ഒന്നിനറിയാം വിധി

ദോഹ: നെ​യ്മ​റു​ടെ ബ്ര​സീ​ലി​ന്‍റെ ആ​ദ്യ എ​തി​രാ​ളി ആ​രാ​വും. ആ​തി​ഥേ​യ​രാ​യ ഖ​ത്ത​റി​നൊ​പ്പം ഗ്രൂ​പ്പ്​ 'എ'​യി​ൽ വെ​ല്ലു​വി​ളി ഉ​യ​ർ​ത്തു​ന്ന​ത്​ ആ​രൊ​ക്കെ​യാ​വും.

ല​യ​ണ​ൽ മെ​സ്സി​യു​ടെ അ​ർ​ജ​ന്‍റീ​ന​യും, യൂ​റോ​പ്യ​ൻ ക​രു​ത്ത​രാ​യ ബെ​ൽ​ജി​യം, സ്​​പെ​യി​ൻ, ജ​ർ​മ​നി, ഫ്രാ​ൻ​സ്, ഇം​ഗ്ല​ണ്ട്​ ടീ​മു​ക​ളു​മെ​ല്ലാം ഏ​ത്​ ഗ്രൂ​പ്പി​ൽ പ​ന്തു​ത​ട്ടും... ആ​രാ​ധ​ക​രു​ടെ ആ​കാം​ക്ഷ​ക്ക്​ ഏ​പ്രി​ൽ ഒ​ന്നി​ന്​ അ​റു​തി​യാ​വും. ​ഖ​ത്ത​ർ ലോ​ക​ക​പ്പി​ന്‍റെ ടീം ​ന​റു​ക്കെ​ടു​പ്പ്​ ദോ​ഹ വേ​ദി​യാ​വു​ന്ന ഫി​ഫ കോ​ൺ​ഗ്ര​സി​ന്‍റെ അ​വ​സാ​ന ദി​ന​ത്തി​ൽ ന​ട​ക്കു​മെ​ന്ന്​ അ​ധി​കൃ​ത​ർ പ്ര​ഖ്യാ​പി​ച്ചു.

മാ​ർ​ച്ച്​ 24നാ​ണ്​ യോ​ഗ്യ​താ പോ​രാ​ട്ട​ങ്ങ​ളു​ടെ അ​വ​സാ​ന ഘ​ട്ട​ങ്ങ​ൾ പു​ന​രാ​രം​ഭി​ക്കു​ന്ന​ത്.

ലോ​ക​ക​പ്പി​ൽ മ​ത്സ​രി​ക്കു​ന്ന 32ൽ 15 ​ടീ​മു​ക​ളാ​ണ്​ ഇ​തു​വ​രെ യോ​ഗ്യ​ത നേ​ടി​യ​ത്. ​ശേ​ഷി​ക്കു​ന്ന​വ​രി​ൽ ഇ​ന്‍റ​ർ​കോ​ണ്ടി​നെ​ന്‍റ​ൽ ​​​​​​േപ്ല ​ഓ​ഫി​ലൂ​ടെ യോ​ഗ്യ​ത നേ​ടേ​ണ്ട ര​ണ്ടു​പേ​രൊ​ഴി​കെ ബാ​ക്കി 15 ടീ​മു​ക​ളും ഏ​പ്രി​ൽ ഒ​ന്നി​നു​ മു​മ്പാ​യി ​തീ​ർ​പ്പാ​കും. ​​

തു​ട​ർ​ന്ന്​ ഈ ​പേ​രു​ക​ളാ​കും ന​റു​ക്കെ​ടു​പ്പ്​ വേ​ദി​യി​ലെ വി​വി​ധ പോ​ട്ടു​ക​ളി​ലെ ഇ​ടം പി​ടി​ക്കു​ക. ദോ​ഹ എ​ക്സി​ബി​ഷ​ൻ ആ​ന്‍റ്​ ക​ൺ​വെ​ൻ​ഷ​ൻ സെ​ന്‍റ​റാ​ണ്​ ന​റു​ക്കെ​ടു​പ്പി​ന്‍റെ വേ​ദി.

മു​ൻ​കാ​ല താ​ര​ങ്ങ​ൾ ഉ​ൾ​പ്പെ​ടെ 2000ത്തോ​ളം അ​തി​ഥി​ക​ൾ ച​ട​ങ്ങി​ൽ പ​​ങ്കെ​ടു​ക്കു​മെ​ന്ന്​ ഫി​ഫ അ​റി​യി​ച്ചു. ഖ​ത്ത​ർ സ​മ​യം രാ​ത്രി ഏ​ഴി​നാ​ണ്​ ന​റു​ക്കെ​ടു​പ്പ്​ ച​ട​ങ്ങ്.

ഏ​പ്രി​ൽ ഒ​ന്നി​ന്​ ത​ന്നെ ടി​ക്ക​റ്റ്​ ബു​ക്കി​ങ്ങി​ന്‍റെ ര​ണ്ടാം ഘ​ട്ട​വും ആ​രം​ഭി​ക്കും. ഒ​ന്നാം ഘ​ട്ടം ഫെ​ബ്രു​വ​രി എ​ട്ടി​ന്​ അ​വ​സാ​നി​ക്കു​ക​യും, മാ​ർ​ച്ച്​ എ​ട്ട്​ മു​ത​ൽ അ​റി​യി​പ്പ്​ ന​ൽ​കു​ക​യും ചെ​യ്തു​തു​ട​ങ്ങി. 21ന്​ ​മു​മ്പാ​യി ടി​ക്ക​റ്റ്​ തു​ക ഓ​ൺ​ലൈ​ൻ വ​ഴി അ​ട​ക്കാ​നാ​ണ്​ നി​ർ​ദേ​ശം.

നറുക്കെടുപ്പ്​ എങ്ങനെ?

32 ടീ​മു​ക​ളാ​ണ്​ ലോ​ക​ക​പ്പി​ൽ മാ​റ്റു​ര​ക്കു​ന്ന​ത്. ഇ​വ​രി​ൽ 30 ടീ​മു​ക​ളു​ടെ പേ​രു​വി​വ​ര​ങ്ങ​ൾ ഏ​പ്രി​ൽ ഒ​ന്നി​ന്​ മു​മ്പേ വ്യ​ക്​​ത​മാ​വും.

ര​ണ്ടു ടീ​മു​ക​ൾ ആ​രൊ​ക്കെ​യെ​ന്ന്​ ജൂ​ണി​ൽ ന​ട​ക്കു​ന്ന ഇ​ന്‍റ​ർ​കോ​ണ്ടി​നെ​ന്‍റ​ൽ ​േപ്ല​ഓ​ഫി​ലൂ​ടെ മാ​ത്ര​മേ തെ​ളി​യൂ.

നാ​ല്​ ടീ​മു​ക​ൾ മ​ത്സ​രി​ക്കു​ന്ന ഇ​ന്‍റ​ർ​കോ​ണ്ടി​നെ​ന്‍റ​ൽ ​േപ്ല ​ഓ​ഫി​ലെ മ​ത്സ​ര വി​വ​രം രേ​ഖ​പ്പെ​ടു​ത്തു​ന്ന​താ​വും ര​ണ്ട്​ ന​റു​​ക്കു​ക​ൾ (കോ​ൺ​ക​കാ​ഫ്​ Vs ഓ​ഷ്യാ​നി​യ, കോ​ൺ​മി​ബോ​ൾ Vs ഏ​ഷ്യ). മ​റ്റ്​ 30 ടീ​മു​ക​ളു​ടെ​യും പേ​രെ​ഴു​തി​യ ന​റു​ക്കു​ക​ൾ നാ​ല്​ പാ​ത്ര​ങ്ങ​ളി​ലാ​യി നി​ക്ഷേ​പി​ക്കും.

ഒ​രു പാ​ത്ര​ത്തി​ൽ എ​ട്ടു ടീ​മു​ക​ൾ എ​ന്ന നി​ല​യി​ൽ. മു​ൻ​നി​ര​യി​ലു​ള്ള ടീ​മു​ക​ൾ ഒ​രേ ഗ്രൂ​പ്പി​ൽ വ​രാ​തി​രി​ക്കാ​ൻ ഫി​ഫ റാ​ങ്കി​ങ്ങി​ന്‍റെ അ​ടി​സ്ഥാ​ന​ത്തി​ൽ ഓ​രോ പാ​ത്ര​ത്തി​ലാ​യാ​വും നി​ക്ഷേ​പി​ക്കു​ന്ന​ത്. തു​ട​ർ​ന്ന്​ നാ​ലു പാ​ത്ര​ത്തി​ൽ നി​ന്നു​മാ​യി ഓ​രോ റൗ​ണ്ടി​ൽ എ​ടു​ക്കു​ന്ന ടീ​മു​ക​ൾ ത​മ്മി​ലാ​വും ഗ്രൂ​പ്പ്​ മ​ത്സ​ര​ങ്ങ​ൾ. ആ​തി​ഥേ​യ​രാ​യ ഖ​ത്ത​ർ ഗ്രൂ​പ്പ്​ 'എ'​യി​ലാ​ണ്​ മ​ത്സ​രി​ക്കു​ന്ന​ത്.