ഇടുക്കിയിലും കോട്ടയത്തും ചില വിദ്യാഭ്യാസ സ്​ഥാപനങ്ങൾക്ക്​ അവധി

ഇടുക്കി: കനത്ത മഴ തുടരുന്നതിനാല്‍ ജില്ലയിലെ ഇടുക്കി, ഉടുമ്പന്‍ചോല, ദേവികുളം താലൂക്കുകളിലെ അംഗൻവാടി മുതല്‍ പ്രഫഷനൽ കോളജുകള്‍ ഉള്‍പ്പെടെ വിദ്യാഭ്യാസ സ്ഥാപനങ്ങള്‍ക്ക് ബുധനാഴ്ച കലക്ടര്‍ അവധി പ്രഖ്യാപിച്ചു. മുന്‍ നിശ്ചയപ്രകാരമുള്ള പരീക്ഷകള്‍ക്ക് അവധി ബാധകമല്ല. കോട്ടയം: കോട്ടയം ജില്ലയിൽ ദുരിതാശ്വാസ ക്യാമ്പ് പ്രവർത്തിക്കുന്ന എല്ലാ വിദ്യാലയങ്ങൾക്കും ബുധനാഴ്ച കലക്ടർ അവധി പ്രഖ്യാപിച്ചു. ഗവ. എൽ.പി.എസ് പരുത്തുംപാറ, അമൃത എച്ച്.എസ്.എസ് മൂലേടം എന്നീ വിദ്യാലയങ്ങൾക്ക് അവധി ബാധകമല്ല.