ഫസ്​തീനിൽ അവർ ചോരകൊണ്ട്​ ചിത്രമെഴുതു​േമ്പാൾ നമ്മളെങ്ങനെയാണ്​ പൂക്ക​ളെയും കിളികളെയും കിനാവുകാണുക?

``ഇവിടെ ഫസ്​തീനിൽ അവർ ചോരകൊണ്ട്​ ചിത്രമെഴുതു​േമ്പാൾ നമ്മളെങ്ങനെയാണ്​ പൂക്ക​ളെയും കിളികളെയും കിനാവുകാണുക?. ഫർനാസ്​ അവളെ തന്നോട്​ ചേർത്ത്​ നിർത്തി കാതുകളിൽ മൊഴിഞ്ഞു; `ഞാൻ നിന്നെ ഏറെ സ്​നേഹിക്കുന്നു. പക്ഷെ, ഫലസ്​തീനിനെ നിന്നേക്കാൾ സ്​​േനഹിക്കുന്നു.'' ഇപ്പോൾ ഫർനാസിന്​ ഒരു പോരാളിയുടെ മുഖം.
തനിക്കുമാത്രം കേൾക്കാവുന്ന ശബ്​ദത്തിൽ പറയുന്നു.` നിങ്ങൾ കാൽപനികനാണെന്നിരി​ക്ക​ട്ടെ. കാലം നിങ്ങളെ കാർക്കശ്യത്തോടെ മെരുക്കിയെടുക്കും. കാലം റിയലിസത്തിൽ ന​മ്മെ ചുറ്റിക്കളയും! ഇതെ​െൻറ വാക്കുകളല്ല. മുരീദ്​ ബർഗൂസിയുടെ വാക്കുകൾ''.
എന്തുകൊണ്ടോ അവളുടെ കണ്ണൂകൾ നിറഞ്ഞിരിക്കുന്നു. വികാരം നിയന്ത്രിച്ച്​ അവൾ ഫർനാസിനോട്​ പറഞ്ഞു. `ഞാനും നിന്നോടൊപ്പമുണ്ട്​.' ഒന്നുകൂടി ചേർത്തുപിടിച്ച്​ ഫർനാസ്​ കൂട്ടിച്ചേർത്തു; `അലാമീയാ നീയും ഫലസ്​തീനിനോടൊപ്പം​.'
(ഇടിമിന്നലുകളുടെ പ്രണയം-പി.കെ. പാറക്കട്​).

ഇടിമിന്നിലുകളു​ടെ പ്രണയമെഴുതു​​​േമ്പാൾ മനസുകൊണ്ട്​ ഞാനും കത്തിയെരിയുന്ന ലബനാനിലായിരുന്നു. ബോംബുകളുടെയും വെടിയുണ്ടകളുടെയും നടുവി​ലിരുന്ന്​ നിസാർ ഖബ്ബാനിയും അഡോണിസും യൂൻസി അൽഹാജും ഷൗഖി അബിഷക്​റയും മഹ്​മൂദ്​ ദർവീഷും വിപ്ലവം കിനാവുകാണുന്നത്​ ഞാൻ അറിയുന്നുണ്ടായിരുന്നു. മിന്നലിൽ പ്രണയഗീതമെഴുതിയിരുന്നവർ പേനയിൽ വെടിമരുന്നു നിറച്ച്​ കവിതകളെഴുതുന്നത്​ ഞാൻ നോക്കി നിന്നു. അവർക്ക്​ പുതിയ കാലം പൂവിലൊളിച്ച കാട്ടുമൃഗമായിരുന്നു...ഇടിമിന്നലുകളുടെ പ്രണയത്തി​െ ൻറ ആമുഖകുറിപ്പിൽ പി​.കെ. പാറക്കടവ്​ എഴുതിയ വാക്കുകളാണിവ.

17 അധ്യായങ്ങളിലൂടെ ഫലസ്​തീൻ ജനത പേറുന്ന നോവും നേരും പ്രണയത്തോടൊപ്പം വായനക്കാരന്​ പകർന്ന്​ നൽകുകയാണ്​ ഇടിമിന്നലുകളുടെ പ്രണയത്തിലൂടെ. തീർച്ചയായും ഇത്തരമൊരു രചന നിർവഹിക്കുന്ന എഴുത്തുകാരന്​ മനസ്​ കൊണ്ടെങ്കിലും ലബനാനിലായിരിക്കാതെ വയ്യ. അത്രമേൽ ഫലസ്​തീനിയൻ പോരാളികളുടെ രാഷ്​ട്രീയം ഈ നോവലിൽ ​ഓരോ​യിടത്തും വരച്ചിടുന്നുണ്ട്​. ചേർത്തുപിടിക്കേണ്ട രാഷ്​ട്രീയത്തെ ചേർത്ത്​ പിടിച്ച്​ ത​ന്നെയാണ്​ ഈ പ്രണയയാത്ര. പാറക്കടവ്​ രചനകളിലേറെയും കഥാസന്ദർഭങ്ങൾ പറഞ്ഞുവെക്കാത്തവയാണ്​. കഥയി​ലേക്കും അതി​െ ൻറ രാഷ്​ട്രീയത്തിലേക്കും​ നേരിട്ട്​ പ്ര​വേശിക്കുകയാണ്​ പതിവ്​. എന്നാൽ, ആ പതിവുകൾ ഇവിടെ ലംഘിക്കുന്നു. കഥാപാത്രങ്ങളും സന്ദർഭങ്ങളു​മുണ്ട്​. ഫലസ്​തീൻ ജനത അനുഭവിക്കുന്ന എല്ലാ അസ്വസ്​ഥതകളും ഈ നോവലിലെ ഓരോ വരികളിലുമുണ്ട്​. അതു​കൊണ്ടാണ്​ ഫർനാസിന്​​ അവളെ തന്നോട്​ ചേർത്ത്​ നിർത്തി കാതുകളിൽ ഇങ്ങനെ പറയേണ്ടി വരുന്നത്​ `ഞാൻ നിന്നെ ഏറെ സ്​നേഹിക്കുന്നു. പക്ഷെ, ഫലസ്​തീനിനെ നിന്നേക്കാൾ സ്​​േനഹിക്കുന്നു'വെന്ന്​...

ഈ നോവലിൻെറ ആമുഖത്തിൽ സച്ചിദാനന്ദൻ ഇങ്ങനെ എഴുതുന്നു``കവിതയും സ്​നേഹവും ഫലസ്​തീനിയൻ പോരാളികളോടുള്ള ഐക്യദാർഢ്യവും അസ്വസ്​ഥ പ്രദേശങ്ങളിലെ മനുഷ്യജീവിതത്തെ കുറിച്ചുള്ള ഉൾ​ക്കാഴ്ചയും വിസ്​മയകരമായ കയ്യൊതുക്കവും ​കൊണ്ട്​ അത്ഭുതപ്പെടുത്തുന്ന ഈ ലഘുനോവൽ രാഷ്​ട്രീയ വിഷയങ്ങൾ എങ്ങനെ കലാപരമായി കൈകാര്യം ചെയ്യാമെന്നതിന്​ ഒരു മികച്ച ഉദാഹരണമാണ്​''. ഈ വാക്കുകൾക്ക് ഈ നോവലിലെ ഓരോ വരികളും​ അനുഭവ സാക്ഷ്യമാകും.

`മീസാൻ കല്ലുകളുടെ കാവൽ'; ഒറ്റയിരുപ്പിൽ എന്നല്ല ഒറ്റശ്വാസത്തിൽ വായിച്ച് തീർക്കാവുന്ന​ നോവൽ. നോവായി ഒപ്പം പോരുന്ന നോവൽ അതാണ്, മീസാൻ കല്ലുകളുടെ കാവൽ. പൊക്കിൾ കൊടി മുതൽ പള്ളിക്കാട് വരെയുള്ള ജീവിതത്തിന് സാക്ഷിയാണ് മീസാൻ കല്ല്. നോവൽ അവസാനിക്കുന്നതിങ്ങനെ, `നീ ഉറങ്ങുകയാണ്. നൊച്ചിൽചെടികൾ നിന്നിലേക്കു വേരിറക്കേണ്ട. പക്ഷികൾ നി​െൻറ മേ​ലേ പാറി നടക്കേണ്ട. ഉറങ്ങ്. നീ സ്വസ്ഥമായുറങ്ങ്. നിനക്ക് ഒരു മീസാൻ കല്ലായ് ഞാനിതാ കാവലിരിക്കുന്നു. അനന്തമായ കാവൽ. ഞാൻ കഥകൾ പറഞ്ഞുകൊണ്ടെയിരിക്കാം.' കഥയെന്ന വാക്ക് നിറഞ്ഞ് കിടക്കുന്ന നോവലാണിത്. ഈ നോവൽ വായനയുടെ വഴിയിൽ വായനക്കാരൻ അനുഭവിക്കുന്നത് തന്നിൽ മുളച്ച് വരുന്ന കഥകൾക്കായിരിക്കും. ഒരായിരം കഥകൾ പിറക്കുന്ന മനസിനെ സൃഷ്ടിക്കാൻ ഓരോ അധ്യായത്തിനും കഴിയുന്നു.

ഒരു നാടി​െൻറ ചരിത്രം പരിശോധിക്കാൻ അക്കാലത്തിറങ്ങിയ കഥാപുസ്തകങ്ങൾ വായിച്ചാൽ മതിയെന്ന് ഈ നോവലിൽ ഒരിടത്ത് പറയുന്നു. ഇന്നലെകളും ഇന്നും ഒരു പോലെ ത​െൻറ കഥകളിൽ നിറക്കുന്ന എഴുത്തുകാരന് കഥ ​ത​െൻറ രാഷ്ട്രീയ പ്രവർത്തനമായി മാറുന്നു. ഇടിമിന്നലുകളുടെ പ്രണയവും മീസാൻ കല്ലുകളുടെ കാവലും ഈ രണ്ട് നോവലുകളും വായനക്കാരനെ ഓർമ്മപ്പെടുത്തുന്നുണ്ട് ഏറെ. അതു​കൊണ്ടാണ് ചരിത്ര നിമിഷങ്ങൾ കടന്നുവരുന്നത്. വെറുതെ വായിച്ച് പോകാൻ വരട്ടെയെന്ന് പറയാതെ പറയുന്ന നോവലുകൾ നമ്മെ കൂടെ കൊണ്ടുപോവുകയാണ്.

ജീവിതം പിഴിഞ്ഞു സത്തുണ്ടാക്കി ഇത്തിരി കിനാവും കണ്ണീരും ചേർത്തു തപസുചെയ്യുമ്പോൾ ഒരു കലാസൃഷ്ടിയുണ്ടാവുന്നുവെന്ന് പാറക്കടവ് പറയുന്നു. എന്നാൽ, അതിനെ കഥയില്ലായ്മ എന്നു​പോലും വിളിക്കാനുള്ള അധികാരം വായനക്കാരന് നൽകുന്നുണ്ട്. പക്ഷെ, വായനക്കാര​െൻറ ഉളള് പൊള്ളിച്ച എഴുത്തിനെ എങ്ങനെ കഥയില്ലായ്മയെന്ന് വിളിക്കും. ഏറെ പറയുന്നില്ല, നോവൽ പുതുകഥകളായി അകം നിറയുകയാണ്...