തൂണേരി 19ാം ബൂത്തിൽ പോളിങ് ആരംഭിച്ചത് 9.15ന്

കോഴിക്കോട്: വോട്ടിങ് യന്ത്രം കേടായതിനെത്തുടർന്ന് നാദാപുരം തൂണേരി പഞ്ചായത്തിലെ മുടവന്തേരി 19 നമ്പർ ബൂത്തിൽ പോളിങ് ആരംഭിച്ചത് രണ്ടേകാൽ മണിക്കൂർ വൈകി.  ബൂത്തിൽ ഒന്നാമത്തെ യന്ത്രം കേടായിതിനെത്തുടർന്ന് പകരം കൊണ്ടുവന്ന യന്ത്രവും കേടാവുകയായിരുന്നു. പിന്നീട് 9.15 നാണ് പോളിംഗ് ആരംഭിച്ചത്.

ജില്ലയിൽ മറ്റു പല ഭാഗങ്ങളിൽ വോട്ടിങ് ഒരു മണിക്കൂറിലധികം വൈകി. നാദാപുരത്ത് 19, 40, 50 75 ബൂത്തുകളിലും യന്ത്രം പണിമുടക്കിയതിനെത്തുടർന്ന് വോട്ടിങ് ഒന്നര മണിക്കൂറിലധികം വൈകി. കോഴിക്കോട് മാവൂർ സെന്റ് മേരീസ് സ്കൂളിലെ 119, വളയന്നൂർ ജി.എൽ.പി സ്കൂളിലെ 105, ചെറൂപ്പ ഖാദി ബോർഡ് അംഗൻവാടിയിലെ 104 നമ്പർ ബൂത്തുകളിൽ യന്ത്രം കേടായതിനെ തുടർന്ന് വോട്ടെടുപ്പ് തുടങ്ങാൻ മണിക്കൂറുകൾ വൈകി.