ബാഡ്മിന്റൺ ടൂർണമെന്റ് പോസ്റ്റർ പ്രകാശനം
text_fieldsകുവൈത്ത് സിറ്റി: കുവൈത്തിലെ മലങ്കര കത്തോലിക്കാ സഭ കൂട്ടായ്മയായ കെ.എം.ആർ.എമ്മിന്റെ യുവജനവിഭാഗമായ എം.സി.വൈ.എം-കെ.എം.ആർ.എം കുവൈത്തിന്റെ നേതൃത്വത്തിൽ സംഘടിപ്പിക്കുന്ന സ്മാഷ് സീസൺ 2-ബാഡ്മിന്റൺ ടൂർണമെന്റിന്റെ പോസ്റ്റർ പ്രകാശനം എം.സി.വൈ.എം കുവൈത്ത് ഡയറക്ടർ റവ. ഫാ. ജോൺ തുണ്ടിയത്ത് നിർവഹിച്ചു.
കെ.എം.ആർ.എം പ്രസിഡന്റ് ജോസഫ്. കെ. ഡാനിയേൽ ടൂർണമെന്റ് വിഡിയോ റിലീസിങ് നിർവഹിച്ചു. ഇന്റർ കെ.എം.ആർ.എം, ലോവർ ഇന്റർമീഡിയറ്റ്, ഇന്റർമീഡിയറ്റ്, അഡ്വാൻസ്ഡ്, പ്രഫഷനൽ കാറ്റഗറികളിലാണ് മത്സരങ്ങൾ സംഘടിപ്പിക്കുന്നത്. മത്സരങ്ങൾ 2022 ഒക്ടോബർ 28ന് അഹമ്മദി ഐ സ്മാഷ് അക്കാദമിയിൽ നടക്കും.
കെ.എം.ആർ.എം പ്രസിഡന്റ് ജോസഫ് കെ. ഡാനിയേൽ, എം.സി.വൈ.എം പ്രസിഡന്റ് നോബിൻ ഫിലിപ്പ്, എം.സി.വൈ.എം ട്രഷറർ ഫിനോ മാത്യു പാട്രിക്, ടൂർണമെന്റ് കൺവീനർ ബിറ്റു എബ്രഹാം, ടൂർണമെന്റ് മാനേജർ റിജോ വി. ജോർജ്, ടൂർണമെന്റ് കോഓഡിനേറ്റർ ജുബി ജോർജ്, എം.സി.വൈ.എം കമ്മിറ്റി അംഗങ്ങൾ എന്നിവർ സന്നിഹിതരായിരുന്നു. രജിസ്ട്രേഷൻ അവസാന തീയതി ഒക്ടോബർ 15. വിശദ വിവരങ്ങൾക്ക് 94090920, 50454927 എന്നീ നമ്പറുകളിൽ ബന്ധപ്പെടാം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.