Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightഅജ്​മാൻ ഭരണാധികാരിയുടെ ...

അജ്​മാൻ ഭരണാധികാരിയുടെ 40 വർഷം: 40 തൈകൾ നട്ട്​ വിദ്യാർഥികൾ

text_fields
bookmark_border
അജ്​മാൻ ഭരണാധികാരിയുടെ 40 വർഷം:   40 തൈകൾ നട്ട്​ വിദ്യാർഥികൾ
cancel
camera_alt

അജ്​മാൻ അൽ ഹെലിയോ പാർക്കിൽ വൃക്ഷത്തൈകൾ നടുന്ന ഹാബിറ്റാറ്റ് സ്​കൂൾ കുട്ടികൾ

അജ്​മാൻ: അജ്​മാൻ ഭരണാധികാരി ശൈഖ്​ ഹുമൈദ് ബിൻ റാഷിദ് അൽ നുഐമി അധികാരത്തിലെത്തി 40 വർഷം തികയുന്നതി​െൻറ ആദരസൂചകമായി ഹാബിറ്റാറ്റ് സ്​കൂൾ ഗ്രൂപ്പി​െൻറ മൂന്ന് സ്​കൂളുകളിൽ നിന്ന്​ 40 കുട്ടികൾ അജ്​മാൻ അൽ ഹെലിയോ പാർക്കിൽ വൃക്ഷത്തൈകൾ നട്ടു. അജ്​മാൻ മുനിസിപ്പാലിറ്റിയുടെ സഹായത്തോടെയാണ് കുട്ടികൾ തൈകൾ നട്ടത്. വരും തലമുറക്ക്​ മുതൽക്കൂട്ടായതിനാൽ ഓരോ മരങ്ങൾ നടുന്നതിലും നമ്മൾ സന്തോഷിക്കണമെന്ന്​ ഹാബിറ്റാറ്റ് സ്​കൂൾസ് ചെയർമാൻ ശൈഖ്​ സുൽത്താൻ ബിൻ സഖർ അൽ നുഐമി പറഞ്ഞു.

രാഷ്​ട്രപിതാവായ ശൈഖ്​ സായി​ദ്​ ബിൻ സുൽത്താൻ ആൽ നെഹ്​യാ​​െൻറ പാത പിന്തുടരലാണിതെന്നും അദ്ദേഹം പറഞ്ഞു. പ്രകൃതിയെയും മണ്ണിനെയും സംരക്ഷിക്കാമെന്ന വാഗ്​ദാനമാണ് മരങ്ങൾ നടു​േമ്പാൾ നിറവേറുന്നതെന്ന് ഹാബിറ്റാറ്റ് സ്​കൂൾ മാനേജിങ് ഡയറക്​ടർ ഷംസുസമാൻ പറഞ്ഞു. ഹാബിറ്റാറ്റ് സ്​കൂൾ, അക്കാദമിക്​സ്​ ആൻഡ് ഇന്നൊവേഷൻ ഡീൻ വസീം യൂസഫ് ഭട്ട് ചടങ്ങ്​ ഉദ്​ഘാടനം ചെയ്​തു. അൽ ഹെലിയോ പാർക്ക് ഗാർഡൻ സൂപ്പർവൈസർ ബദ്രിയ അലി അൽ ഷെഹ്ഹി, ഹാബിറ്റാറ്റ് സ്​കൂൾ ചീഫ് അഡ്​മിനിട്രേറ്റിവ് ഓഫിസർ സുനിത ചിബ്ബർ, ഹാബിറ്റാറ്റ് സ്​കൂൾ മീഡിയ കോഓഡിനേറ്റർ റൊസിൻ കെ. ജോൺ എന്നിവർ പങ്കെടുത്തു.

Show Full Article
TAGS:40 years of Ajman ruler: 40 students planting saplings 
Next Story