ഗെയിൽ സമരവും ഇടത് വിശകലനവും

കെ.സി. അൻവർ
07:54 AM
12/11/2017
gail-strike
ഫോട്ടോ: അഭിജിത്ത്

മു​ൻ മ​ന്ത്രി​കൂ​ടി​യാ​യ എ​ള​മ​രം ക​രീം ‘ഭീ​ക​ര​ത ത​ന്നെ’ എ​ന്ന ശീ​ർ​ഷ​ക​ത്തി​ൽ മാ​ധ്യ​മ​ത്തി​ൽ എ​ഴു​തി​യ കു​റി​പ്പ്​ (2017 ന​വം​ബ​ർ 8) ഗെ​യി​ൽ വി​ഷ​യ​ത്തി​ൽ അ​സ​ത്യ​ങ്ങ​ൾ പ്ര​ച​രി​പ്പി​ക്കു​ന്ന​തും ജ​ന​കീ​യ സ​മ​ര​ത്തോ​ട് അ​രി​ശം തീ​ർ​ക്കു​ന്ന​തു​മാ​ണ്. ഗെ​യി​ൽ പൈപ്പ്​ ലൈൻ ജ​ന​വാ​സ മേ​ഖ​ല​ക​ളി​ലൂ​ടെ ക​ട​ന്നു​പോ​കു​ന്ന​തി​നെ​തി​രെ മൂ​ന്ന്​ സ​െൻറി​ലും അ​ഞ്ച്​ സ​െൻറി​ലും ജീ​വി​ക്കു​ന്ന ഗ്രാ​മീ​ണ ജ​ന​ത ന​ട​ത്തി​യ ജ​ന​കീ​യ ചെ​റു​ത്തു​നി​ൽ​പി​നെ തീ​വ്ര​വാ​ദ മു​ദ്ര ചാ​ർ​ത്തി നി​ഷ്ക്രി​യ​മാ​ക്കാ​ൻ സാ​ധ്യ​മ​ല്ല. ജ​ന​കീ​യ സ​മ​ര​ത്തി​നെ​തി​രെ പൊ​ലീ​സ്​ ന​ട​പ​ടി​ക​ളു​ണ്ടാ​യ​പ്പോ​ൾ കാ​സ​ർ​കോ​ട്ടു നി​ന്നു വ​ന്ന ര​ണ്ടു​പേ​രെ പൊ​ലീ​സ്​ പി​ടി​ച്ചു എ​ന്ന ലേ​ഖക​​െൻറ പ്രസ്​താവന ശു​ദ്ധ ക​ള​വാ​ണ്. പൊ​ലീ​സ്​ മ​ർ​ദി​ക്കു​ക​യും അ​റ​സ്​​റ്റ്​ ചെ​യ്യു​ക​യും റി​മാ​ൻ​ഡി​ലാ​ക്കു​ക​യും ചെ​യ്ത​വ​രി​ൽ 14 പേ​ർ സി.​പി.​എം, എ​ട്ടു​പേ​ർ കോ​ൺ​ഗ്ര​സ്, ഒ​മ്പ​തു​പേ​ർ മു​സ്​​ലിം ലീ​ഗ്, മൂ​ന്നു​പേ​ർ എ​സ്.​ഡി.​പി.​ഐ, ഒ​രാ​ൾ വെ​ൽ​െ​ഫ​യ​ർ പാ​ർ​ട്ടി എ​ന്നി​ങ്ങ​നെ​യാ​ണ്. ഇ​തി​നു​പു​റ​മെ പൊ​ലീ​സ്​​ അ​റ​സ്​​റ്റ്​​ചെ​യ്ത് റി​മാ​ൻ​ഡ്​ ചെ​യ്യാ​തെ പു​റ​ത്തു​വി​ട്ട 12 സി.​പി.​എം പ്ര​വ​ർ​ത്ത​ക​ർ അ​ട​ക്ക​മു​ള്ള 47 സ​മ​ര സ​മി​തി പ്ര​വ​ർ​ത്ത​ക​രി​ൽ ഒ​രാ​ളും വ​ട​ക്ക​ൻ ജി​ല്ല​ക​ളി​ൽ​നി​ന്ന് വ​ന്ന​വ​ര​ല്ല. സ​മ​ര​ത്തെ പു​റ​ത്തു​നി​ന്നു​ള്ള തീ​വ്ര​വാ​ദി നു​ഴ​ഞ്ഞു​ക​യ​റ്റ​മാ​യി വ്യാ​ഖ്യാ​നി​ച്ച് ബോ​ധ​പൂ​ർ​വം ത​ക​ർ​ക്കാ​ൻ ശ്ര​മി​ക്കു​ന്ന​ത്  ഏ​ത് വൈ​രു​ധ്യാ​ധി​ഷ്​​ഠി​ത രാ​ഷ്​​ട്രീ​യ​മാ​ണ്?

സി.​പി.​എം എ​റ​ണാ​കു​ളം ജി​ല്ല സെ​ക്ര​ട്ട​റി​യും മു​ൻ എം.​പി​യു​മാ​യ പി. ​രാ​ജീ​വ് ഉ​ദ്​​ഘാ​ട​നം ചെ​യ്ത 2012 ഫെ​ബ്രു​വ​രി 18ന് ​ന​ട​ത്തി​യ സ​മ​ര പ്ര​ഖ്യാ​പ​ന ക​ൺ​വെ​ൻ​ഷ​നി​ലെ ത​ല​വാ​ച​കം ‘‘വാ​ത​ക ബോം​ബി​ൻ മു​ക​ളി​ൽ ജീ​വി​ക്കാ​ൻ ഞ​ങ്ങ​ൾ​ക്കാ​വി​ല്ല’’ എ​ന്നാ​ണ്; ഭൂ​മി​യു​ടെ ന​ഷ്​​ട​പ​രി​ഹാ​ര​മായിരുന്നില്ല ക​ൺ​വെ​ൻ​​ഷ​​െൻറ പ്ര​മേ​യം. ഈ ​ശീ​ർ​ഷ​കം ഏ​ഴാം നൂ​റ്റാ​ണ്ടി​​െൻറ പ്രാ​കൃ​ത​ബോ​ധ​ത്തി​ൽ​നി​ന്നാ​ണോ, അ​ത​ല്ല 19ാം നൂ​റ്റാ​ണ്ടി​ലെ ഒ​ക്ടോ​ബ​ർ വി​പ്ല​വ​ത്തി​ൽ​നി​ന്നാ​ണോ കി​ട്ടി​യ​ത് എ​ന്ന് സ​ഖാ​വ്​ വി​ശ​ദീ​ക​രി​ക്ക​െട്ട. ജ​ന​വാ​സ മേ​ഖ​ല​ക​ളെ പൂ​ർ​ണ​മാ​യി ഒ​ഴി​വാ​ക്കു​ക, ജ​ന​ങ്ങ​ളു​ടെ സു​ര​ക്ഷ ഉ​റ​പ്പു​വ​രു​ത്തു​ക എ​ന്നീ ആ​വ​ശ്യ​ങ്ങ​ൾ ഉ​ന്ന​യി​ച്ച്​ എ​റ​ണാ​കു​ളം മു​ത​ൽ കാ​സ​ർ​കോ​ട്​ വ​രെ ന​ട​ക്കു​ന്ന ജ​ന​കീ​യ സ​മ​ര​ങ്ങ​ളി​ൽ ഇ​ട​തു​പ​ക്ഷ​ത്തു​ള്ള നി​ര​വ​ധി ജി​ല്ല -ഏ​രി​യ ക​മ്മി​റ്റി അം​ഗ​ങ്ങ​ളും ജ​ന പ്ര​തി​നി​ധി​ക​ളു​മ​ട​ക്കം എ​ല്ലാ സാം​സ്​​കാ​രി​ക രാ​ഷ്​​ട്രീ​യ മ​ത​സം​ഘ​ട​ന പ്ര​വ​ർ​ത്ത​ക​രു​മു​ണ്ട്. സി.​പി.​എം ഭ​രി​ക്കു​ന്ന കാ​ര​ശ്ശേ​രി, കാ​വ​ന്നൂ​ർ ഗ്രാ​മ​പ​ഞ്ചാ​യ​ത്തു​ക​ൾ ഗെ​യി​ൽ ജ​ന​വാ​സ മേ​ഖ​ല​ക​ൾ പൂ​ർ​ണ​മാ​യും ഒ​ഴി​വാ​ക്ക​ണ​മെ​ന്ന പ്ര​മേ​യം പാ​സാ​ക്കി​യ​ത് ഏ​ത് വൈ​രു​ധ്യാ​ധി​ഷ്ഠി​ത ഭൗ​തി​ക​വാ​ദ തീ​വ്ര​വാ​ദ മാ​പി​നി ഉ​പ​യോ​ഗി​ച്ചാ​ണ് വി​ല​യി​രു​ത്തേ​ണ്ട​ത്? 

gail-samaram

‘‘ഗെ​യി​ൽ പൈ​പ്പ്​​ലൈ​ൻ എ​റ​ണാ​കു​ളം, തൃ​ശൂ​ർ ജി​ല്ല​ക​ളി​ലെ പ​ല ഭാ​ഗ​ത്തും സ്​​ഥാ​പി​ച്ചു​ക​ഴി​ഞ്ഞു. എ​റ​ണാ​കു​ളം ന​ഗ​ര​ത്തി​ൽ വീ​ടു​ക​ളി​ലേ​ക്ക് വാ​ത​ക​വി​ത​ര​ണം ആ​രം​ഭി​ച്ചു. അ​വി​ടെ​യൊ​ന്നും കാ​ണാ​ത്ത ആ​ശ​ങ്ക ചി​ല​യി​ട​ങ്ങ​ളി​ൽ മാ​ത്രം കാ​ണു​ന്ന​ത് എ​ന്തു​കൊ​ണ്ട് ’’ എ​ന്ന പ്ര​സ്​​തു​ത ലേ​ഖ​ന​ത്തി​ലെ പ​രാ​മ​ർ​ശം വാ​സ്​​ത​വ​വി​രു​ദ്ധ​മാ​ണ്. എ​റ​ണാ​കു​ളം സി​റ്റി ഗ്യാ​സ്​ പ​ദ്ധ​തി ഒ​രു പ്ര​സ​ര​ണ പൈ​പ്പ​ല്ല; വാ​ത​ക​വി​ത​ര​ണ പൈ​പ്പാ​ണ്. അ​തി​​െൻറ ന​ട​ത്തി​പ്പു​കാ​ർ അ​ദാ​നി​യും ഐ.​ഒ.​സി​യു​മാ​ണ്; ഇ​തൊ​രു വി​ത​ര​ണ പൈ​പ്പാ​യ​തു​കൊ​ണ്ട് കു​റ​ഞ്ഞ സ​മ്മ​ർ​ദ​ത്തി​ലാ​ണ് ഗ്യാ​സ്​ ക​ട​ത്തി​വി​ടു​ന്ന​ത്.  ഈ ​പ​ദ്ധ​തി​യിൽ ത​ന്നെ പ​ല കാ​ര​ണ​ങ്ങ​ളാ​ൽ വീ​ടു​ക​ളി​ൽ ക​ണ​ക്​​ഷ​ൻ കൊ​ടു​ക്കാ​ൻ സാ​ധി​ച്ചി​ട്ടി​ല്ല. എ​ന്നാ​ൽ, നി​ർ​ദി​ഷ്​​ട കൊ​ച്ചി -മം​ഗ​ലാ​പു​രം ഗെ​യി​ൽ പ​ദ്ധ​തി വ്യ​വ​സാ​യ ആ​വ​ശ്യ​ത്തി​നു വേ​ണ്ടി ദ്ര​വീ​കൃ​ത പ്ര​കൃ​തി​വാ​ത​കം ക​ട​ത്തി​വി​ടു​ന്ന പ്ര​സ​ര​ണ പൈ ​പ്പാ​ണ്. 24 ഇ​ഞ്ച് വ്യാ​സ​മു​ള്ള പൈ​പ്പി​ലൂ​ടെ ഉ​യ​ർ​ന്ന സ​മ്മ​ർ​ദ​ത്തി​ൽ ക​ട​ത്തി​വി​ടു​ന്ന​തു​കൊ​ണ്ട് ഇ​ത് വീ​ടു​ക​ളി​ൽ ക​ണ​ക്​​ഷ​ൻ കൊ​ടു​ക്കാ​ൻ സാ​ധ്യ​മ​ല്ല എ​ന്നു മാ​ത്ര​മ​ല്ല, ഈ ​പ​ദ്ധ​തി​യു​ടെ ബ്ലൂ​​പ്രി​ൻ​റി​ൽ എ​വി​ടെ​യും ഗ്യാ​സ്​ വി​ത​ര​ണ​ത്തെ​ക്കു​റി​ച്ച് പ​രാ​മ​ർ​ശ​മി​ല്ല. ഈ ​വാ​ത​കം ബ്യൂ​ട്ടെ​യി​ൻ, സ​ൾ​ഫ​ർ തു​ട​ങ്ങി​യ സ്​​ഫോ​ട​നാ​ത്​​മ​ക സ്വ​ഭാ​വ​മു​ള്ള മൂ​ല​ക​ങ്ങ​ൾ അ​ട​ങ്ങി​യ​തി​നാ​ൽ ഇ​ത് ശു​ദ്ധീ​ക​രി​ക്കാ​തെ വീ​ട്ടാ​വ​ശ്യ​ങ്ങ​ൾ​ക്ക് ന​ൽ​കാ​ൻ സാ​ധ്യ​മ​ല്ല. വീ​ടു​ക​ൾ​ക്ക് ഗെ​യി​ൽ ക​ണ​ക്​​ഷ​ൻ ന​ൽ​കു​മെ​ന്ന് പ​റ​യു​ന്ന​ത് 220 കെ.​വി വൈ​ദ്യു​തി ലൈ​നി​ൽ​നി​ന്ന്​  വീ​ടു​ക​ൾ​ക്ക് നേ​രി​ട്ട് ക​ണ​ക്​​ഷ​ൻ ന​ൽ​കു​മെ​ന്ന് പ​റ​യു​ന്ന​തു​പോ​ലു​ള്ള ഭോ​ഷ​ത്ത​ര​വും തെ​റ്റി​ദ്ധ​രി​പ്പി​ക്ക​ലു​മാ​ണ്. 

ഗെ​യി​ൽ പ​ദ്ധ​തി നാ​ട്ടു​കാ​ർ​ക്ക് ഗ്യാ​സ്​ വി​ത​ര​ണം ചെ​യ്യു​ന്ന വി​ക​സ​ന​മാ​ണെ​ങ്കി​ൽ എ​റ​ണാ​കു​ളം മു​ത​ൽ തി​രു​വ​ന​ന്ത​പു​രം വ​രെ​യു​ള്ള ജി​ല്ല​ക​ളി​ലു​ള്ള​വ​ർ​ക്ക് എ​ന്തു​കൊ​ണ്ട് ഈ ​വി​ക​സ​നം നി​ഷേ​ധി​ക്കു​ന്നു?  ഈ ​പ​ദ്ധ​തി ജ​ന​ങ്ങ​ൾ​ക്ക് ഉ​പ​കാ​ര​മു​ള്ള പ​ദ്ധ​തി​യാ​ണെ​ങ്കി​ൽ മ​റ്റു വി​ക​സ​ന പ​ദ്ധ​തി​ക​ൾ​ക്ക് ന​ൽ​കു​ന്ന​തു​പോ​ലെ നി​യ​മ​പ്ര​കാ​രം സു​ര​ക്ഷ​മാ​ന​ദ​ണ്ഡ​ങ്ങ​ൾ അം​ഗീ​ക​രി​ച്ചു​കൊ​ണ്ട് ഭൂ​മി വി​ട്ടു​ന​ൽ​കു​ന്ന​തി​ന് ഒ​രു പ്ര​ദേ​ശ​ത്തു​കാ​ർ​ക്കും പ്ര​ശ്ന​മി​ല്ല. പ​ക്ഷേ, ഗെ​യി​ൽ തീ​രാ​ദു​ര​ന്ത​ങ്ങ​ൾ സ​മ്മാ​നി​ച്ച അനുഭവമുണ്ട്​. 2015 ജൂ​ൺ 27ന് ​ആ​ന്ധ്ര​പ്ര​ദേ​ശി​ലെ ഈ​സ്​​റ്റ്​ ഗോ​ദാ​വ​രി ജി​ല്ല​യി​ലു​ണ്ടാ​യ ഇ​തേ ഗെ​യി​ലി​​െൻറ വാ​ത​ക പൈ​പ്പ്​​ലൈ​ൻ അ​പ​ക​ട​ത്തി​ൽ വെ​ന്തു മ​രി​ച്ച​ത് 22 പേ​രാ​ണ്. കേ​ര​ള​വു​മാ​യി താ​ര​ത​മ്യം ചെ​യ്യു​മ്പോ​ൾ ജ​ന​വാ​സം വ​ള​രെ കു​റ​ഞ്ഞ പ്ര​ദേ​ശ​മാ​ണ് ഈ​സ്​​റ്റ്​ ഗോ​ദാ​വ​രി. ഭോ​പാ​ൽ വാ​ത​ക ചോ​ർ​ച്ച​യെ​ക്കു​റി​ച്ച് പ​ഠ​നം ന​ട​ത്തി​യ നാ​ഗ്പൂ​രി​ലു​ള്ള ദേ​ശീ​യ പ​രി​സ്​​ഥി​തി ഗ​വേ​ഷ​ണ എ​ൻ​ജി​നീ​യ​റി​ങ്​ സ്​​ഥാ​പ​ന​ത്തി​ലെ ശാ​സ്​​ത്ര​ജ്ഞ​രാ​യ ഡോ. ​എ. ഗു​പ്ത, എ​ച്ച്.​എ​ൻ. മ​ധേ​ക്ക​ർ എ​ന്നി​വ​ർ പ​റ​യു​ന്ന​ത് 24 ഇ​ഞ്ച് വ്യാ​സ​മു​ള്ള പൈ​പ്പി​ലൂ​ടെ​യു​ള്ള വാ​ത​ക​പ്ര​സ​ര​ണ പ​ദ്ധ​തി​ക്ക് എ​വി​ടെ​യെ​ങ്കി​ലും അ​പ​ക​ട​മു​ണ്ടാ​യാ​ൽ പൈ​പ്പി​​െൻറ ഓ​രോ വ​ശ​ത്തും 732  മീ​റ്റ​ർ അ​ഗ്​​നി​ഗോ​ളം സൃ​ഷ്​​ടി​ക്ക​പ്പെ​ടു​മെ​ന്നാ​ണ്; അ​തി​നാ​ൽ, പൈ​പ്പി​​െൻറ ഇ​രു​വ​ശ​ത്തും ഗ്യാ​സ്​ ര​ശ്മി സു​ര​ക്ഷി​ത മേ​ഖ​ല ചു​രു​ങ്ങി​യ​ത് ഒ​ന്ന​ര കി​ലോ​മീ​റ്റ​റാ​ണ്. കേ​ര​ള​ത്തി​ൽ എ​വി​ടെ​യും ഈ ​മാ​ന​ദ​ണ്ഡം പാ​ലി​ച്ചി​ട്ടി​ല്ല. 

എ​റ​ണാ​കു​ള​ത്തെ പു​തു​വൈ​പ്പി​ലെ ഐ.​ഒ.​സി പ്ലാ​ൻ​റി​നെ​തി​രെ ന​ട​ക്കു​ന്ന ജ​ന​കീ​യ സ​മ​ര​ത്തി​നും ക​ർ​ണാ​ട​ക​യി​ൽ ജ​ന​വി​രു​ദ്ധ ഗ്യാ​സ്​ പൈ​പ്പ്​​ലൈ​നി​നെ​തി​രെ ന​ട​ക്കു​ന്ന സ​മ​ര​ങ്ങ​ളി​ലും സി.​പി.​എം ന​വ​സാ​മൂ​ഹി​ക, രാ​ഷ്​​ട്രീ​യ പാ​ർ​ട്ടി​യാ​യ വെ​ൽ​ഫെ​യ​ർ പാ​ർ​ട്ടി അ​ട​ക്ക​മു​ള്ള​വ​രു​മാ​യി ഒ​രു​മി​ച്ചാ​ണ്. കൊ​ടി​യ​ത്തൂ​ർ, മു​ക്കം, കാ​ര​ശ്ശേ​രി പ​ഞ്ചാ​യ​ത്ത് തെരഞ്ഞെടുപ്പിൽ​ വെ​ൽ​ഫെ​യ​ർ പാ​ർ​ട്ടി​യു​മാ​യി പ്രാ​ദേ​ശി​ക ധാ​ര​ണ​യു​ണ്ടാ​ക്കി വി​ജ​യി​ച്ച​ ശേ​ഷം ഇ​ന്ന് ത​ങ്ങ​ൾ​ക്കി​ഷ്​​ട​മി​ല്ലാ​ത്ത ജ​ന​കീ​യ സ​മ​ര​ത്തി​ൽ പ​ങ്കെ​ടു​ത്ത​തി​​െൻറ പേ​രി​ൽ തീ​വ്ര​വാ​ദ ആ​രോ​പ​ണം ന​ട​ത്തു​ന്ന​ത് രാ​ഷ്​​ട്രീ​യ പാ​പ്പ​ര​ത്ത​മാ​ണ്.

എ​ള​മ​രം ക​രീം എ​ഴു​തി: ‘‘വി​ചി​ത്ര​മാ​യ സ​മ​ര​മു​റ​ക​ളും ഇ​ക്കൂ​ട്ട​ർ പ്ര​ദ​ർ​ശി​പ്പി​ച്ചു. എ​ര​ഞ്ഞി​മാ​വി​ൽ പ​ദ്ധ​തി​ക്കാ​യി അ​ട​യാ​ള​പ്പെ​ടു​ത്തി​യ ഭൂ​മി​യി​ൽ ജു​മു​അ ന​മ​സ്​​കാ​രം ന​ട​ത്ത​ലാ​യി​രു​ന്നു അ​ത്. ലോ​ക​ത്തി​​െൻറ പ​ല ഭാ​ഗ​ത്തു​മു​ള്ള തീ​വ്ര​വാ​ദ സം​ഘ​ട​ന​ക​ളു​ടെ​യും പൊ​തു​സ്വ​ഭാ​വ​മാ​ണി​ത്.’’ കേ​ര​ള​ത്തി​ലെ കാ​മ്പ​സു​ക​ളി​ൽ ഇ​ടി​മു​റി​ക​ൾ സൃ​ഷ്​​ടി​ക്കു​ന്ന​വ​രും കു​ട്ടി​ക​ളു​ടെ മു​ന്നി​ൽ ​െവ​ച്ചു​പോ​ലും അ​ധ്യാ​പ​ക​നെ നി​ഷ്​​ഠു​ര​മാ​യി വെ​ട്ടി​ക്കൊ​ന്ന​വ​രും കേ​സ്​ വ​ഴി​തി​രി​ച്ചു​വി​ടാ​ൻ മ​ത​ചി​ഹ്ന​ങ്ങ​ളു​പ​യോ​ഗി​ച്ച​വ​രും നി​സ്സാ​ര ആ​വ​ശ്യ​ങ്ങ​ൾ​ക്കു പോ​ലും സ​മ​രാ​ഭാ​സ​ത്തി​​െൻറ പേ​രി​ൽ നി​ര​വ​ധി സ​ർ​ക്കാ​ർ വാ​ഹ​ന​ങ്ങ​ൾ ത​ക​ർ​ക്കു​ന്ന​വ​രു​മാ​ണ് ഇ​പ്പോ​ൾ സ​മാ​ധാ​ന സ​മ​ര​ത്തി​​െൻറ മാ​ലാ​ഖ​മാ​രാ​യി അ​വ​ത​രി​ക്കു​ന്ന​ത്. ക​സ്​​തൂ​രി​രം​ഗ​ൻ റി​പ്പോ​ർ​ട്ടി​നെ​തി​രെ മ​ത​മേ​ഖ​ല അ​ധ്യ​ക്ഷ​ന്മാ​ര​ട​ക്കം നേ​രി​ട്ട് സ​മ​ര​ത്തി​ന് ആ​ഹ്വാ​നം ചെ​യ്യു​ക​യും തു​ട​ർ​ന്ന് ഗെ​യി​ൽ സ​മ​ര​ത്തെ​ക്കാ​ൾ പ​തി​ന്മ​ട​ങ്ങ് സ​മ​രം അ​ക്ര​മാ​സ​ക്ത​മാ​വു​ക​യും ചെ​യ്ത​പ്പോ​ൾ സി.​പി.​എം സ​മ​ര​ത്തി​െൻറ കൂ​ടെ​യാ​യി​രു​ന്നു. 

Gaild

ഏ​ത് വി​ക​സ​ന പ​ദ്ധ​തി​യും കു​റ​ച്ചു​പേ​ർ​ക്ക് പ്ര​യാ​സ​മു​ണ്ടാ​ക്കും എ​ന്ന ല​ളി​ത വി​ശ​ക​ല​ന രീ​തി പാ​ർ​ട്ടി യോ​ഗ​ത്തി​ൽ ശ​രി​യാ​യി​രി​ക്കും. കേ​ര​ള​ത്തി​ലെ 503 കി​ലോ​മീ​റ്റ​ർ നീ​ള​ത്തി​ലെ ഗെ​യി​ൽ പ​ദ്ധ​തി മേ​ഖ​ല​ക്ക് ചു​റ്റു​മു​ള്ള ഭൂ​മി ക്ര​യ​വി​ക്ര​യം ചെ​യ്യാ​ൻ സാ​ധി​ക്കാ​തെ ആ​യി​ര​ക്ക​ണ​ക്കി​ന് മ​നു​ഷ്യ​ർ തീ ​തി​ന്ന് ക​ഴി​യു​ക​യാ​ണ്; അ​വ​രു​ടെ വി​യ​ർ​പ്പി​െൻറ ഗ​ന്ധ​മു​ള്ള ഭൂ​മി ന​ഷ്​​ട​പ്പെ​ട്ട ദുഃ​ഖ​ത്തി​ലു​മാ​ണ്. ഒ​രു കാ​ര​ണ​വ​ശാ​ലും ജ​ന​വാ​സ മേ​ഖ​ല​ക​ളി​ലൂ​ടെ വാ​ത​ക പൈ​പ്പ്​​ലൈ​ൻ പ​ദ്ധ​തി ക​ട​ന്നു​പോ​കാ​ൻ പാ​ടി​ല്ലെ​ന്ന് 1962ൽ ​പാ​ർ​ല​മ​െൻറ്​ പാ​സാ​ക്കി​യ പി.​എം.​പി ആ​ക്ടി​ലെ നി​യ​മ​സം​ര​ക്ഷ​ണ​മാ​ണ് ഇ​ര​ക​ൾ ആ​വ​ശ്യ​പ്പെ​ടു​ന്ന​ത്. സി.​പി.​എം പ​ങ്കെ​ടു​ക്കാ​ത്ത​തോ താ​ൽ​പ​ര്യ​മി​ല്ലാ​ത്ത​തോ ആ​യ സ​മ​ര​ങ്ങ​ളെ ഭീ​ക​ര​മു​ദ്ര ചാ​ർ​ത്തു​ന്ന സ്​​റ്റാ​നി​ലി​സ്​​റ്റ്​ രീ​തി ജ​നം പു​ച്ഛി​ച്ചു​ത​ള്ളും. സി.​പി.​എം പോ​ളി​റ്റ് ബ്യൂ​റോ​യു​ടെ വൈ​രു​ധ്യാ​ധി​ഷ്ഠി​ത വി​ശ​ക​ല​ന മൂ​ശ​യി​ലി​ട്ട് ചു​െട്ടടുത്ത സ​മാ​ധാ​ന സ​ർ​ട്ടി​ഫി​ക്ക​റ്റ് വാ​ങ്ങി സ​മ​രം തുടങ്ങു​ന്ന കാ​ലം ക​ഴി​ഞ്ഞി​രി​ക്കു​ന്നു.
(എരഞ്ഞിമാവിലെ ജനകീയ സമരസമിതി
 രക്ഷാധികാരിയാണ്​ ലേഖകൻ)

COMMENTS