മരണമുഖത്തെ ഒാർമകൾ മറന്ന്​ അവർ പറന്നു

ദോഹ: തായ്​ലൻറിലെ ഗുഹയിൽ മരണത്തെ മുന്നിൽ കണ്ട്​ കഴിഞ്ഞ ദിവസങ്ങളുടെ ഒാർമകൾ മറന്ന്​ അവർ പറന്നു. ഗുഹയുടെ അന്ധകാരത്തിൽ നിന്ന്​ ആകാശത്തി​​െൻറ വിസ്​മയങ്ങളിലൂടെ അവർ തായ്​ലൻറിൽ നിന്ന്​ ലണ്ടനിലേക്ക്​ എത്തി. ഖത്തർ എയർവേസ്​ വിമാനത്തിലെ യാത്രക്കിടെ അവർ ദോഹ അന്താരാഷ്​ട്ര വിമാനത്താവളത്തി​​െൻറ സൗകര്യങ്ങളും ചുറ്റിക്കണ്ടു. പ്രൈഡ്​ ഒാഫ്​ ബ്രിട്ടൻ അവാർഡ്​ ദാന ചടങ്ങിൽ പ​െങ്കടുക്കാനാണ്​ തായ്​ലാൻറിലെ ഗുഹയിൽ നിന്ന്​ അത്​ഭുതകരമായി രക്ഷപ്പെട്ട വൈൽഡ്​ ബോർസ്​ ഫുട്​ബാൾ ടീം പറന്നത്​.

12 അംഗങ്ങളും കോച്ചും അടങ്ങിയ ടീമിനൊപ്പം ഗുഹയി​െല രക്ഷാപ്രവർത്തനത്തിൽ ജീവൻ പണയം വെച്ചും പങ്കാളികളായ രണ്ട്​ ​ബ്രിട്ടീഷ്​ ഡൈവർമാരുമുണ്ട്​. ദോഹയിൽ വെച്ച്​ ഖത്തർ എയർവേസ്​, ഖത്തർ ഡ്യൂട്ടി ഫ്രീ ഉദ്യോഗസ്ഥർ എന്നിവരുമായി കുട്ടികൾ സംവദിച്ചു. കുട്ടികൾക്ക്​ ഫുട്​ബാൾ ജഴ്​സികളും ബേസ്​ബാൾ തൊപ്പികളും അടങ്ങിയ ബാഗുകളും സമ്മാനിച്ചു. തായ്​ലൻറിൽ നിന്ന്​ ലണ്ടനിലേക്കുള്ള വൈൽഡ്​ബോർസ്​ ഫുട്​ബാൾ ടീമി​​െൻറ യാത്രയിൽ പിന്തുണ നൽകാൻ സാധിച്ചതിൽ ഏറെ അഭിമാനമുണ്ടെന്ന്​ ഖത്തർ എയർവേസ്​ ഗ്രൂപ്പ്​ ചീഫ്​ എക്​സിക്യുട്ടീവ്​ അക്​ബർ അൽ ബാക്കിർ പറഞ്ഞു.

അസാമാന്യ ധൈര്യവും കരുത്തും ദൃഢനിശ്​ചയവും കാഴ്​ചവെച്ച ഇൗ കുട്ടികൾക്ക്​ മടക്കയാത്രയും ഖത്തർ എയർവേസിൽ ആയിരിക്കുമെന്നും അദ്ദേഹം പറഞ്ഞു. ടീമിലെ 12 അംഗങ്ങളും കോച്ചും കഴിഞ്ഞ ജൂൺ 23നാണ്​ വടക്കൻ തായ്​ലൻറിലെ ഗുഹയിൽ കുടുങ്ങിയത്​. മഴവെള്ളത്തിൽ ഗുഹാമുഖവും ഉൾഭാഗവും മൂടിയതോടെ ജീവൻ തന്നെ ഭീഷണിയിലായ സംഘത്തെ രണ്ടാഴ്​ചയിൽ അധികം നീണ്ട രക്ഷാപ്രവർത്തനത്തിലൂടെയാണ്​ മോചിപ്പിച്ചത്​. ലോകം തന്നെ വിസ്​മയമായി കണ്ട രക്ഷാപ്രവർത്തനത്തിൽ ഒാരോരുത്തരെയായി പുറത്തെത്തിക്കുകയായിരുന്നു. ജൂലൈ പത്തിന്​ കോച്ചിനെയും പുറത്തെത്തിച്ചതോടെയാണ്​ രക്ഷാപ്രവർത്തനം അവസാനിച്ചത്​.