വിം​ബ്ൾ​ഡ​ൺ: ദ്യോ​കോവി​ച്-അൽകാരസ് ഫൈനൽ

ല​ണ്ട​ൻ: ച​രി​ത്ര​ത്തി​ലേ​ക്ക് റാ​ക്ക​റ്റ് പാ​യി​ച്ച് സെ​ർ​ബി​യ​യു​ടെ സൂ​പ്പ​ർ താ​രം നൊ​വാ​ക് ദ്യോ​കോ​വി​ച്ചും സ്പാനിഷ് കൗമാരക്കാരൻ കാർലോസ് അൽകാരസും വിം​ബ്ൾ​ഡ​ൺ ടെ​ന്നി​സ് പു​രു​ഷ വി​ഭാ​ഗം ഫൈ​ന​ലി​ൽ. ഇ​റ്റ​ലി​യു​ടെ ജാ​നി​ക് സി​ന്ന​റെ 6-3, 6-4, 7-6 എ​ന്ന സ്കോ​റി​ന് മ​റി​ക​ട​ന്ന 36കാ​ര​നാ​യ ദ്യോ​​കോ 35ാം ​ഗ്രാ​ൻ​ഡ്സ്ലാം ക​ലാ​ശ​ക്ക​ളി​ക്ക് അ​ർ​ഹ​ത നേ​ടി​. ഇ​താ​ദ്യമാ​യാ​ണ് ഒ​രു പു​രു​ഷ താ​രം 35 ഫൈ​ന​ലു​ക​ൾ ക​ളി​ക്കു​ന്ന​ത്. ഈ ​വ​ർ​ഷം ഫ്ര​ഞ്ച്, ആ​സ്ട്രേ​ലി​യ​ൻ ഓ​പ​ൺ നേടിയിട്ടുണ്ട്.

രണ്ടാമത്തെ മത്സരത്തിൽ 20കാരനായ അൽകാരസ് മൂന്നാം സീഡായ റഷ്യൻ താരം ഡാ​നി​ൽ മെ​ദ്‍വ​ദേ​വിനെ നേരിട്ടുള്ള സെറ്റുകളിൽ വീഴ്ത്തി. ആദ്യമായി വിംബ്ൾഡൺ ഫൈനൽ കളിച്ച ലോക ഒന്നാം നമ്പർ താരം കരുത്തോടെ കളിച്ച് തുടർച്ചയായ സെറ്റുകളിലാണ് കളി ജയിച്ചത്. സ്കോർ 6-3 6-3 6-3. 24ാം ഗ്രാ​ൻ​ഡ്സ്ലാം കി​രീ​ട​മെ​ന്ന അ​പൂ​ർ​വ നേ​ട്ട​വും ദ്യോ​കോ​വി​ച്ചി​നെ കാ​ത്തി​രി​ക്കു​ന്നു. വിം​ബ്ൾ​ഡ​ണി​ൽ ഈ ​താ​ര​ത്തി​ന്റെ ഒ​മ്പ​താം ഫൈ​ന​ലാ​ണ്. 2018നു ​ശേ​ഷം സെൻറ​ർ കോ​ർ​ട്ടി​ൽ ദ്യോ​കോ​യു​ടെ തു​ട​ർ​ച്ച​യാ​യ 34ാം വി​ജ​യ​മാ​ണ്. ഇ​ന്ന് വ​നി​ത സിം​ഗ്ൾ​സ് ഫൈ​ന​ലി​ൽ ​​ചെ​ക്ക് റി​പ്പ​ബ്ലി​ക്കി​ന്റെ മാ​ർ​കേ​റ്റ വോ​ണ്ട്രു​സോ​വ​യും തു​നീ​ഷ്യ​യു​ടെ ഒ​ൻ​സ് ജാ​ബി​യ​റും ഏ​റ്റു​മു​ട്ടും.