പ്രമേഹമരുന്നും അർബുദവും; സത്യമിതാണ്

ഈയടുത്ത കാലത്ത്​ പ്രമേഹചികിത്സക്കുപയോഗിക്കുന്ന ‘മെറ്റ്​ഫോമിൻ’ മരുന്ന്​ അർബുദം ഉണ്ടാക്കുന്ന ഒന്നാണ്​ എന്ന തെറ്റായ പ്രചാരണം സമൂഹമാധ്യമങ്ങളിൽ പ്രചരിക്കപ്പെട്ടു. മെറ്റ്​ഫോമിൻ ഗുളിക കഴിക്കുന്ന ലക്ഷക്കണക്കിന്​ രോഗികൾക്കിടയിൽ ഇത്​ പരിഭ്രാന്തി പരത്തി. ചിലർ മരുന്നുകൾ നിർത്തി. മറ്റു ചിലർ ചികിത്സകരെ ഫോണിൽ ബന്ധപ്പെടാൻ തുടങ്ങി. സത്യത്തിൽ മെറ്റ്​ഫോമിൻ അർബുദം ഉണ്ടാക്കില്ല എന്നു മാത്രമല്ല ചില അർബുദങ്ങളെ പ്രതിരോധിക്കാനുള്ള കഴിവുകൂടിയുണ്ട്​.

എന്താണ്​ വസ്​തുത?

സിംഗപ്പൂരിൽ വിപണിയിലുള്ള 46 ഇനം വിവിധ മെറ്റ്​ഫോമിൻ (Metformin) ബ്രാൻഡുകളിൽ മൂന്ന്​ ബ്രാൻഡുകളിൽ NDMA N-Nitrosodimethylamine) എന്ന രാസവസ്​തു അനുവദനീയമായ അളവിലും കൂടുതൽ അടങ്ങിയിരിക്കുന്നതായി കണ്ടെത്തി. അത്​ വളരെക്കാലം കഴിച്ചാൽ അർബുദസാധ്യത കൂടുതലായതിനാൽ ആ മൂന്നു ബ്രാൻഡുകളും വിൽക്കുന്നത്​ വിലക്കി. ഇതിന്​ തൊട്ടുപിന്നാലെ അമേരിക്കയിൽ വിൽക്കപ്പെടുന്ന എല്ലാ മെറ്റ്​ഫോമിൻ ബ്രാൻറുകളിലും എൻ.ഡി.എം.എ-മലിനീകരണം ഉണ്ടോ എന്ന്​ കണ്ടെത്താൻ എഫ്​.ഡി.എ നടപടികൾ തുടങ്ങി. ഈമാസം അവർ പുറത്തുവിട്ട റിപ്പോർട്ടിൽ അവിടെ വിപണിയിലുള്ള ഒരു മെറ്റ്​ഫോമിൻ ബ്രാൻഡിലും എൻ.ഡി.എം.എയുടെ സാന്നിധ്യം അനുവദനീയമായ അളവിൽ കൂടുതൽ ഇ​െല്ലന്നു കണ്ടെത്തി.

എന്താണ്​ മെറ്റ്​ഫോമിൻ

1922ൽ ഒരു പാഴ്​ചെടിയിൽനിന്ന്​ വേർതിരിച്ചെടുത്തതാണ്​ ഈ മരുന്ന്​. പിന്നീട്​ 1929ൽ ഇതിന്​ മൃഗങ്ങളിൽ ശരീരത്തിലെ പഞ്ചസാരയുടെ അളവ്​ കുറക്കാൻ കഴിയും എന്ന്​ കണ്ടെത്തി. പിന്നീട്​ 1954-57 കാലയളവിൽ മനുഷ്യരിൽ നടത്തിയ പഠനങ്ങളിൽ മെറ്റ്​ഫോമിന്​ പഞ്ചസാരയുടെ അളവ്​ സാധാരണ നിലയിലെത്തിക്കാൻ കഴിയും എന്ന്​ കണ്ടെത്തി.

എന്നിരുന്നാലും 1994ൽ ആണ്​ അമേരിക്കൻ ഗവൺമ​​െൻറി​​​െൻറ ഉപഭോക്​തൃ സംരക്ഷണ ഏജൻസിയായ ഫുഡ്​ ആൻഡ്​ ഡ്രഗ്​​ അഡ്​മിനിസ്​ട്രേഷൻ പ്രമേഹരോഗ ചികിത്സക്ക്​ മെറ്റ്​ഫോമിന്​ അനുമതി കൊടുത്തത്​. എന്നാൽ, ലോകത്ത്​ പ്രമേഹരോഗികൾ ഏറ്റവും കൂടുതൽ ഉപയോഗിക്കുന്ന മരുന്നായി ഇത്​ മാറിക്കഴിഞ്ഞു.

മെറ്റ്​ഫോമി‍‍‍​ൻെറ സവിശേഷതകൾ

ടൈപ്പ്​ 2 പ്രമേഹരോഗികളിൽ, പ്രത്യേകിച്ചും വണ്ണക്കൂടുതലുള്ളവരിൽ ആദ്യം കൊടുക്കേണ്ട മരുന്നാണ്​ മെറ്റ്​ഫോമിൻ. രക്തത്തിലെ ഉയർന്ന പഞ്ചസാരയുടെ അളവ്​ നോർമലിൽ എത്തിക്കു​േമ്പാഴും ആവശ്യത്തിൽ കൂടുതൽ കുറച്ചുകളയില്ല എന്ന സവിശേഷതയും ഇതിനുണ്ട്​. ഒരാളിൽ ഉൽപാദിപ്പിക്കപ്പെടുന്ന ഗ്ലൂക്കോസി​​​െൻറ അളവ്​ കുറച്ചും ശരീരത്തിലെ ഇൻസുലി​​​െൻറ പ്രവർത്തനക്ഷമത കൂട്ടിയുമാണ്​ രക്തത്തിലെ ഗ്ലൂക്കോസി​​​െൻറ അളവ്​ സാധാരണ നിലയിലെത്തിക്കുന്നത്​. ഇതുകൂടാതെ വിശപ്പ്​ അൽപം കുറയുന്നതിനും ചില അർബുദരോഗികളെ പ്രതിരോധിക്കുന്നതിനും ഇതിന്​ കഴിയും.

മെറ്റ്​ഫോമിൻ കഴിക്കുന്നവരിൽ ഹൃദയത്തിന്​ ഒരു സംരക്ഷണം കൂടി കിട്ടുന്നതായി ചില പഠനങ്ങളുണ്ട്​. സ്​ഥിരം മെറ്റ്​ഫോമിൻ കഴിക്കുന്നവർക്ക്​ ജീവിത ദൈർഘ്യം പോലും കൂടുന്നതായും റിപ്പോർട്ടുകളുണ്ട്​. പ്രമേഹം കൂടാതെ സ്​ത്രീകളിൽ കാണപ്പെടുന്ന PCOD എന്ന രോഗാവസ്​ഥ ചികിത്സിക്കുന്നതിനും മെറ്റ്​ഫോമിൻ ഉപയോഗിക്കാറുണ്ട്​.

എന്താണ്​ എൻ.ഡി.എം.എ

ക്ലോറിനേഷൻ നടത്തിയ കുടിവെള്ളത്തിലും സംസ്​കരിച്ചു സൂക്ഷിക്കുന്ന ഇറച്ചികളിലുമൊക്കെ അടങ്ങിയിരിക്കുന്ന ഒരു വിഷപദാർഥമാണ്​ എൻ.ഡി.എം.എ. കുടിവെള്ളത്തിൽ ഇതി​​​െൻറ അളവ്​ ഒരു ലിറ്ററിൽ ഒമ്പതു നാനോ ഗ്രാമിന്​ മുകളിൽ ആകരുത്​ എന്ന്​ നിഷ്​കർഷിച്ചിട്ടുണ്ട്​. കണ്ടെത്താൻ പ്രയാസവും നീക്കംചെയ്യാൻ അതിലേറെ ബുദ്ധിമുട്ടുമുള്ള ഒരു മാലിന്യമാണിത്​.

റിവേഴ്​സ്​ ഓസ്​മോസിസ്​ പോലും 50 ശതമാനം എൻ.ഡി.എം.എ മാത്രമേ നീക്കംചെയ്യൂ. എന്നാൽ, ഉയർന്ന അളവിലുള്ള അൾട്രാവയലറ്റ്​ വികിരണം ഇതിനെ നീക്കംചെയ്യാൻ സഹായിക്കും. അമിതമായ അളവിൽ ശരീരത്തിൽ ചെന്നാൽ മരണംപോലും സംഭവിക്കാം. സയനൈഡ്​ പോലെ കൊലപാതകത്തിന്​ പോലും ഉപയോഗിക്കുന്ന ഒരു മാരക വിഷമാണിത്​.
സാധാരണ കുടിവെള്ളത്തിലൂടെയും ഭക്ഷണ പദാർഥങ്ങളിലൂടെയും പ്രതിദിനം 96 നാനോഗ്രാം വരെ ഈ വിഷാംശം ശരീരത്തിനുള്ളിൽ പോയാൽ കുഴപ്പമൊന്നുമില്ല. എന്നാൽ, ഈ പരിധിയിലധികമായാൽ ആരോഗ്യപ്രശ്​നങ്ങൾ ഉണ്ടാകാം.

എന്തുകൊണ്ട്​ മരുന്നുകളിൽ മാലിന്യം കലരുന്നു?

ഗുണനിലവാര മാനദണ്ഡങ്ങൾക്കനുസൃതമായി മരുന്നുകൾ ഉൽപാദിപ്പിക്കേണ്ടതുണ്ട്​. അതിന്​ മരുന്നിനുവേണ്ട ചേരുവകൾ, അത്​ നിർമിക്കുന്നതിനാവശ്യമായ യന്ത്രസാമഗ്രികൾ, അവ ഉൽപാദിപ്പിക്കുന്ന ജീവനക്കാരുടെ പരിശീലനം, അവരുടെ വ്യക്തിഗത ശുചിത്വം തുടങ്ങി ഉൽപാദനത്തി​​​െൻറ എല്ലാ വശങ്ങളും അതിസൂക്ഷ്​മതയോടെയും കൃത്യതയോടെയും നിരീക്ഷിക്കപ്പെടേണ്ടതുണ്ട്​.

മരുന്നുകൾ നിർമിക്കുന്ന കമ്പനികൾ, എഫ്​ ഡി.എ, ലോകാരോഗ്യ സംഘടന മുതലായവയുടെ അന്താരാഷ്​ട്ര മാനദണ്ഡങ്ങൾ പാലിക്കേണ്ടതുണ്ട്​. അത്തരം കമ്പനികളുടെ മരുന്നുകൾ വിശദമായ പരിശോധനകൾക്കുശേഷം മാത്രമേ വിതരണം ചെയ്യാനാകൂ. എന്നാൽ, നമ്മുടെ നാട്ടിൽ ചില സ്​ഥലങ്ങളിലെങ്കിലും മരുന്നുൽപാദനം ഇപ്പോഴും കുടിൽ വ്യവസായമാണ്. അങ്ങനെ വരു​േമ്പാൾ കർശനമായ മാനദണ്ഡങ്ങൾ പാലിക്കപ്പെടാതിരിക്കാനും ഇത്തരം മാലിന്യങ്ങൾ കലരാനും സാധ്യതയുണ്ട്​.

നമ്മൾ ചെയ്യേണ്ടത്​

മരുന്നുകൾ തെരഞ്ഞെടുക്കു​േമ്പാൾ അവ ഉൽപാദിപ്പിക്കുന്ന കമ്പനികൾ എഫ്​.ഡി.എ, ഡബ്ല്യൂ.എച്ച്​.ഒ -ജി.എം.പി എന്നിവയു​െട അംഗീകാരമുള്ളവയാണോ എന്ന്​ പരിശോധിക്കണം. നമ്മുടെ നാട്ടിൽ വിറ്റഴിക്കപ്പെടുന്ന മരുന്നുകൾ ഗുണനിലവാരമുള്ളതാണെന്നും അവ മറ്റു മാലിന്യങ്ങളിൽനിന്ന്​ മുക്​തമാണെന്നും അധികാരികൾ ഉറപ്പാക്കണം.

• ഡോ. ​എ​സ്.​കെ. സു​രേ​ഷ്​ കു​മാ​ർ (ക​ൺ​സ​ൽ​ട്ടൻറ്​ ഫി​സി​ഷ്യ​ൻ ആ​ൻ​ഡ്​ ഡ​യ​ബ​റ്റോ​ള​ജി​സ്​​റ്റ്​​, ഇ​ഖ്​​റ ഹോ​സ്​​പി​റ്റ​ൽ)