ഖത്തർ എ‍യർവേസ്​ ടിക്കറ്റ് നിരക്കിൽ 35 ശതമാനം വരെ ഇളവ് വരുന്നു

ദോഹ: ഖത്തര്‍ എയർവേസ്​ ടിക്കറ്റ് നിരക്കുകളില്‍ 35 ശതമാനം കിഴിവ് പ്രഖ്യാപിച്ചു. ഫസ്​റ്റ് ക്ലാസ്, ബിസിനസ്​ ക്ലാസ് എന്നീ ടിക്കറ്റുകളിലാണ്​ ഇളവോടുകൂടിയ നിരക്ക് ബാധകമാകുന്നത്. അമേരിക്ക, യൂറോപ്പ്​, ആഫ്രിക്ക എന്നിടങ്ങളിലെ പ്രധാന നഗരങ്ങളിലേക്കുള്ള യാത്രക്ക് പുതിയ സൗജന്യം ഉപയോഗപ്പെടുത്താം.

എങ്കിലും യാത്രക്ക് 15 ദിവസം മുമ്പെങ്കിലും ബുക്ക് ചെയ്യണമെന്നും കമ്പനി അധികൃതർ ട്വിറ്ററിലൂടെ അറിയിച്ചു. ഖത്തര്‍ എയര്‍വേസ്​ വാര്‍ഷിക സെയിലി​​െൻറ ഭാഗമായാണ് പുതിയ ഓഫറുകള്‍ പ്രഖ്യാപിച്ചിരിക്കുന്നത്.