MARKET RATES
pavan 20,480.00
gram 2,560.00
കോര്‍പറേറ്റുകള്‍ക്കുള്ള വായ്പക്ക് നിയന്ത്രണം ഏര്‍പ്പെടുത്താന്‍ റിസര്‍വ് ബാങ്ക് നീക്കം

മുംബൈ: ബാങ്കുകള്‍ കോര്‍പറേറ്റ് സ്ഥാപനത്തിന് നല്‍കുന്ന വായ്പകള്‍ക്ക് നിയന്ത്രണമേര്‍പ്പെടുത്താന്‍ റിസര്‍വ് ബാങ്ക് നീക്കം. കോര്‍പറേറ്റുകളുടെ ഭാഗത്തുനിന്നുള്ള തിരിച്ചടവ് മുടക്കം ബാങ്കുകള്‍ക്ക് പ്രതിസന്ധി സൃഷ്ടിക്കുന്ന സാഹചര്യത്തിലാണ് പുതിയ നിര്‍ദേശം.

ബാങ്കുകളുടെ മുഖ്യ മൂലധനത്തിന്‍െറ 25 ശതമാനത്തില്‍ കൂടുതല്‍ ഏതെങ്കിലും ഒരു സ്ഥാപനത്തിനു മാത്രം നല്‍കാനാവാത്തവിധം വായ്പാ പരിധി കുറക്കുന്നതു സംബന്ധിച്ച് റിസര്‍വ് ബാങ്ക് ബന്ധപ്പെട്ടവരുടെ അഭിപ്രായം ക്ഷണിച്ചു. നിലവില്‍ 55 ശതമാനം വരെയാണ് വായ്പ അനുവദിക്കാവുന്നത്. 2019 ജനുവരി ഒന്നു മുതല്‍ ഇതു കുറക്കാമെന്നാണ് റിസര്‍വ് ബാങ്ക് മുന്നോട്ടുവെച്ചിരിക്കുന്ന നിര്‍ദേശം. ഏപ്രില്‍ 30 വരെയാണ് അഭിപ്രായങ്ങള്‍ സമര്‍പ്പിക്കാവുന്നത്.

അന്താരാഷ്ട്ര മാനദണ്ഡങ്ങള്‍ക്കനുസരിച്ച് 25 ശതമാനമായി നിയന്ത്രണം ഏര്‍പ്പെടുത്തണമെന്ന് നേരത്തേ ബാസല്‍ കമ്മിറ്റി ശിപാര്‍ശ ചെയ്തിരുന്നു. കോര്‍പറേറ്റ് സ്ഥാപനങ്ങള്‍ ബാങ്കുകളെ അമിതമായി ആശ്രയിക്കുന്ന സാഹചര്യത്തില്‍ മൂലധന ആവശ്യത്തിന്‍െറ നിശ്ചിത ശതമാനം കടപ്പത്രവിപണിയില്‍നിന്ന് കണ്ടത്തെണം എന്നത് നിര്‍ബന്ധമാക്കുന്നതും പരിഗണിക്കുമെന്ന് റിസര്‍വ് ബാങ്ക് വ്യക്തമാക്കിയിട്ടുണ്ട്.

CURRENCYCONVERTER
Source: ExchangeRates.org.uk
സൂചികകളില്‍ മുന്നേറ്റം

മുംബൈ: അമേരിക്കന്‍ കേന്ദ്ര ബാങ്കായ ഫെഡറല്‍ റിസര്‍വ് പലിശനിരക്കുകള്‍ ഉടന്‍ ഉയര്‍ത്തിയേക്കില്ളെന്ന സൂചനയെ തുടര്‍ന്ന് ഓഹരിവിപണി തിരിച്ചുകയറി. മുംബൈ ഓഹരി സൂചികയായ സെന്‍സെക്സ് 298.67 പോയന്‍റ് ഉയര്‍ന്ന് 28,736.38ലും ദേശീയ ഓഹരിസൂചികയായ നിഫ്റ്റി 90.15 പോയന്‍റ് നേട്ടത്തില്‍ 8,723.30ലുമാണ് ക്ളോസ് ചെയ്തത്. ഫാര്‍മ, കാപിറ്റല്‍ ഗുഡ്സ്, എഫ്.എം.സി.ജി, കണ്‍സ്യൂമര്‍ ഡ്യൂറബ്ള്‍സ്, റിഫൈനറി, ലോഹം, ബാങ്കിങ് ഓഹരികളിലാണ് നിക്ഷേപക താല്‍പര്യമേറിയത്.

സംസ്ഥാനത്ത് ബാങ്കുകളുടെ വായ്പ^നിക്ഷേപ അനുപാതം കുറയുന്നു

തിരുവനന്തപുരം: കേരളത്തില്‍ വാണിജ്യബാങ്കുകളുടെ വായ്പ-നിക്ഷേപ അനുപാതം കുറയുന്നു. 2014 ഡിസംബര്‍ വരെ സംസ്ഥാനത്തെ വായ്പ-നിക്ഷേപ അനുപാതം  66.61 ശതമാനം ആണ്. കഴിഞ്ഞ മൂന്ന് വര്‍ഷങ്ങളിലെ കണക്കുകള്‍ പരിശോധിക്കുമ്പോള്‍ വായ്പ നല്‍കുന്നത് ക്രമാനുഗതമായി കുറയുകയാണ്. സഹകരണ മേഖലയുടെ വായ്പ-നിക്ഷേപ അനുപാതം ഈ കാലയളവില്‍ 64 ശതമാനം ആണ്.സംസ്ഥാനതല ബാങ്കേഴ്സ് യോഗത്തിലാണ് ഇത് സംബന്ധിച്ച വിവരങ്ങള്‍ വ്യക്തമായത്.വാണിജ്യബാങ്കുകളുടെ വായ്പ- നിക്ഷേപ അനുപാതം 2013 ഡിസംബറില്‍ 68.72 ശതമാനവും 2012 ഡിസംബറില്‍ 75.89 ശതമാനവുമായിരുന്നു.
ഇതോടെ സംസ്ഥാനത്ത് സര്‍ക്കാര്‍, സര്‍ക്കാറിതര പദ്ധതികള്‍ക്ക് വാണിജ്യ ബാങ്കുകളില്‍ നിന്ന് വായ്പ ലഭിക്കുന്നില്ളെന്ന വാദം ബലപ്പെടുകയാണ്.

2014 ഡിസംബറിലെ കണക്ക് പ്രകാരം ബാങ്കുകള്‍ വിദ്യാഭ്യാസവായ്പ നല്‍കിയതിലെ കിട്ടാക്കടം 961 കോടിയായി കുറഞ്ഞു. 2013 ഡിസംബറില്‍ 1069 കോടിയും 2012 ഡിസംബറില്‍ ഇത് 761 കോടിയുമായിരുന്നു.അതേസമയം ഭവന വായ്പ, സ്ത്രീ ഗുണഭോക്താക്കള്‍ക്കുള്ള വായ്പ എന്നിവയില്‍ ബാങ്കുകള്‍ക്കുള്ള കിട്ടാക്കടം മുന്‍ വര്‍ഷത്തെ അപേക്ഷിച്ച് വര്‍ധിച്ചു. ഭവനവായ്പ നല്‍കിയതിലെ കിട്ടാക്കടം  2014 ഡിസംബറില്‍ 24153 കോടിയാണ്. 2013 ഡിസംബറില്‍ 21993 കോടിയും 2012 ഡിസംബറില്‍ 19898 കോടിയുമായിരുന്നു.

സ്ത്രീ ഗുണഭോക്താക്കള്‍ക്ക് നല്‍കിയ വായ്പ ഇനത്തില്‍ 2014 ഡിസംബര്‍ വരെയുള്ള കിട്ടാക്കടം 34899 കോടിയാണ്. 2103ഡിസംബറില്‍ ഇത് 29056 കോടിയും 2012 ഡിസംബറില്‍ 27843 കോടിയുമായിരുന്നു. 2014-15 സാമ്പത്തികവര്‍ഷം വാണിജ്യ ബാങ്കുകള്‍ മുന്‍ഗണനാ മേഖലക്ക് നല്‍കിയത് 66496 കോടിയുടെ വായ്പയാണ്. ലക്ഷ്യം വെച്ചതിന്‍െറ 71ശതമാനം  ആണിത്്. ഇതില്‍ സഹകരണ ബാങ്കുകളാണ് ഏറ്റവും അധികം തുക വായ്പ നല്‍കിയത് (24291 കോടി). ദേശസാല്‍കൃത ബാങ്കുകള്‍ രണ്ടാം സ്ഥാനത്താണ് (15385 കോടി). മുന്‍ഗണനാ മേഖലക്ക് വായ്പ നല്‍കിയതില്‍ ദേശസാല്‍കൃത, സ്വകാര്യ ബാങ്കുകളുടെ പ്രവര്‍ത്തനം സംസ്ഥാനത്ത് പിന്നിലാണ്. ബാങ്കുകളുടെ പ്രവര്‍ത്തനം പരിശോധിക്കുമ്പോള്‍ എസ്.ബി.ടിയാണ് ഏറ്റവും കൂടുതല്‍ വായ്പ മുന്‍ഗണനാ മേഖലക്ക് നല്‍കിയത്- 70138 കോടി. 55453 കോടി നല്‍കിയ കനറാ ബാങ്കാണ് രണ്ടാമത്. മുന്‍ഗണനാ മേഖലകള്‍ക്ക് വായ്പ നല്‍കുന്ന ജില്ലകളില്‍ മുന്നില്‍ തൃശൂരാണ് (86172 കോടി). പിന്നില്‍ എറണാകുളവും -69726 കോടി.

കാര്‍ഷികമേഖലക്ക് നല്‍കുന്ന വായ്പയില്‍ 2013-14 സാമ്പത്തിക വര്‍ഷത്തേക്കാള്‍ ഈ വര്‍ഷം 4687 കോടി വര്‍ധിച്ചു. ഡിസംബര്‍ 2014 വരെ 32994 കോടിയാണ് കാര്‍ഷിക മേഖലക്ക് ബാങ്കുകള്‍ വായ്പ നല്‍കിയത്. ദേശസാല്‍കൃത, സ്വകാര്യ ബാങ്കുകളേക്കാള്‍  റീജനല്‍ റൂറല്‍ ബാങ്കുകളാണ് (ആര്‍.ആര്‍.ബി) കാര്‍ഷികവായ്പ കൂടുതല്‍ നല്‍കിയത്. സ്വകാര്യ ബാങ്കുകളുടെ പ്രവര്‍ത്തനം കൂടുതല്‍ മെച്ചപ്പെടേണ്ടതുണ്ടെന്ന് എസ്.എല്‍.ബി.സി വിലയിരുത്തി.  ചെറുകിട-ഇടത്തരം മേഖലകള്‍ക്ക് 2014 ഡിസംബര്‍ വരെ 12364 കോടിയും സേവന മേഖലക്ക് 21138 കോടിയും വായ്പ നല്‍കി. സേവന മേഖലക്ക് നല്‍കിയ വായ്പയില്‍ 5032 കോടി രൂപയുടെ കുറവാണ് ബാങ്കുകള്‍ വരുത്തിയിരിക്കുന്നത്.

2014 ഡിസംബര്‍ വരെ സംസ്ഥാനത്ത് ബാങ്കുകളുടെ ആകെ നിക്ഷേപം 4,07,455 കോടി രൂപയായി. ഇതില്‍ ആഭ്യന്തര നിക്ഷേപം 3,02,882 കോടിയും പ്രവാസി മലയാളികളില്‍ നിന്നുള്ളത്  1,04,573 കോടിയുമാണ്.

കോര്‍പറേറ്റുകള്‍ക്കുള്ള വായ്പക്ക് നിയന്ത്രണം ഏര്‍പ്പെടുത്താന്‍ റിസര്‍വ് ബാങ്ക് നീക്കം

മുംബൈ: ബാങ്കുകള്‍ കോര്‍പറേറ്റ് സ്ഥാപനത്തിന് നല്‍കുന്ന വായ്പകള്‍ക്ക് നിയന്ത്രണമേര്‍പ്പെടുത്താന്‍ റിസര്‍വ് ബാങ്ക് നീക്കം. കോര്‍പറേറ്റുകളുടെ ഭാഗത്തുനിന്നുള്ള തിരിച്ചടവ് മുടക്കം ബാങ്കുകള്‍ക്ക് പ്രതിസന്ധി സൃഷ്ടിക്കുന്ന സാഹചര്യത്തിലാണ് പുതിയ നിര്‍ദേശം.

ബാങ്കുകളുടെ മുഖ്യ മൂലധനത്തിന്‍െറ 25 ശതമാനത്തില്‍ കൂടുതല്‍ ഏതെങ്കിലും ഒരു സ്ഥാപനത്തിനു മാത്രം നല്‍കാനാവാത്തവിധം വായ്പാ പരിധി കുറക്കുന്നതു സംബന്ധിച്ച് റിസര്‍വ് ബാങ്ക് ബന്ധപ്പെട്ടവരുടെ അഭിപ്രായം ക്ഷണിച്ചു. നിലവില്‍ 55 ശതമാനം വരെയാണ് വായ്പ അനുവദിക്കാവുന്നത്. 2019 ജനുവരി ഒന്നു മുതല്‍ ഇതു കുറക്കാമെന്നാണ് റിസര്‍വ് ബാങ്ക് മുന്നോട്ടുവെച്ചിരിക്കുന്ന നിര്‍ദേശം. ഏപ്രില്‍ 30 വരെയാണ് അഭിപ്രായങ്ങള്‍ സമര്‍പ്പിക്കാവുന്നത്.

അന്താരാഷ്ട്ര മാനദണ്ഡങ്ങള്‍ക്കനുസരിച്ച് 25 ശതമാനമായി നിയന്ത്രണം ഏര്‍പ്പെടുത്തണമെന്ന് നേരത്തേ ബാസല്‍ കമ്മിറ്റി ശിപാര്‍ശ ചെയ്തിരുന്നു. കോര്‍പറേറ്റ് സ്ഥാപനങ്ങള്‍ ബാങ്കുകളെ അമിതമായി ആശ്രയിക്കുന്ന സാഹചര്യത്തില്‍ മൂലധന ആവശ്യത്തിന്‍െറ നിശ്ചിത ശതമാനം കടപ്പത്രവിപണിയില്‍നിന്ന് കണ്ടത്തെണം എന്നത് നിര്‍ബന്ധമാക്കുന്നതും പരിഗണിക്കുമെന്ന് റിസര്‍വ് ബാങ്ക് വ്യക്തമാക്കിയിട്ടുണ്ട്.