സി.ബി.എസ്.ഇക്കാർക്ക് അവസരം നൽകാൻ പ്ലസ് വൺ അപേക്ഷ തീയതി നീട്ടും

തിരുവനന്തപുരം: സംസ്ഥാനത്തെ പ്ലസ് വൺ അപേക്ഷ തീയതി നീട്ടാൻ സാധ്യത. സി.ബി.എസ്.ഇ വിദ്യാർഥികൾക്ക് അപേക്ഷിക്കാൻ അവസരം നൽകുന്നതിന്റെ ഭാഗമായാണിത്. നാളെയായിരുന്നു അ​പേക്ഷ നൽകാനുള്ള അവസാന തീയതി. ഇക്കാര്യത്തിൽ അന്തിമ തീരുമാനം നാളെയുണ്ടാകും.

ജൂലൈ 21ന് ട്രയൽ അലോട്മെന്റ് നടത്താനായിരുന്നു തീരുമാനിച്ചിതുന്നത്. ഇതുപ്രകാരം ആദ്യ ​അലോട്മെന്റ് ജൂലൈ 27ന് പ്രഖ്യാപിക്കുമെന്നുമായിരുന്നു വിജ്ഞാപനം. എന്നാൽ അപേക്ഷ തീയതി നീട്ടുന്നതോടെ ഈ തീയതികളിലും മാറ്റം വരും. ആഗസ്റ്റ് 17ന് പ്ലസ് വൺ ക്ലാസ് തുടങ്ങാനായിരുന്നു തീരുമാനം. മൂല്യനിർണയം പൂർത്തിയാകാത്തതാണ് സി.ബി.എസ്.ഇ ഫലം വൈകുന്നതിന്റെ കാരണം.