ഗ്ലോബൽ കേരള പ്രവാസി വെൽഫെയർ അസോസിയേഷൻ ഭക്ഷണകിറ്റുകൾ വിതരണം ചെയ്​തു

മത്ര: ഗ്ലോബൽ  കേരള പ്രവാസി വെൽഫെയർ അസോസിയേഷൻ ഒമാൻ നാഷനൽ കമ്മിറ്റിയുടെ നേതൃത്വത്തിൽ മത്രയിൽ ഭക്ഷണ സാധനങ്ങളുടെ കിറ്റ്​ വിതരണം ചെയ്​തു. നാലര മാസമായി വ്യാപാ സ്​ഥാപനങ്ങൾ അടഞ്ഞുകിടക്കുന്ന പശ്​ചാത്തലത്തിൽ ബുദ്ധിമുട്ട്​ അനുഭവിക്കുന്നവർക്കായാണ്​ കിറ്റുകൾ നൽകിയത്​. പ്രസിഡൻറ്​ എൻ.മുഹമ്മദ്​, സെക്രട്ടറി ജയൻ കണ്ണൂർ എന്നിവരാണ്​ വിതരണം നടത്തിയത്​. എക്​സിക്യൂട്ടീവ്​ അംഗങ്ങളായ ഫൈസൽ, ഇദാശ്, ഷാഹിദ്,  പുരുഷോത്തമൻ മാവിലായി, അഹമ്മദ് കെഫിൻ, അഷറഫ് കവ്വായി, സിദ്ദീഖ്, അസ്ഹർ, ഉസാമ, യൂസുഫ്, ട്രഷറർ മനോഹരൻ ചെങ്ങളായി, വൈസ് പ്രസിഡണ്ടുമാരായ ഷമീർ മട്ടന്നൂർ, ഷാജി മൂക്കുത്തല എന്നിവർ നേതൃത്വം നൽകി.