ഹജ്ജ് വളൻറിയർ; ഒന്നാം ഘട്ട പരിശീലനം പൂർത്തിയായി
text_fieldsറിയാദ്: ‘തണലായി ഞങ്ങളുണ്ട് നിങ്ങളോടൊപ്പം’ എന്ന ശീർഷകത്തിൽ ഹജ്ജ് വളൻറിയർമാർക്ക് പരിശീലന ക്ലാസ് സംഘടിപ്പിച്ചു. ഐ.സി.എഫ്- ആർ.എസ്.സി റിയാദ് സെൻട്രലിന് കീഴിലെ 150 ഓളം വളൻറിയർമാരാണ് ആദ്യ ഘട്ട പരിശീലനത്തിൽ പങ്കെടുത്തത്. ബത്ഹ ഡി പാലസ് ഓഡിറ്റോറിയത്തിൽ നടന്ന സംഗമം ഐ.സി.എഫ് സൗദി നാഷനൽ വിദ്യാഭ്യാസ സെക്രട്ടറി ഉമർ പന്നിയൂർ ഉദ്ഘാടനം ചെയ്തു. റിയാദ് ഐ.സി.എഫ് പ്രസിഡൻറ് മുഹമ്മദ് കുട്ടി സഖാഫി ഒളമതിൽ, അബ്ദുല്ലതീഫ് തിരുവമ്പാടി എന്നിവർ സംസാരിച്ചു. ബഷീർ മിസ്ബാഹി അധ്യക്ഷത വഹിച്ചു. ജനറൽ കൺവീനർ ഫസൽ പത്തനാപുരം സ്വാഗതവും അബ്ദുൽ വാഹിദ് സഖാഫി നന്ദിയും പറഞ്ഞു. ഐ.സി.എഫ്- ആർ.എസ്.സി സൗദി നാഷനലിന് കീഴിൽ അയ്യായിരത്തോളം വളൻറിയർമാരണ് ഈ വർഷം സേവന രംഗത്തുള്ളത്. വളൻറിയർമാരായി രജിസ്റ്റർ ചെയ്യുന്നതിന് 0548667587, 0531631728 എന്നീ നമ്പറുകളിൽ ബന്ധപ്പെടാവുന്നതാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.