എ.ബി.സി കാർഗോ ലേഡീസ് ക്രിക്കറ്റ് ലീഗ് സംഘടിപ്പിച്ചു
text_fieldsറാസൽഖൈമ: എ.ബി.സി കാർഗോ റാസൽഖൈമ ലേഡീസ് ക്രിക്കറ്റ് ലീഗ് സീസൺ1 മത്സരത്തിൽ റോയൽ സ്ട്രൈക്കേഴ്സ് ജേതാക്കളായി. ഫൈനലിൽ ലിയോ സി.സിയെ തോൽപിച്ചാണ് റോയൽ സ്ട്രൈക്കേഴ്സ് വിജയികളായത്. ടൂർണമെന്റിലെ മികച്ച കളിക്കാരിയായി നിഷ അലിയെ തിരഞ്ഞെടുത്തു. ടൂർണമെന്റിൽ മൂന്നാം സ്ഥാനം റാക് സൂപ്പർ നോവ കരസ്ഥമാക്കി. റാസൽഖൈമ കിക്ക് സ്പോർട്സ് ഗ്രൗണ്ടിൽ നടന്ന കളി ആവേശകരമായിരുന്നു.
വിവിധ മേഖലകളിൽ നിന്നുള്ള സ്ത്രീകളെ ഏകോപിപ്പിച്ചാണ് എ.ബി.സി കാർഗോ ലേഡീസ് ക്രിക്കറ്റ് ടൂർണമെന്റ് ഒരുക്കിയത്. ജേതാക്കൾക്കുള്ള ട്രോഫി എ.ബി.സി കാർഗോ ബ്രാഞ്ച് മാനേജർ മുഹമ്മദ് ഷഫീക് കൈമാറി. ഇന്ത്യൻ അസോസിയേഷൻ പ്രസിഡന്റ് എസ്.എ സലീം, എ.ബി.സി കാർഗോ പ്രതിനിധികളായ വിപിൻ, മുസ്തഫ, റിയാസ്, ശബീർ, ജിതേന്ദർ തുടങ്ങിയവർ പങ്കെടുത്തു. റാക് എൽ.സി.എസ് നേതാക്കളായ റീമ ബിനോ, നിഷിത സുനീർ, ജോഷില ജിജു തുടങ്ങിയവർ നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.