ബിഷ കെ.എം.സി.സി ഭാരവാഹികൾ
text_fieldsബിഷ: പ്രവാചകനിന്ദക്കെതിരെ പ്രതിഷേധിച്ച മുസ്ലിംകൾക്കെതിരെ അവരുടെ കിടപ്പാടവും കച്ചവട സ്ഥാപനങ്ങളും മറ്റും പൊളിച്ചുനീക്കി ഉന്മൂലനസിദ്ധാന്തം നടപ്പാക്കുന്ന ഭരണകൂട ഭീകരതക്കെതിരെ ബിഷ കെ.എം.സി.സി ഏരിയ കമ്മിറ്റി പ്രതിഷേധിച്ചു. കമ്മിറ്റി ജനറൽ ബോഡി യോഗം 'നോവ വാട്ടർ കമ്പനി' ഹാളിൽ ചേർന്നു. കെ.എം.സി.സി വാദി ദവാസിർ സെൻട്രൽ കമ്മിറ്റി പ്രസിഡന്റ് ശറഫുദ്ദീൻ കന്നേറ്റി ഉദ്ഘാടനം ചെയ്തു.
പ്രസിഡന്റ് ഹംസ ഉമ്മർ അധ്യക്ഷത വഹിച്ചു. കലാം മൗലവി, സലാം മൽഹാൻ, ജാസിർ കൊണ്ടോട്ടി, ബഷീർ പുല്ലൂന്നി, ജമാൽ പെരിന്തൽമണ്ണ, അസീസ്, ഷമീർ കാപ്പുമുഖം എന്നിവർ സംസാരിച്ചു.
പുതിയ ഭാരവാഹികളായി ഹംസ ഉമ്മർ താനാണ്ടി (പ്രസി.), സത്താർ പെരിന്തൽമണ്ണ, ഹംസ റാണിയ, ഹാരിസ് തനാളൂർ (വൈസ് പ്രസി.), ജാസിർ കൊണ്ടോട്ടി (ജന. സെക്ര.), ഷമീർ കാപ്പുമുഖം, നിസാർ കരുവൻതിരുത്തി, ഇബ്രാഹിം വടക്കാങ്ങര (ജോ. സെക്ര.), ജമാൽ പെരിന്തൽമണ്ണ (ട്രഷ.) എന്നിവരെ തിരഞ്ഞെടുത്തു. ജനറൽ സെക്രട്ടറി ഫാരിസ് പാക്കത്ത് സ്വാഗതവും ട്രഷറർ സത്താർ പെരിന്തൽമണ്ണ നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.