സർക്കാർ ഭവന പദ്ധതികളിലേക്ക് ഒരു ലക്ഷം ദുബൈ വിളക്കുകൾ നഗരസഭ നൽകും
text_fieldsദുബൈ: യു.എ.ഇ സർക്കാർ പ്രഖ്യാപിച്ച ദാനവർഷത്തിെൻറ ഭാഗമായ ദുബൈയിലെ ഭവന പദ്ധതികൾക്ക് ദുബൈ നഗരസഭ ഒരു ലക്ഷം വിളക്കുകൾ സംഭാവന ചെയ്യും.വൈദ്യുതി ഉപയോഗം കുറക്കുന്നതിനും കാർബൺ ബഹിർഗമനം കുറക്കുന്നതിനും സഹായിക്കുന്ന അത്യാധുനിക ദുബൈ വിളക്കുകൾ നഗരസഭ ഇൗയിടെ അവതരിപ്പിച്ചിരുന്നു. കോർപറേറ്റ് സാമൂഹിക ഉത്തരവാദിത്തത്തിെൻറ ഭാഗമായാണ് ഭവനങ്ങൾക്ക് വിളക്കുകൾ സൗജന്യമായി വിതരണം ചെയ്യുന്നതെന്ന് ഉൗർജ വകുപ്പ് ഡയറക്ടർ അഹ്മദ് സഇൗദ് അൽ ബദ്വാവി പറഞു.
ഒരു ലക്ഷം വിളക്ക് വിതരണം ചെയ്യുന്നതിലൂടെ വർഷം നാലു ലക്ഷം ദിർഹവും ഒരു കോടിയിലേറെ കിലോ വാട്ട് വൈദ്യുതിയും 6400 ടൺ കാർബൺ ഡയോക്സൈഡ് ബഹിർഗമനവും ലാഭിക്കാനാകുമെന്ന് അദ്ദേഹം പറഞ്ഞു. പരിസ്ഥിതി സൗഹൃദമായ ഗുണവിശേഷമുള്ള പ്രത്യേക വിളക്കുകളാണ് ദുബൈ വിളക്കുകൾ. നിലവിലെ 20^60 വാട്ടുകൾക്ക് പകരം ഒന്ന്, രണ്ട്, മൂന്ന് വാട്ടിെൻറ മൂന്നു തരം വിളക്കുകളാണ് ഇതിൽ ഉപയോഗിക്കുന്നത്. 2030 ഒാടെ ശുദ്ധമല്ലാത്ത ഉൗർജം 30 ശതമാനം കുറക്കാനാണ് ദുബൈ ലക്ഷ്യമിടുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.