ദത്ത്​ നൽകിയ കുട്ടിയെ തിരികെ ചോദിച്ച്​ പെറ്റമ്മ: വളർത്തമ്മയ്ക്ക് വിട്ടുകൊടുത്ത്​ മദ്രാസ്​ ഹൈകോടതി

ചെന്നൈ: ദത്തെടുത്ത്​ കൊണ്ടുപോയ കുട്ടിയെ വിട്ടുകിട്ടണമെന്ന്​​ ആവശ്യപ്പെട്ട്​ പെറ്റമ്മ സമർപിച്ച ഹരജിയിൻമേൽ വളർത്തമ്മക്ക്​ അനുകൂലമായി മദ്രാസ്​ ഹൈകോടതി വിധി. ​ബാലികയെ വളർത്തമ്മക്ക്​ കൈമാറാനാണ്​ ശനിയാഴ്​ച ജസ്​റ്റീസുമാരായ ബി.എൻ.പ്രകാശ്​, മഞജുള എന്നിവരടങ്ങിയ ഡിവിഷൻ ബെഞ്ച്​ ഉത്തരവിട്ടത്​.

Also Read:കേരളത്തിന്‍റെ ചെമ്പ് തെളിയിച്ച അനുപമയുടെ സമരം

സേലം അമ്മാപേട്ട രമേഷ്​- സത്യ ദമ്പതികളാണ്​ ഒൻപത്​ വർഷം മുൻപ്​ ശിവകുമാർ - ശരണ്യ ദമ്പതികളിൽനിന്ന്​ നിയമാനുസൃതം മൂന്നര മാസം പ്രായമുള്ളപ്പോൾ കുഞ്ഞിനെ ദത്തെടുത്തത്​. സത്യയുടെ സഹോദരനാണ്​ ശിവകുമാർ. രണ്ട്​ വർഷം മുൻപ്​ രമേഷ്​ അർബുദം ബാധിച്ച്​ മരണപ്പെട്ടിരുന്നു. ഇൗ നിലയിലാണ്​ ശരണ്യ ത​െൻറ മകളെ വിട്ടുകിട്ടണമെന്നാവശ്യപ്പെട്ട്​ അമ്മാപേട്ട പൊലീസിൽ പരാതി നൽകിയത്​.

Also Read:'നടന്നത് കുട്ടിക്കടത്ത്'; ഷിജു ഖാനെതിരെ നടപടിയെടുക്കാതെ സമരം അവസാനിപ്പിക്കില്ലെന്ന് അനുപമ

പിന്നീട്​ സത്യയും ശരണ്യയും വെവ്വേറെ മദ്രാസ്​ ഹൈകോടതിയിൽ ഹരജി സമർപിച്ചു. ആരുടെ കൂടെ പോകാനാണ്​ താൽപര്യമെന്ന്​ കോടതി ആരാഞ്ഞപ്പോൾ ഇരുവരും വേണമെന്നായിരുന്നു കുട്ടിയുടെ മറുപടി. തുടർന്നാണ്​ ബാലികയെ വളർത്തമ്മയോടൊപ്പം വളര​െട്ടയെന്ന്​ കോടതി ഉത്തരവിട്ടത്​.

Also Read:കുഞ്ഞിനെ അനുപമക്ക്​ കൈമാറുന്നത്​ കോടതി തീരുമാനപ്രകാരമായിരിക്കുമെന്ന്​ ആരോഗ്യമന്ത്രി

ആഴ്​ചയിലൊരിക്കൽ ബാലികയെ കാണാൻ പെറ്റമ്മയായ ശരണ്യക്ക്​ കോടതി അനുമതിയും നൽകി.