ഊളമ്പാറ-പേരൂര്‍ റോഡ് തകര്‍ന്നനിലയില്‍; അധികൃതര്‍ അറിയാത്തമട്ടിൽ

പേ​രൂ​ര്‍ക്ക​ട: ഊ​ള​മ്പാ​റ-​പേ​രൂ​ര്‍ ശ്രീ​കൃ​ഷ്ണ​സ്വാ​മി ക്ഷേ​ത്രം റോ​ഡ് അ​പ​ക​ടാ​വ​സ്ഥ​യി​ല്‍. റോ​ഡ് ത​ക​ര്‍ന്നി​ട്ട് ഒ​രു​വ​ര്‍ഷ​ത്തി​ലേ​റെ​യാ​യി. 700 മീ​റ്റ​റോ​ളം നീ​ളം വ​രു​ന്ന ഇ​ന്റ​ര്‍ലോ​ക്ക് നി​ര​ത്തി​യി​രു​ന്ന റോ​ഡാ​ണ് പൂ​ര്‍ണ​മാ​യും ത​ക​ര്‍ന്ന് സ​ഞ്ചാ​ര​യോ​ഗ്യ​മ​ല്ലാ​താ​യ​ത്. റോ​ഡ് ത​ക​ര്‍ന്ന​തോ​ടെ കാ​ല്‍ന​ട​ക്കാ​രും ഇ​രു​ച​ക്ര വാ​ഹ​ന യാ​ത്രി​ക​രു​മാ​ണ് ഏ​റ്റ​വു​മ​ധി​കം ദു​രി​തം അ​നു​ഭ​വി​ക്കു​ന്ന​ത്.

വ​ന്‍ കു​ഴി​ക​ളി​ല്‍ മ​ഴ​വെ​ള്ളം കെ​ട്ടി​ക്കി​ട​ക്കു​ന്ന​ത് അ​പ​ക​ട​ങ്ങ​ള്‍ക്കി​ട​യാ​കു​ന്നു​ണ്ട്. അ​ധി​കൃ​ത​ര്‍ക്ക് നി​ര​വ​ധി ത​വ​ണ പ​രാ​തി ന​ല്‍കി​യെ​ങ്കി​ലും ഫ​ല​മു​ണ്ടാ​യി​ല്ല. അ​മ്പ​ലം​മു​ക്ക് റ​സി​ഡ​ന്‍സ് അ​സോ​സി​യേ​ഷ​ന്‍ ഭാ​ര​വാ​ഹി​ക​ള്‍ ഉ​ള്‍പ്പെ​ടെ എം.​എ​ല്‍.​എ, വാ​ര്‍ഡ് കൗ​ണ്‍സി​ല​ര്‍ തു​ട​ങ്ങി​യ​വ​ര്‍ക്ക് പ​രാ​തി ന​ല്‍കി​യി​രു​ന്നു.

സ​മീ​പ​ത്തു​ള്ള ഫ്ലാ​റ്റി​നു​വേ​ണ്ടി മാ​ലി​ന്യ പൈ​പ്പ് പു​തി​യ​ത് സ്ഥാ​പി​ച്ച​തു​മാ​യി ബ​ന്ധ​പ്പെ​ട്ട് റോ​ഡ് കു​ഴി​ച്ച​തോ​ടെ​യാ​ണ് റോ​ഡി​ന്റെ ത​ക​ര്‍ച്ച​യാ​രം​ഭി​ച്ച​ത്. റോ​ഡ് അ​റ്റ​കു​റ്റ​പ്പ​ണി ന​ട​ത്തു​ന്ന​തി​നു​ള്ള ടെ​ന്‍ഡ​ര്‍ ന​ട​പ​ടി​ക​ള്‍ പൂ​ര്‍ത്തീ​ക​രി​ച്ചി​ട്ടു​ണ്ടെ​ന്നും മ​ഴ മാ​റു​ന്ന​തി​ന​നു​സ​രി​ച്ച് ന​ഗ​ര​സ​ഭ​യു​ടെ ഫ​ണ്ട് വി​നി​യോ​ഗി​ച്ച് റോ​ഡി​ന്റെ പ​ണി എ​ത്ര​യും വേ​ഗം ആ​രം​ഭി​ച്ച് പൂ​ര്‍ത്തീ​ക​രി​ക്കു​മെ​ന്നും വാ​ര്‍ഡ് കൗ​ണ്‍സി​ല​ര്‍ ജ​മീ​ല ശ്രീ​ധ​ര​ന്‍ പ​റ​ഞ്ഞു.