യുക്രെയ്ൻ-റഷ്യ ധാന്യക്കരാറിനെ കുവൈത്ത് സ്വാഗതംചെയ്തു

കു​വൈ​ത്ത് സി​റ്റി: യു​ക്രെ​യ്ൻ ധാ​ന്യ ക​യ​റ്റു​മ​തി​ക്കാ​യി ക​രി​ങ്ക​ട​ലി​ൽ റ​ഷ്യ ഏ​ർ​പ്പെ​ടു​ത്തി​യ ഉ​പ​രോ​ധം നീ​ക്കു​ന്ന​തി​നാ​യി ഇ​രു​രാ​ജ്യ​ങ്ങ​ളും ത​മ്മി​ൽ ഒ​പ്പു​വെ​ച്ച ക​രാ​റി​നെ കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം സ്വാ​ഗ​തം ചെ​യ്തു. യു​ക്രെ​യ്ൻ, റ​ഷ്യ, തു​ർ​ക്കി, ഐ​ക്യ​രാ​ഷ്ട്ര​സ​ഭ എ​ന്നി​വ​യു​ടെ പ്ര​തി​നി​ധി​ക​ൾ ചേ​ർ​ന്ന് വെ​ള്ളി​യാ​ഴ്ച​യാ​ണ് ഇ​സ്തം​ബൂ​ളി​ൽ ക​രാ​റി​ൽ ഒ​പ്പു​വെ​ച്ച​ത്. റ​ഷ്യ​ൻ ഉ​പ​രോ​ധം ആ​ഗോ​ള ഭ​ക്ഷ്യ​പ്ര​തി​സ​ന്ധി​യെ​ക്കു​റി​ച്ചു​ള്ള ഭ​യം ഉ​യ​ർ​ത്തി​യ​തി​നെ തു​ട​ർ​ന്നാ​ണ് ഐ​ക്യ​രാ​ഷ്ട്ര​സ​ഭ​യും തു​ർ​ക്കി​യ​യും മു​ൻ​കൈ​യെ​ടു​ത്ത് റ​ഷ്യ-​യു​ക്രെ​യ്ൻ ഒ​ത്തു​തീ​ർ​പ്പ് ക​രാ​ർ സാ​ധ്യ​മാ​ക്കി​യ​ത്.

ക​രി​ങ്ക​ട​ലി​ലു​ള്ള ഉ​പ​രോ​ധം നീ​ക്കു​മെ​ന്നു​ള്ള ക​രാ​ർ രാ​ജ്യ​ങ്ങ​ളി​ലെ ഭ​ക്ഷ്യ​സു​ര​ക്ഷ വ​ർ​ധി​പ്പി​ക്കാ​നും ധാ​ന്യ​ക്ഷാ​മം മ​റി​ക​ട​ക്കാ​നും വി​ല​ക്ക​യ​റ്റം പ​രി​മി​ത​പ്പെ​ടു​ത്താ​നും സ​ഹാ​യി​ക്കു​മെ​ന്ന് കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം പ്ര​സ്താ​വ​ന​യി​ൽ ചൂ​ണ്ടി​ക്കാ​ട്ടി. അ​ഞ്ച് മാ​സ​ത്തെ യു​ദ്ധ​ത്തി​ന് ശേ​ഷ​മു​ള്ള ഇ​രു​രാ​ജ്യ​ങ്ങ​ളു​ടെ​യും പ്ര​ധാ​ന ക​രാ​റു​ക​ളോ​ട​നു​ബ​ന്ധി​ച്ച് റ​ഷ്യ​ൻ, യു​ക്രെ​യ്ൻ പ്ര​തി​നി​ധി​ക​ൾ ഐ​ക്യ​രാ​ഷ്ട്ര​സ​ഭ​യു​മാ​യും തു​ർ​ക്കി​യ​യു​മാ​യും വ്യ​ക്തി​ഗ​ത ക​രാ​റു​ക​ളി​ലും ഒ​പ്പു​വെ​ച്ചു. ക​രി​ങ്ക​ട​ൽ തു​റ​മു​ഖ​ങ്ങ​ൾ​ക്ക് ചു​റ്റു​മു​ള്ള റ​ഷ്യ​ൻ പ്ര​കോ​പ​ന​ങ്ങ​ൾ വേ​ഗ​ത്തി​ലു​ള്ള സൈ​നി​ക പ്ര​തി​ക​ര​ണ​ത്തി​ന് കാ​ര​ണ​മാ​ക്കു​മെ​ന്ന് ക​രാ​ർ ഒ​പ്പി​ടു​ന്ന​തി​ന് മു​മ്പ് യു​ക്രെ​യ്ൻ പ്ര​തി​നി​ധി പ​റ​ഞ്ഞു. കൂ​ടാ​തെ റ​ഷ്യ​യു​ടെ അ​തേ പേ​പ്പ​റു​ക​ൾ എ​ഴു​താ​ൻ യു​ക്രെ​യ്ൻ വി​സ​മ്മ​തി​ക്കു​ക​യും ചെ​യ്തു.

'ഇ​ന്ന് ക​രി​ങ്ക​ട​ലി​ൽ ഒ​രു ദീ​പ​സ്തം​ഭ​മു​ണ്ട്. പ്ര​തീ​ക്ഷ​യു​ടെ വി​ള​ക്കു​മാ​ട​മാ​ണ​ത്. സാ​ധ്യ​ത​യു​ടെ​യും ആ​ശ്വാ​സ​ത്തി​ന്റെ​യും കൂ​ടി വി​ള​ക്കു​മാ​ട​മാ​ണ​ത്' എ​ന്ന് ക​രാ​ർ ഒ​പ്പു​വെ​ക്കു​ന്ന​തി​നെ​ക്കു​റി​ച്ച് യു.​എ​ൻ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സ് പ​റ​ഞ്ഞു.

ക​രി​ങ്ക​ട​ൽ തു​റ​മു​ഖ​ങ്ങ​ളി​ൽ യു​ക്രെ​യ്ൻ ക​പ്പ​ലു​ക​ൾ​ക്ക് റ​ഷ്യ ഏ​ർ​പ്പെ​ടു​ത്തി​യ ഉ​പ​രോ​ധം ക​രാ​റി​ലൂ​ടെ നീ​ങ്ങും. ഇ​ത് ക​പ്പ​ലു​ക​ൾ​ക്ക് വ​രാ​നും പു​റ​ത്തേ​ക്ക് പോ​കാ​നും സു​ര​ക്ഷി​ത​മാ​യ ഇ​ട​നാ​ഴി​ക​ൾ സ്ഥാ​പി​ക്കും. ക​പ്പ​ലു​ക​ൾ പ​ര​സ്പ​രം ആ​ക്ര​മി​ക്കി​ല്ലെ​ന്ന് ഇ​രു​പ​ക്ഷ​വും ക​രാ​ർ ഒ​പ്പു​വെ​ക്കു​ന്ന​തി​നി​ടെ പ്ര​തി​ജ്ഞ​യെ​ടു​ത്തു.