം മ​ഹാ​രാ​ഷ്ട്ര ഭീ​ക​ര​വി​രു​ദ്ധ സേ​ന അ​ന്വേ​ഷി​ച്ചി​രു​ന്നു.