രോ​ഗ​വും പ​ല​വി​ധ ദു​രി​ത​ങ്ങ​ളും; തമിഴ്​നാട് സ്വദേശി സാമൂഹിക പ്രവർത്തകരുടെ തുണയിൽ നാടണഞ്ഞു

റി​യാ​ദ്​: രോ​ഗ​വും പ​ല​ത​രം ദു​രി​ത​ങ്ങ​ളും വേ​ട്ട​യാ​ടി​യ നി​രാ​ലം​ബ​ന്​ തു​ണ​യാ​യി മ​നു​ഷ്യ​സ്​​നേ​ഹി​ക​ൾ. ഇ​ഖാ​മ​യു​ടെ കാ​ലാ​വ​ധി ക​ഴി​ഞ്ഞ​തി​നാ​ൽ മൂ​ന്ന​ര വ​ർ​ഷ​മാ​യി നാ​ട്ടി​ൽ പോ​യി​ട്ടി​ല്ല. ര​ണ്ടു വൃ​ക്ക​ക​ളെ​യും രോ​ഗം കാ​ർ​ന്നു​തി​ന്നു​ന്ന​തി​നാ​ൽ ഒ​ന്നി​ട​വി​ട്ട ദി​വ​സ​ങ്ങ​ളി​ൽ ഡ​യാ​ലി​സി​സ്​ ചെ​യ്​​താ​ണ്​ അ​തി​ജീ​വ​നം. ഒ​ന്ന​ര മാ​സ​മാ​യി ആ​ശു​പ​ത്രി​യി​ലാ​ണ്. ദി​വ​സ​ങ്ങ​ൾ കൂ​ടു​ന്ന​തി​ന​നു​സ​രി​ച്ച്​ ചി​കി​ത്സ​ച്ചെ​ല​വ്​ കൂ​ടി​ക്കൊ​ണ്ടേ​യി​രി​ക്കു​ന്നു.

ഈ ​പ​ണം കെ​ട്ടാ​ൻ സ്വ​യം ത്രാ​ണി​യി​ല്ല. സ്​​പോ​ൺ​സ​ർ തി​രി​ഞ്ഞു​നോ​ക്കു​ന്നി​ല്ല. നാ​ട്ടി​ൽ ഉ​റ്റ​വ​രു​ടെ അ​ടു​ത്തെ​ത്താ​നാ​ണെ​ങ്കി​ൽ രേ​ഖ​ക​ളൊ​ന്നു​മി​ല്ലാ​ത്ത​ത്​ വ​ഴി​യും മു​ട​ക്കു​ന്നു. മ​ല​യാ​ളി സാ​മൂ​ഹി​ക പ്ര​വ​ർ​ത്ത​ക​രു​ടെ ശ്ര​ദ്ധ പ​തി​യും വ​രെ ഇ​താ​യി​രു​ന്നു ത​മി​ഴ്​​നാ​ട്​ തി​രു​നെ​ൽ​വേ​ലി പാ​ള​യം​കോ​​ൈ​ട്ട സു​​ട​ലൈ കോ​യി​ൽ സ്​​​ട്രീ​റ്റ്​ സ്വ​ദേ​ശി ജാ​ഗി​ർ ഹു​സൈ​ന്റെ (48) അ​വ​സ്ഥ.

ശി​ഹാ​ബ്​ കൊ​ട്ടു​കാ​ടി​​ന്റെ നേ​തൃ​ത്വ​ത്തി​ൽ സാ​മൂ​ഹി​ക പ്ര​വ​ർ​ത്ത​ക​ർ ന​ട​ത്തി​യ ശ്ര​മം എ​ല്ലാ നി​യ​മ​ത​ട​സ്സ​ങ്ങ​ളും ഒ​ഴി​വാ​ക്കി നാ​ട്ടി​ലേ​ക്ക്​ വ​ഴി തു​റ​പ്പി​ച്ചു. 1,30,000 റി​യാ​ലി​​ന്റെ ചി​കി​ത്സ ബി​ല്ല് റി​യാ​ദി​ലെ ആ​സ്​​റ്റ​ർ സ​ന​ദ്​ ആ​ശു​പ​ത്രി ​വേ​ണ്ടെ​ന്നു​വെ​ച്ചു. ഇ​ന്ത്യ​ൻ എം​ബ​സി യാ​ത്ര​ച്ചെ​ല​വ്​ വ​ഹി​ക്കാ​ൻ ത​യാ​റാ​യി. ഒ​ടു​വി​ൽ വീ​​ൽ​ചെ​യ​റി​​ന്റെ സ​ഹാ​യ​ത്താ​ൽ ജാ​ഗി​ർ ഹു​സൈ​​ൻ നാ​ട്ടി​ലേ​ക്ക്​ വി​മാ​നം ക​യ​റി.​

അ​ഞ്ചു വ​ർ​ഷ​മാ​യി റി​യാ​ദി​ലെ ഒ​രു വ​ർ​ക്ക്​​ഷോ​പ്പി​ൽ ജീ​വ​ന​ക്കാ​ര​നാ​യി​രു​ന്നു ജാ​ഗി​ർ ഹു​സൈ​​ൻ. മൂ​ന്ന​ര വ​ർ​ഷം മു​മ്പ്​ ഇ​ഖാ​മ​യു​ടെ കാ​ലാ​വ​ധി ക​ഴി​ഞ്ഞി​ട്ടും പു​തു​ക്കി​ന​ൽ​കാ​ൻ തൊ​ഴി​ലു​ട​മ ത​യാ​റാ​യി​രു​ന്നി​ല്ല. അ​തി​നി​ട​യി​ലാ​ണ്​ ​വൃ​ക്ക​രോ​ഗം മു​ള​പൊ​ട്ടി​യ​ത്. തീ​ർ​ത്തും അ​വ​ശ​നാ​യ​പ്പോ​ൾ ആ​രോ ആ​സ്​​റ്റ​ർ സ​ന​ദ്​ ആ​ശു​പ​ത്രി​യി​ൽ എ​ത്തി​ച്ചു. ഒ​ന്ന​ര മാ​സം അ​വി​ടെ കി​ട​ന്നു. ഒ​ന്നി​ട​വി​ട്ട ദി​വ​സ​ങ്ങ​ളി​ൽ ഡ​യാ​ലി​സി​സ്​ ചെ​യ്​​തു.

ഓ​രോ ദി​വ​സ​വും ആ​ശു​പ​ത്രി ബി​ല്ല്​ കൂ​ടി​വ​ന്നു​കൊ​ണ്ടി​രു​ന്നു. ഇ​താ​ര്​ ന​ൽ​കു​മെ​ന്ന്​ ആ​ശു​പ​ത്രി അ​ധി​കൃ​ത​ർ​ക്കും ഒ​രു പി​ടി​യു​മി​ല്ലാ​യി​രു​ന്നു. തൊ​ഴി​ലു​ട​മ​യെ വി​ളി​​ച്ചു​ചോ​ദി​ച്ചെ​ങ്കി​ലും അ​യാ​ൾ കൈ​മ​ല​ർ​ത്തു​ക​യാ​യി​രു​ന്ന​ത്രെ. ഇ​തി​നി​ട​യി​ലാ​ണ്​ വ​ലി​യ ആ​ശ്വാ​സ​മാ​യി ശി​ഹാ​ബ്​ കൊ​ട്ടു​കാ​ടി​ന്റെ ഇ​ട​പെ​ട​ലു​ണ്ടാ​കു​ന്ന​ത്.

പി​ന്നീ​ടെ​ല്ലാം വേ​ഗ​ത്തി​ലാ​യി. ഇ​ന്ത്യ​ൻ എം​ബ​സി​യു​ടെ സ​ഹാ​യ​ത്തോ​ടെ രേ​ഖ​ക​ളൊ​ക്കെ ശ​രി​യാ​ക്കി. ആ​ശു​പ​ത്രി മാ​നേ​ജ്​​മെ​ന്റ്​ പ്ര​തി​നി​ധി​ക​ളാ​യ ഷം​സീ​ർ, സു​ജി​ത്​ അ​ലി മൂ​പ്പ​ൻ, ജീ​ന എ​ന്നി​വ​ർ ഇ​ട​പെ​ട്ട്​ ആ​ശു​പ​ത്രി ബി​ല്ലി​ൽ താ​ൽ​ക്കാ​ലി​ക ആ​ശ്വാ​സ​മു​ണ്ടാ​ക്കി ഡി​സ്​​ചാ​ർ​ജ്​ ന​ൽ​കു​ക​യാ​യി​രു​ന്നു. എം​ബ​സി വെ​ൽ​ഫെ​യ​ർ വി​ങ് മേ​ധാ​വി എം.​ആ​ർ. സ​ജീ​വ്​ ഇ​ട​പെ​ട്ട്​ വി​മാ​ന​യാ​ത്ര​ക്കു​ള്ള പ​ണം അ​നു​വ​ദി​ച്ചു.

കൂ​ടെ പോ​കാ​ൻ ഒ​രു യാ​ത്ര​ക്കാ​ര​നെ​യും ല​ഭി​ച്ചു. സൗ​ദി എ​യ​ർ​ലൈ​ൻ​സ്​ വി​മാ​ന​ത്തി​ൽ എ​ത്തി​യ ജാ​ഗി​റി​നെ സ്വീ​ക​രി​ക്കാ​ൻ തി​രു​നെ​ൽ​വേ​ലി​യി​ൽ​നി​ന്ന്​ കു​ടും​ബം നെ​ടു​മ്പാ​ശ്ശേ​രി വി​മാ​ന​ത്താ​വ​ള​ത്തി​ൽ എ​ത്തി​യി​രു​ന്നു. തി​രു​നെ​ൽ​വേ​ലി​യി​ലെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രി​ക്കു​ക​യാ​ണ്. ശി​ഹാ​ബി​നൊ​പ്പം സ​ഹാ​യ​ത്തി​ന്​ ഉ​ണ്ടാ​യി​രു​ന്ന​ത്​ ത​മി​ഴ്​​നാ​ട്​ സ്വ​ദേ​ശി​ക​ളാ​യ ലോ​ക്​​നാ​ഥ​ൻ, സി​ക്ക​ന്ദ​ർ എ​ന്നി​വ​രാ​ണ്.