​ഫ്ര​ഞ്ച്​ ഒാ​പ​ൺ: സെറീന വന്നു; കീഴടക്കി 

പാ​രി​സ്​: അമ്മയായി കോർട്ടിൽ മടങ്ങിയെത്തിയ സെറീന വില്യംസിന്​ ഫ്രഞ്ച്​ ഒാപണിൽ വിജയത്തോടെ തുടക്കം. 453ാം റാങ്കുകാരിയായി ഇറങ്ങിയ മുൻ ചാമ്പ്യൻ ആദ്യ റൗണ്ടിൽ ക്രി​സ്​​റ്റീ​ന പ്ലി​സ്​​കോ​വ​യെ നേ​രി​ട്ടു​ള്ള സെ​റ്റി​നാ​ണ്​ വീ​ഴ്​​ത്തി​യ​ത്. സ്​​കോ​ർ: 7-6, 6-4. ​ 2017 ആ​സ്​​ട്രേ​ലി​യ​ൻ ഒാ​പ​ൺ കി​രീ​ട​മ​ണി​ഞ്ഞ്​ കോ​ർ​ട്ടു​വി​ട്ട സെ​റീ​ന​യു​ടെ ആ​ദ്യ ​ഗ്രാ​ൻ​ഡ്​​സ്ലാം പോ​രാ​ട്ടം കൂ​ടി​യാ​യി​രു​ന്നു ഇ​ത്. 

മറ്റു മത്സരങ്ങളിൽ റ​ഫേ​ൽ ന​ദാ​ലും മ​രി​യ ഷ​റ​പോ​വ​യും ഗർബിൻ മുഗുരുസയും ര​ണ്ടാം റൗ​ണ്ടി​ൽ കടന്നു. തി​ങ്ക​ളാ​ഴ്​​ച മ​ഴ​മൂ​ലം ത​ട​സ്സ​പ്പെ​ട്ട ന​ദാ​ലി​​െൻറ മ​ത്സ​രം ചൊ​വ്വാ​ഴ്​​ച പു​ന​രാ​രം​ഭി​ച്ച​പ്പോ​ൾ നേ​രി​ട്ടു​ള്ള മൂ​ന്നു സെ​റ്റി​നാ​ണ്​ ഒ​ന്നാം ന​മ്പ​റു​കാ​ര​നാ​യ ന​ദാ​ൽ ഇ​റ്റ​ലി​യു​ടെ സി​മോ​ണെ ബൊ​ലെ​ല്ലി​യെ വീ​ഴ്​​ത്തി​യ​ത്. സ്​​കോ​ർ 6-4, 6-3, 7-6. മൂ​ന്നാം സെ​റ്റി​ൽ ന​ദാ​ൽ 0-3ന്​​ ​പി​ന്നി​ൽ നി​ൽ​ക്കെ​യാ​ണ്​ മ​ഴ വി​ല്ല​നാ​യ​ത്. ​ചൊ​വ്വാ​ഴ്​​ച പു​ന​രാ​രം​ഭി​ച്ച​പ്പോ​ൾ നാ​ല്​ ​േബ്ര​ക്​​പോ​യ​ൻ​റു​മാ​യി ചാ​മ്പ്യ​ൻ തി​രി​ച്ചെ​ത്തി.

വ​നി​ത സിം​ഗ്​​ൾ​സി​ൽ 28ാം സീ​ഡാ​യ ഷ​റ​പോ​വ ക്രെ​ാ​യേ​ഷ്യ​യു​ടെ ഡൊ​ണ വെ​കി​ചി​നെ​തി​രെ വി​യ​ർ​ത്തു​ക​ളി​ച്ചാ​ണ്​ ജ​യി​ച്ച​ത്. സ്​​കോ​ർ 6-1, 4-6, 6-3. 2015ന്​ ​ശേ​ഷം ​ഇ​വ​രു​ടെ ആ​ദ്യ ഫ്ര​ഞ്ച്​ ഒാ​പ​ൺ മ​ത്സ​ര​മാ​ണി​ത്. മൂ​ന്നാം സീ​ഡാ​യ ഗ​ർ​ബി​ൻ മു​ഗു​ര​സ കു​സ്​​നെ​റ്റ്​​സോ​വ​യെ 7-6, 6-2 സ്​​കോ​റി​നാ​ണ്​ തോ​ൽ​പി​ച്ച​ത്. മ​രി​ൻ സി​ലി​ച്, ജോ​ൺ ഇ​സ്​​ന​ർ, ഡെ​നി​സ്​ ഷാ​പ​ലോ​വ്​ എ​ന്നി​വ​ർ ര​ണ്ടാം റൗ​ണ്ടി​ൽ ക​ട​ന്നു. ഇ​ന്ത്യ​ൻ താ​രം യൂ​കി ഭാം​ബ്രി ഒ​ന്നാം റൗ​ണ്ടി​ൽ പു​റ​ത്താ​യി.