Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHealth & Fitnesschevron_rightGeneral Healthchevron_rightകോവിഡ്​ ആദ്യം...

കോവിഡ്​ ആദ്യം നാഡീവ്യവസ്​ഥയെ ബാധിക്കുന്നതായി പഠനം

text_fields
bookmark_border
കോവിഡ്​ ആദ്യം നാഡീവ്യവസ്​ഥയെ ബാധിക്കുന്നതായി പഠനം
cancel

ചികാഗോ (അമേരിക്ക): ശ്വസനവ്യവസ്​ഥയെ ബാധിക്കുന്നതിന്​ മുന്നെ നാഡീവ്യവസ്​ഥയെ കോവിഡ് ബാധിക്കുന്നുണ്ടെന്ന്​ പഠനം. പനി, ചുമ പോലുള്ള ലക്ഷണങ്ങൾ പ്രകടമാകുന്നതിന്​ മുന്നെ തന്നെ തലവേദന, ഗന്ധം-രുചി പോലുള്ളവ തിരിച്ചറിയാനുള്ള പ്രയാസം, ശ്രദ്ധക്കുറവ്​ പോലുള്ള ലക്ഷണങ്ങൾ പ്രകടമാകുന്നതായും അമേരിക്കയിലെ നോർത്ത്​വെ​സ്​റ്റേൺ യൂണിവഴ്​സിറ്റി നടത്തിയ പഠനം വ്യക്​തമാക്കുന്നു.

കോവിഡ്​ ബാധിതരായി ആശുപത്രിയിലെത്തിച്ച രോഗികളിൽ പകുതിയും നാഡീസംബന്ധമായ ലക്ഷണങ്ങൾ പ്രകടിപ്പിക്കുന്നതായി പഠനം കണ്ടെത്തി. തല​േവദന, മന്ദത, ശ്രദ്ധക്കുറവ്​, പേശീവേദന, ഗന്ധം-രുചി പോലുള്ളവ തിരിച്ചറിയാനുള്ള പ്രയാസം തുടങ്ങിയ പ്രശ്​നങ്ങൾ നേരിടുന്നവരായിരുന്നു രോഗികളേറെയുമെന്ന്​ നോർത്ത്​ വെസ്​റ്റേൺ മെഡിസിൻ മേധാവി ഡോ. ഇഗോർ കോറൽനിക്​ പറയുന്നു. 

രോഗം മൂർഛിക്കുന്നതിനനുസരിച്ച്​ നാഡീസംവിധാനത്തെ പൂർണമായും ബാധിക്കാനുള്ള സാധ്യതയുണ്ടെന്നും പഠനം മുന്നറിയിപ്പ്​ നൽകുന്നു. ആവശ്യമായ ഒാക്​സിജൻ ലഭിക്കാത്തത്​ തലച്ചോറി​​​െൻറ പ്രവർത്തനത്തെ ബാധിക്കുന്ന നിലയിലേക്ക്​ മാറാനുള്ള സാധ്യതയുണ്ട്​. തലച്ചോർ, നാഡീവ്യൂഹം, പേശികൾ എന്നിവയെ എല്ലാം കോവിഡ്​ ബാധിക്കുന്നു. 

തലച്ചോറിൽ രക്​തസ്രാവം, പക്ഷാഘാതം തുടങ്ങിയ സങ്കീർണതകളിലേക്ക്​ രോഗാവസ്​ഥ മാറാനുള്ള സാധ്യത കൂടി ചികിത്സകർ പരിഗണിക്കണമെന്നാണ്​ പഠനം തെളിയിക്കുന്നതെന്ന്​ ഡോ. ഇഗോർ ചൂണ്ടികാണിക്കുന്നു. 

Show Full Article
TAGS:covid 19 corona outbreak Coronavirus us malayalam news nervous system 
Next Story