പ്രധാനമന്ത്രിയുടെ നേതൃത്വത്തിൽ സൈനികകേന്ദ്രം സന്ദർശിച്ചു
text_fieldsകുവൈത്ത് സിറ്റി: കുവൈത്ത് പ്രധാനമന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹിെൻറ നേതൃത്വത്തിൽ ഉന്നതസംഘം വടക്കൻ അതിർത്തിയിലെ സൈനിക കേന്ദ്രം സന്ദർശിച്ചു.
പ്രതിരോധ മന്ത്രിയും ഉപപ്രധാനമന്ത്രിയുമായ ശൈഖ് ഹമദ് ജാബിർ അസ്സബാഹ്, വിദേശകാര്യ മന്ത്രി ഡോ. അഹ്മദ് നാസർ അൽ മുഹമ്മദ് അസ്സബാഹ്, ആഭ്യന്തര മന്ത്രി ശൈഖ് താമിർ അലി അൽ സാലിം അസ്സബാഹ്, സൈനിക മേധാവി ഖാലിദ് സാലിഹ് അസ്സബാഹ്, ഉപമേധാവി ഫഹദ് അബ്ദുറഹ്മാൻ അൽ നാസർ തുടങ്ങിയവർ സംഘത്തിലുണ്ടായിരുന്നു.
പുതുതായി ഇറക്കുമതിചെയ്ത കാരക്കാൽ ഹെലികോപ്ടറുകളെ സംബന്ധിച്ചും സൈന്യത്തിെൻറ പ്രവർത്തന പദ്ധതികളെയും തന്ത്രങ്ങളെയും കുറിച്ചും ഉദ്യോഗസ്ഥർ മന്ത്രിമാർക്ക് വിശദീകരിച്ചു. രാജ്യത്തെ സംരക്ഷിക്കുന്നതിൽ ജാഗ്രതയോടെ നിലകൊള്ളുന്ന സൈനികരെ പ്രധാനമന്ത്രി അഭിനന്ദിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.