ആർത്തവം- സ്​ത്രീത്വത്തി​െൻറ സവിശേഷത...

വൈദ്യശാസ്​ത്ര ചികിത്സാ രംഗത്ത്​ വികസിത രാജ്യങ്ങൾക്ക്​ തുല്യമായ ആരോഗ്യ നേട്ടങ്ങളാണ്​ കേരളം കൈവരിച്ചിട്ടുള ്ളത്​. മറ്റു ഘടകങ്ങൾക്കൊപ്പം സ്​ത്രീകളുടെ ഉയർന്ന വിദ്യാഭ്യാസവും ആരോഗ്യ നിലവാരം മെച്ചപ്പെടുത്തുന്നതിൽ വലി യൊരു പങ്കുവഹിച്ചിട്ടുണ്ട്​. വൈദ്യശാസ്​ത്ര ചികിത്സാ രംഗങ്ങളിൽ നാം കൈവരിച്ച നേട്ടങ്ങൾ നഷ്​ടമാകാതിരിക്കാനും സ്​ത്രീകളുടെ മുന്നേറ്റത്തിന്​ ഗുണകരമാകാനും ആരോഗ്യ കാര്യങ്ങളെപ്പറ്റിയുള്ള ഒരവബോധം തീർത്തും അനിവാര്യമാണ് ​.

"​ഋതുമതി" എന്ന പദംതന്നെ എത്ര ഭാവനാത്​മകം ആണ്​. ഒരു പെൺകുട്ടി ഋതുമതിയാകുന്നതിനും ദീർഘകാലം അവളെ പ്രത്യുൽപ ാദനക്ഷമതയുള്ളവളാക്കി നിലനിർത്തുന്നതിനും പിന്നിൽ ഒരുകൂട്ടം ഹോർമോണുകളുടെ സമയബദ്ധമായ പ്രവർത്തനങ്ങളാണുള്ള ത്​. കൃത്യമായ അളവിൽ ശരീരത്തിൽ ഉൽപാദിപ്പിക്കുകയും സൂക്ഷ്​മമായ തലത്തിൽ പ്രവർത്തിക്കുകയും ചെയ്യുന്ന രാസപദാർഥങ ്ങളാണ്​ ഹോർമോണുകൾ.

സ്​ത്രീത്വത്തി​​​​​െൻറ സവിശേഷതകളിലൊന്നായ ആർത്തവം സ്​ത്രീശരീരം പ്രത്യേുൽപാദന സജ് ജമാകുന്നു എന്നതി​​​​​െൻറ സൂചനകൂടിയാണ്​. ആദ്യാർത്തവം ആകുന്നതോടുകൂടി ഒരു പെൺകുട്ടി അങ്ങേയറ്റം ബഹുമാനിതയാവുക യാണ്​ ചെയ്യുന്നത്​. കാരണം മനുഷ്യകുലം നിലനിന്നുപോകുന്നതിനനിവാര്യമായ പ്രത്യുൽപാദനം ഇവളിലൂടെ സംജാതമാവുകയാണ് ​. ഇൗ ഘട്ടത്തിൽ ആർത്തവത്തി​​​​​െൻറ ശാസ്​ത്രീയ വശം മറന്ന്​ മിഥ്യകളും കടംകഥകളും കുട്ടിക്ക്​ പകർന്നുനൽകാതിരിക് കാൻ മുതിർന്നവർ ശ്രദ്ധിക്കേണ്ടതുണ്ട്​. ആർത്തവത്തെപ്പറ്റി ശരിയായ അറിവ്​ പകരലാണ്​ തെറ്റിദ്ധാരണ മാറ്റാനുള്ള ഏക വഴി. അതിന്​ ഏറ്റവും പറ്റിയ പ്രായം കൗമാരപ്രായം തന്നെയാണ്​.

എന്താണ്​ ആർത്തവം?
ഒരു പെൺകുഞ്ഞ്​ ഗർഭസ്​ഥ ശിശുവായിരിക്കു​േമ്പാൾതന്നെ അതി​​​​​െൻറ കുഞ്ഞു ശരീരത്തിനുള്ളിൽ സ്​ത്രീത്വത്തി​​​​​െൻറയും മാതൃത്വത്തി​​​​​െൻറയും ചുമതലകളെ നിറവേറ്റാനുള്ള മുന്നൊരുക്കങ്ങൾ എല്ലാം രൂപപ്പെടുന്നുണ്ട്​. ചുരുക്കത്തിൽ ഗർഭത്തിൽ വെച്ചുതന്നെ പെൺകുഞ്ഞിന്​ ഗർഭാശയവും അണ്ഡാശയവും ഫലോപ്പിയൻ നാളിയുമെല്ലാം ഉണ്ടായിക്കഴിഞ്ഞിരിക്കും. 9-11 വയസ്സാകു​േമ്പാഴേക്കും പെൺകുട്ടിക്ക്​ കൂടുതൽ സ്​ത്രൈണ ഭാവങ്ങൾ കൈവരുന്നു. അതോടൊപ്പം ആന്തരാവയവങ്ങളും വളർച്ച പ്രാപിക്കുന്നു.

ഹോർമോണുകളുടെ പ്രവർത്തനഫലമായി ഇൗ ഘട്ടത്തിൽ അണ്ഡാശയത്തിൽ അണ്ഡം പൂർണ വളർച്ച പ്രാപിക്കുന്നു. ഭ്രൂണത്തിന്​ പറ്റിച്ചേർന്ന്​ വളരാനായി ഗർഭാശയത്തിൽ എൻഡോമെട്രിയം എന്ന ഗർഭാശയ സ്​തരവും തൽപ്പമൊരുക്കി തയാറെടുക്കും. അണ്ഡം പൂർണ വളർച്ചയെത്തി ഗർഭാശയത്തിൽ എത്തിയാലും ഗർഭധാരണം നടക്കാത്ത സ്​ഥിതിക്ക്​ എൻഡോമെട്രിയത്തിലെ ഒരുക്കങ്ങളെല്ലാം പാഴാകുന്നു. ഇതോടെ എൻഡോമെട്രിയം ഗർഭാശയത്തിൽനിന്ന്​ അടർന്ന്​ മാറുന്നു. ഇങ്ങനെ അടരു​േമ്പാൾ ഉണ്ടാകുന്ന രക്​തവും എൻഡോമെട്രിയവും യോനീനാളത്തിലൂടെ പുറത്തുപോകുന്ന പ്രക്രിയയാണ്​ ‘ആർത്തവം’.

അണ്ഡം പുതുതായി ഉണ്ടാകുന്നില്ല
സ്​ത്രീയുടെ ഗർഭധാരണ സാധ്യത ഉറപ്പാക്കുന്ന നിർണായക ഘടകമാണ്​ അണ്ഡം. പുരുഷന്മാരിൽ പുതിയ ബീജം ഉണ്ടാകുന്നതുപോലെ സ്​ത്രീകളിൽ പുതിയ അണ്ഡം ഉണ്ടാകുന്നില്ല. 5 മാസം പ്രായമായ പെൺ ഗർഭസ്​ഥ ശിശുവി​​​​​െൻറ അണ്ഡാശയങ്ങളിൽ ഏകദേശം 5-6 മില്യനോളം അണ്ഡങ്ങൾ ഉണ്ടായിരിക്കും. കുഞ്ഞ്​ ജനിക്കന്നതോടെ അണ്ഡങ്ങളുടെ എണ്ണം കുറഞ്ഞ്​ 1-2 മില്യനാകും. ആർത്തവം ആരംഭിക്കുന്നതോടെ അണ്ഡങ്ങളുടെ എണ്ണം വീണ്ടും കുറയും. ഒാരോ മാസമുറയോടനുബന്ധിച്ചും പൂർണ വളർച്ചയെത്തിയ ഒരണ്ഡമാണ്​ ഗർഭാശയത്തിലെത്തുന്നതെങ്കിലും നിരവധി അണ്ഡങ്ങൾ ഇൗ മത്സരവത്തിൽ പ​െങ്കടുക്കുന്നുണ്ട്​. ജയിച്ച ആ ഒരണ്ഡം ഒഴികെ ബാക്കിയുള്ളവ നശിച്ചുപോകുന്നു.

മുറതെറ്റാതെ ആർത്തവം...
ഒരു ആർത്തവം കഴിയുന്നതോടെ ഗർഭാശയത്തി​​​​​െൻറ ഉൾവശത്തെ കോശങ്ങളുടെ ഏറ്റവും അടിയിലെ നിര ഒഴിച്ച്​ ബാക്കിയൊക്കെ ആർത്തവരക്​തത്തോടൊപ്പം പൊഴിഞ്ഞുപോകുന്നു. അതോടെ അണ്ഡാശയത്തിൽ നിന്നുൽപാദിപ്പിക്കുന്ന ഇൗസ്​ട്രജൻ ബാക്കിനിൽക്കുന്നവയിൽനിന്ന്​ പുതിയ കോശങ്ങളെ ഉൽപാദിപ്പിക്കുന്ന ധർമം ഏറ്റെടുക്കുന്നു. ചുരുക്കത്തിൽ ആർത്തവചക്രത്തി​​​​​െൻറ 14-ാം ദിവസം വരെ ഇൗസ്​ട്രജ​​​​​െൻറ പ്രവർത്തനം ത്വരിതഗതിയിൽ നടക്കുന്നു. കോശങ്ങളും പുതിയ രക്​തക്കുഴലുകളും ചെറുഗ്രന്​ഥികളുമൊക്കെയായി എൻഡോമെട്രിയം മെത്തപോലെ ആയിട്ടുണ്ടാകും.

പ്രോജസ്​റ്ററോൺ എന്ന ഹോർമോൺ പ്രവർത്തനം ആരംഭിക്കുന്നതോടെ ഇൗസ്​ട്രജ​​​​​െൻറ എൻഡോമെട്രിയത്തിലുള്ള പ്രവർത്തനം മന്ദീഭവിക്കുന്നു. എൻഡോമെട്രിയത്തിലെ ഗ്രന്​ഥികളെ സ്രവങ്ങൾ ഉൽപാദിപ്പിക്കാൻ സഹായിക്കുന്നതോടൊപ്പം ഗർഭത്തെ സ്വീകരിക്കാൻ എൻഡോമെട്രിയത്തെ സജ്ജമാക്കിയും പ്രോജസ്​റ്ററോൺ ത​​​​​െൻറ ധർമം നിർവഹിക്കുന്നു. എന്നാൽ ഗർഭധാരണം നടന്നില്ലെങ്കിൽ പ്രോജസ്​റ്ററോണി​​​​​െൻറയും ഇൗസ്​ട്രജ​​​​​െൻറയും പ്രവർത്തനങ്ങൾ മന്ദഗതിയിലാകുന്നു. അതോടെ എൻട്രോമെട്രിയത്തി​​​​​െൻറ മെത്തപോലെയുള്ള തൽപം നശിച്ച്​ പൊഴിഞ്ഞ്​ രക്​തത്തോടൊപ്പം ആർത്തവമായി പുറത്തുവരുന്നു. വീണ്ടും പുതിയ ആർത്തവചക്രം തുടങ്ങാനായി ഇൗസ്​ട്രജൻ ഉൽപാദനം തുടങ്ങുന്നു. ഇങ്ങനെ ചാക്രികമായി തുടരുന്ന ഇൗ​ പ്രക്രിയയിലൂടെ ആർത്തവം മുറതെറ്റാതെയെത്തുന്നു. അണ്ഡാശയത്തി​​​​​െൻറ പ്രവർത്തനങ്ങൾ ഇത്ര കൃത്യമായി നിർവഹിക്കുന്നതി​​​​​െൻറ പിന്നിൽ തലച്ചോറിലെ ഹൈപ്പോതലാമസും പിറ്റ്യൂട്ടറി ഗ്രന്​ഥിയുമാണ്​.

ആർത്തവ ദിനങ്ങളിലെ ഭക്ഷണം
ആർത്തവവേളയിൽ സ്​ത്രീകൾക്ക്​ പോഷകഭക്ഷണം കൂടിയേ തീരൂ. പച്ചക്കറികൾ, ഇലക്കറികൾ, ഏത്തപ്പഴം, ഉലുവ, എള്ള്​, മുതിര, ചെറുപയർ, മുരിങ്ങ, മുരിങ്ങയില, പാൽ, ചേന, കാരറ്റ്​, മുട്ട, ചെറുമത്സ്യങ്ങൾ, ഒാട്​സ്​, മുഴുധാന്യങ്ങൾ ഇവ ഇൗ ദിവസങ്ങളിൽ മാറിമാറി ഭക്ഷണത്തിൽപെടുത്തണം. ക്ഷീണം, ഉന്മേഷക്കുറവ്​, മനസംഘർഷം, സ്​തനത്തിൽ വേദന, വയറുവേദന, ഛർദി തുടങ്ങിയ ചെറിയ അസ്വസ്​ഥതകൾ ചിലരിൽ കണ്ടേക്കാം. ഇതി​​​​​െൻറ പേരിൽ ഭക്ഷണം ഒഴിവാക്കുന്ന പ്രവണത ഒട്ടും നന്നല്ല. ലഘുവായ ചികിത്സകളിലൂടെ ഇൗ പ്രശ്​നങ്ങൾ പരിഹരിക്കുവാനുമാകും. ആർത്തവ സമയം എട്ട്​-പത്ത്​ മണിക്കൂർ ഉറങ്ങാനും ധാരളം വെള്ളം കുടിക്കാനും ശ്രദ്ധിക്കണം. തേങ്ങവെള്ളം, കരിക്കിൻവെള്ളം, നാര​ങ്ങാവെള്ളം ഇവയും ഉൾപ്പെടുത്താവുന്നതാണ്​.

ശുചിത്വം പരമപ്രധാനം
ആർത്തവ ദിനങ്ങളിൽ കർശനമായ ശുചിത്വം പാലിക്കണം. പാഡുകൾ ഉപയോഗിക്കുന്നപോലെ പ്രധാനമാണ്​ അത്​ ശരിയായി നിർ​മാർജനം ചെയ്യുന്നതും. പാഡോ തുണിയോ എന്നതിലല്ല മറിച്ച്​ അവ എങ്ങനെ വൃത്തിയായി ഉപയോഗിക്കുന്നു എന്നതാണ്​ പ്രധാനം. 2 മണിക്കൂർ കൂടു​േമ്പാൾ ഇവ മാറ്റാൻ ശ്രദ്ധിക്കണം. ആർത്തവവേളക്ക്​ മുമ്പ്​ പാഡുകൾ കരുതിവെക്കാനും പെൺകുട്ടി ശ്രദ്ധിക്കണം. ആർത്തവ വേളയിൽ രണ്ടുനേരം കുളിക്കാനും ശരീരം വൃത്തിയായി സൂക്ഷിക്കാനും കഴിയണം.

ആർത്തവ പ്രശ്​നങ്ങൾ
ആർത്തവത്തോടനുബന്ധിച്ച്​ അമിത രക്​തസ്രാവം, കഠിന വേദന, അൽപ്പ രക്​തസ്രാവം, പോളിസ്​റ്റിക്​ ഒാവറി (പുഷ്​പഘ്​നി), 14 വയസ്സായിട്ടും ആർത്തവം വരാതിരിക്കുക, ആർത്തവം നീണ്ടുനിൽക്കുക, ആർത്തവ പൂർവ അസ്വസ്​ഥതകൾ തുടങ്ങിയവയൊക്കെ ഉള്ളവർ സ്വയം ചികിത്സതേടാതെ ഡോക്​ടറുടെ ശ്രദ്ധയിൽപെടുത്തേണ്ടതാണ്​.
ആർത്തവ വിരാമംവരെ തുടരുന്ന ആർത്തവം വളരെ സ്വാഭാവികമായ ഒരു പ്രക്രിയയാണ്​. ഒരു പെൺകുട്ടി വളരെ ധന്യതയോടും ഉത്തരവാദിത്തത്തോടുമാണ്​ ആർത്തവത്തെ നോക്കിക്കാണേണ്ടത്​.

ഒരു പുതുജീവ​​​​​െൻറ നാമ്പിനെ ഗർഭാശയത്തിൽ ചേർത്തുവെച്ച്​ സൃഷ്​ടികർമത്തിൽ പങ്കാളിയാവാൻ സ്​ത്രീക്ക്​ ആർത്തവം കൂടിയേ തീരൂ. അത്​ തന്നെയാണ്​ ആർത്തവത്തെ മഹത്തരമാക്കുന്നതും !

ഡോ. പ്രിയ ദേവദത്ത്​
കോട്ടക്കൽ ആര്യവൈദ്യശാല
മാന്നാർ
drpriyamannar@gmail.com