ഹയ് അൽ ഷർഖ് ടൂറിസം: പദ്ധതി പ്രദേശം മന്ത്രി സന്ദർശിച്ചു
text_fieldsമസ്കത്ത്: രാജ്യത്തെ ആദ്യത്തെ വിനോദ തീം പാർക്ക് തെക്കൻ ബാത്തിനയിലെ ബർക്ക വിലായത്തിൽ 2024ന്റെ ആദ്യത്തോടെ പൂർത്തിയാകുമെന്ന് പൈത്രക -ടൂറിസ മന്ത്രാലയം അറിയിച്ചു. അസ്സാസ് കമ്പനിയുടെ നേതൃത്വത്തിലാണ് ഹയ് അൽ ഷർഖ് ടൂറിസം പദ്ധതി ഒരുങ്ങുന്നത്. ഹോട്ടലുകൾ, താമസസ്ഥലങ്ങൾ, അമ്യൂസ്മെന്റ് പാർക്കുകൾ, വാണിജ്യ കേന്ദ്രങ്ങൾ, വിവിധ വിനോദ പ്രവർത്തനങ്ങൾ തുടങ്ങിയവയാണ് പദ്ധതിയിൽ ഉൾപ്പെടുന്നത്. പൈതൃക-ടൂറിസം മന്ത്രി സലിം അൽ മഹ്റൂഖി പദ്ധതി പ്രദേശം സന്ദർശിച്ച് പ്രവൃത്തി വിലയിരുത്തി.
മന്ത്രിയുടെ സന്ദർശന വേളയിൽ പദ്ധതിയുടെ ഘടകങ്ങളും നിർവഹണ സംവിധാനങ്ങളും പൂർത്തീകരണ ഘട്ടങ്ങളെയുംക്കുറിച്ച് വിശദീകരിച്ചു. ഹയ്യ് അൽ ഷർഖ് പദ്ധതിയും ഒമാൻ ബൊട്ടാണിക്കൽ ഗാർഡനും ടൂറിസം, വിനോദ മേഖലയിൽ പുതിയ സമവാക്യം കൂട്ടിച്ചേർക്കുന്നതിനുള്ള പാതയിലാണെന്ന് അൽ മഹ്റൂഖി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.