Begin typing your search above and press return to search.
exit_to_app
exit_to_app
Homechevron_rightGulfchevron_rightQatarchevron_rightസ്വ​ർ​ണ​ത്തി​ലും...

സ്വ​ർ​ണ​ത്തി​ലും വെ​ള്ളി​യി​ലും പ​ക​ർ​ത്തി​യ ലോ​ക​ക​പ്പ്

text_fields
bookmark_border
സ്വ​ർ​ണ​ത്തി​ലും വെ​ള്ളി​യി​ലും പ​ക​ർ​ത്തി​യ ലോ​ക​ക​പ്പ്
cancel
camera_alt

1. ദോ​ഹ ജ്വ​ല്ല​റി ഫെ​സ്റ്റി​ൽ അ​ൽ മാ​ജി​ദ്​ ഗ്രൂ​പ്പി​ന്‍റെ പ​വ​ലി​യ​നി​ലെ ലോ​ക​ക​പ്പ്​ ഒ​ഫീ​ഷ്യ​ൽ ഉ​ൽ​പ​ന്ന​ങ്ങ​ളു​ടെ സ്റ്റാ​ൾ,  2. ലോ​ക​ക​പ്പ്​ മു​ദ്ര​ക​ളും ലോ​ഗോ​യും പ​തി​ച്ച ആ​ഭ​ര​ണ​ങ്ങ​ൾ

Listen to this Article

ദോ​ഹ: ​ശ​നി​യാ​ഴ്ച അ​വ​സാ​നി​ക്കു​ന്ന ദോ​ഹ ജ്വ​ല്ല​റി ആ​ൻ​ഡ്​ വാ​ച്ച​സ്​ എ​ക്സി​ബി​ഷ​നി​ൽ സ​ന്ദ​ർ​ശ​ക​രു​ടെ മ​നം ക​വ​രു​ന്ന ശേ​ഖ​ര​വു​മാ​യാ​ണ്​ പ്ര​ശ​സ്ത​രാ​യ അ​ൽ മാ​ജി​ദ്​ ജ്വ​ല്ല​റി ഗ്രൂ​പ്പി​ന്‍റെ പ​വ​ലി​യ​ൻ​ ഒ​രു​ക്കി​യ​ത്. ആ​ഡം​ബ​ര​ത്തോ​ടെ ത​യാ​റാ​ക്കി​യ പ​വ​ലി​യ​ൻ കാ​ഴ്ച​ക്കാ​രെ സ്വാ​ഗ​തം ചെ​യ്യു​ന്ന​ത്​ അ​ടി​മു​ടി ലോ​ക​ക​പ്പും ഫു​ട്​​ബാ​ൾ മൈ​താ​ന​വു​മാ​യി മാ​റി​യ പ്ര​ദ​ർ​ശ​ന കേ​ന്ദ്ര​ത്തി​ലേ​ക്ക്. ഖ​ത്ത​ർ വേ​ദി​യാ​വു​ന്ന ഫി​ഫ ലോ​ക​ക​പ്പി​ന്‍റെ ഔ​ദ്യോ​ഗി​ക ജ്വ​ല്ല​റി പ​ങ്കാ​ളി​ക​ളാ​ണ്​ അ​ൽ മാ​ജി​ദ്​ ഗ്രൂ​പ്. അ​തു​കൊ​ണ്ടു​ത​ന്നെ 18ാമ​ത്​ ദോ​ഹ ജ്വ​ല്ല​റി ​എ​ക്സി​ബി​ഷ​നി​ൽ ത​ങ്ങ​ളു​ടെ ലോ​ക​ക​പ്പ്​ പ​ങ്കാ​ളി​ത്തം ത​ന്നെ ഇ​വ​രും ഹൈ​ലൈ​റ്റാ​ക്കി മാ​റ്റി​യി​രി​ക്കു​ന്നു.

ലോ​ക​ക​പ്പ്​ ലോ​ഗോ​യും മു​ദ്ര​ക​ളും ലോ​ക​ക​പ്പി​നാ​യി ഖ​ത്ത​ർ ഒ​രു​ക്കി​യ എ​ട്ട്​ സ്​​റ്റേ​ഡി​യ​ങ്ങ​ളു​മെ​ല്ലാം ആ​ഭ​ര​ണ​ങ്ങ​ളും കീ​ചെ​യ്നു​ക​ളും വാ​ച്ചു​ക​ളു​മാ​ക്കി​യാ​ണ്​ പ്ര​ദ​ർ​ശ​ന​ത്തി​ൽ അ​ൽ മാ​ജി​ദ്​ പ​വ​ലി​യ​ൻ സ​ന്ദ​ർ​ശ​ക​രെ സ്വാ​ഗ​തം ചെ​യ്യു​ന്ന​ത്. അ​ൽ മാ​ജി​ദി​ന്‍റെ വി​പു​ല​മാ​യ ജ്വ​ല്ല​റി ക​ല​ക്ഷ​നി​ൽ ഫു​ട്​​ബാ​ൾ മൈ​താ​നം പോ​ലെ പ്ര​ത്യേ​ക ഔ​ട്ട്​​ലെ​റ്റ്​ ഒ​രു​ക്കി​യാ​ണ്​ ലോ​ക​ക​പ്പി​ന്‍റെ ​ഓ​ർ​മ​ക​ൾ എ​ക്കാ​ല​ത്തേ​ക്കും സൂ​ക്ഷി​ക്കാ​നു​ള്ള ആ​ഭ​ര​ണ​ങ്ങ​ളും സു​വ​നീ​റു​ക​ളും ത​യാ​റാ​ക്കി​യി​രി​ക്കു​ന്ന​ത്. സ്വ​ർ​ണ​ത്തി​ലും വെ​ള്ളി​യി​ലും വ​ജ്ര​ത്തി​ലും തീ​ർ​ത്ത ആ​ഭ​ര​ണ​ങ്ങ​ളു​ടെ ശേ​ഖ​ര​വും ലോ​ക​ക​പ്പ് ലോ​ഗോ​ക്കൊ​പ്പം ഖ​ത്ത​റി​ന്റെ പാ​ര​മ്പ​ര്യ​വും ഡി​സൈ​നു​ക​ളി​ല്‍ നി​റ​യു​ന്നു. മു​ത്തു​വാ​ര​ലി​ന്‍റെ പാ​ര​മ്പ​ര്യ​മെ​ന്ന​പോ​ലെ, ചി​പ്പി​യി​ൽ സ്വ​ര്‍ണ​വും വ​ജ്ര​വും ഉ​പ​യോ​ഗി​ച്ച് തീ​ര്‍ത്ത മാ​ല​ക​ളാ​ണ്​ അ​വ​യി​ൽ ഏ​റെ ആ​ക​ർ​ഷ​കം.

ചി​പ്പി​ക്കു​ള്ളി​ൽ സൂ​ക്ഷി​ച്ച മു​ത്തു പോ​ലെ​യാ​ണ്​ ലോ​ക​ക​പ്പി​ന്‍റെ ​ലോ​ഗോ​യും മ​റ്റു​മെ​ല്ലാം രൂ​പ​ക​ൽ​പ​ന ചെ​യ്തി​രി​ക്കു​ന്ന​ത്. ​വൈ​റ്റ്, റോ​സ്, യെ​ല്ലോ ഗോ​ള്‍ഡു​ക​ളി​ലും ഇ​വ ല​ഭ്യ​മാ​ണ്. ഖ​ത്ത​ർ ദേ​ശീ​യ​പ​താ​ക​യും ലോ​ക​ക​പ്പ്​ ​ലോ​ഗോ​യു​മെ​ല്ലാം മാ​തൃ​ക​യാ​വു​ന്ന നെ​ക്ലേ​സു​ക​ളാ​ണ്​ ഏ​റെ ആ​ക​ർ​ഷ​കം. കൈ​​ചെ​യി​നു​ക​ൾ, ക​മ്മ​ലു​ക​ൾ, മോ​തി​രം ഉ​ൾ​പ്പെ​ടെ വി​വി​ധ​ ആ​ഭ​ര​ണ​ങ്ങ​ളും ലോ​ക​ക​പ്പ്​ ഓ​ർ​മ​ക​ൾ മു​ദ്ര​ണം ചെ​യ്ത്​ ത​യാ​റാ​ണ്. 1500 മു​ത​ൽ ല​ക്ഷം റി​യാ​ൽ വ​രെ നി​ര​ക്കി​ൽ സു​വ​നീ​റു​ക​ളു​ണ്ട്. പു​രു​ഷ​ന്മാ​ർ​ക്കാ​യി പ്ര​ത്യേ​ക വി​ഭാ​ഗ​വും കാ​ണാം. കോ​ട്ടി​ലും ക​ന്തൂ​റ​യി​ലു​മെ​ല്ലാം കു​ത്തി​വെ​ക്കാ​ൻ പാ​ക​ത്തി​ലു​ള്ള വി​വി​ധ​ത​രം ക​ഫ്​​ലി​ങ്ക്സ്, വെ​ള്ളി​യി​ൽ നി​ർ​മി​ച്ച കീ​ചെ​യി​നു​ക​ൾ, പെ​ൻ ഹോ​ൾ​ഡ​ർ, വെ​ള്ളി​യും സ്വ​ർ​ണ​വും മു​ത​ൽ വ​ജ്രം വ​രെ പ​തി​ച്ച പേ​ന​ക​ൾ, സാ​ധാ​ര​ണ ഉ​പ​യോ​ഗ​ത്തി​നാ​വ​ശ്യ​മാ​യ പേ​ന​ക​ൾ, ലോ​ക​ക​പ്പ്​ ​ട്രോ​ഫി​യും ലോ​ഗോ​യും എ​ട്ട്​ സ്​​റ്റേ​ഡി​യ​ങ്ങ​ളും വ​രെ ചി​ത്രീ​ക​രി​ച്ച മ​ൺ​പി​ഞ്ഞാ​ണ പാ​ത്ര​ങ്ങ​ൾ എ​ന്നി​ങ്ങ​നെ നീ​ളു​ന്നു ലോ​ക​ക​പ്പി​ൽ കൊ​ത്തി​വെ​ച്ച നി​ർ​മാ​ണ​ങ്ങ​ൾ. ദോ​ഹ ജ്വ​ല്ല​റി എ​ക്സി​ബി​ഷ​ന്‍റെ പ​വ​ലി​യ​നി​ൽ പ്ര​ദ​ർ​ശ​ന​ത്തി​നും വി​ൽ​പ​ന​ക്കു​മാ​യി​വെ​ച്ച, ലോ​ക​ക​പ്പി​ന്‍റെ ഓ​ർ​മ​ക​ൾ പേ​റു​ന്ന ജ്വ​ല്ല​റി ഉ​ൽ​പ​ന്ന​ങ്ങ​ൾ വ​രും ദി​വ​സ​ങ്ങ​ളി​ൽ അ​ൽ​മാ​ജി​ദ്​ ഗ്രൂ​പ്പി​ന്‍റെ ഷോ​റൂ​മു​ക​ൾ വ​ഴി​യും ആ​വ​ശ്യ​ക്കാ​ർ​ക്ക്​ സ്വ​ന്ത​മാ​ക്കാ​നാ​കും.

ദോ​ഹ ജ്വ​ല്ല​റി എ​ക്സി​ബി​ഷ​ന്​ ഇ​ന്ന് സ​മാ​പ​നം

ദോ​ഹ: തി​ങ്ക​ളാ​ഴ്ച തു​ട​ങ്ങി​യ ദോ​ഹ ജ്വ​ല്ല​റി ആ​ൻ​ഡ്​ വാ​ച്ച​സ്​ എ​ക്സി​ബി​ഷ​ന്​ ​ശ​നി​യാ​ഴ്ച കൊ​ടി​യി​റ​ക്കം. ആ​റു ദി​നം​കൊ​ണ്ട്​ ആ​ഭ​ര​ണ, വാ​ച്ച്​ രം​ഗ​ത്തെ അ​ത്യ​പൂ​ർ​വ​വും ആ​ഡം​ബ​ര​വു​മാ​യ രൂ​പ​ക​ൽ​പ​ന​ക​ൾ ഖ​ത്ത​റി​ലെ​​യും പ​ശ്ചി​മേ​ഷ്യ​യി​ലെ​യും ആ​വ​ശ്യ​ക്കാ​ർ​ക്കു​മു​ന്നി​ൽ തു​റ​ന്നു​ന​ൽ​കി​യാ​ണ്​ ഖ​ത്ത​ർ ടൂ​റി​സം സം​ഘ​ടി​പ്പി​ച്ച പ്ര​ദ​ർ​ശ​നം സ​മാ​പി​ക്കു​ന്ന​ത്. സ​മാ​പ​ന ദി​ന​മാ​യ ശ​നി​യാ​ഴ്ച ഉ​ച്ച 12 മു​ത​ൽ രാ​ത്രി 10 വ​രെ സ​ന്ദ​ർ​ശ​ക​ർ​ക്ക്​ പ്ര​വേ​ശ​നം അ​നു​വ​ദി​ക്കും.

Show Full Article
TAGS:Doha Jewelery and Watches Exhibition 
News Summary - World Cup in gold and silver
Next Story