മുതലപ്പൊഴിയിലെ മണൽ നീക്കം; ഉന്നതസംഘം സ്ഥലം സന്ദർശിച്ചു

ചി​റ​യി​ൻ​കീ​ഴ്: മു​ത​ല​പ്പൊ​ഴി അ​ഴി​മു​ഖ ചാ​ലി​ലെ മ​ണ​ൽ നീ​ക്കം വി​ല​യി​രു​ത്താ​ൻ ഉ​ന്ന​ത​ത​ല സം​ഘം സ്ഥ​ലം സ​ന്ദ​ർ​ശി​ച്ചു. മ​ണ​ൽ നീ​ക്കം മ​ന്ദ​ഗ​തി​യി​ലാ​യ​തോ​ടെ മ​ത്സ്യ​ബ​ന്ധ​നം ഭാ​ഗി​ക​മാ​യി നി​ല​ക്കു​ക​യും അ​പ​ക​ട സാ​ധ്യ​ത വ​ർ​ധി​ക്കു​ക​യും ചെ​യ്തു.

തു​ട​ർ​ന്നാ​ണ് മു​ത​ല​പ്പൊ​ഴി​യി​ൽ ഹാ​ർ​ബ​ർ എ​ൻ​ജി​നീ​യ​റി​ങ് വ​കു​പ്പ് ഉ​ന്ന​ത ഉ​ദ്യോ​ഗ​സ്ഥ​ർ സ​ന്ദ​ർ​ശ​നം ന​ട​ത്തി​യ​ത്. അ​ഴി​മു​ഖ​ത്തെ മ​ണ​ൽ നീ​ക്കം അ​ട​ക്ക​മു​ള്ള കാ​ര്യ​ങ്ങ​ളി​ലെ നി​ല​വി​ലെ പു​രോ​ഗ​തി വി​ല​യി​രു​ത്താ​നാ​ണ് സം​ഘം എ​ത്തി​യ​ത്. ആ​റ് മീ​റ്റ​ർ താ​ഴ്ച വേ​ണ്ടി​ട​ത്ത്​ പ​ല​ഭാ​ഗ​ങ്ങ​ളി​ലും മ​ണ്ണ​ൽ​ത്തി​ട്ട രൂ​പ​പ്പെ​ട്ട് ര​ണ്ട് മീ​റ്റ​റാ​യി ചു​രു​ങ്ങി.

ഒ​രു എ​ക്സ​വേ​റ്റ​ർ ഉ​പ​യോ​ഗി​ച്ചാ​ണ് ഇ​പ്പോ​ൾ മ​ണ​ൽ നീ​ക്കം ന​ട​ന്നു​വ​രു​ന്ന​ത്. അ​ഴി​മു​ഖ ചാ​ലി​ൽ നി​ന്നും മ​ണ​ൽ നീ​ക്കം ചെ​യ്യാ​നാ​യി ബാ​ർ​ജ് ലോ​ഡി​ങ്ങി​ന് മൂ​ന്ന് മ​ണി​ക്കൂ​റോ​ളം സ​മ​യ​മാ​ണ് വേ​ണ്ടി​വ​രു​ന്ന​ത്. ഇ​തി​നാ​ൽ കൂ​ടു​ത​ൽ ബാ​ർ​ജ് എ​ത്തി​ച്ച് സ​മ​യ​ന​ഷ്ടം ഒ​ഴി​വാ​ക്കാ​നാ​ണ് ആ​ദ്യ​ശ്ര​മം.

ഇ​തി​നാ​യി നി​ല​വി​ലു​ള്ള ബാ​ർ​ജ് കൂ​ടാ​തെ ഒ​രെ​ണ്ണം കൂ​ടി എ​ത്തി​ച്ച് മ​ണ​ൽ നീ​ക്കം കാ​ര്യ​ക്ഷ​മ​മാ​ക്കാ​ൻ ഹാ​ർ​ബ​ർ എ​ൻ​ജി​നീ​യ​റി​ങ് വ​കു​പ്പ് ഉ​ദ്യോ​ഗ​സ്ഥ​ർ അ​ദാ​നി ഗ്രൂ​പ് പ്ര​തി​നി​ധി​ക​ൾ​ക്ക് നി​ർ​ദേ​ശം ന​ൽ​കി.

2000 എം ​ക്യൂ​ബ് മ​ണ​ൽ ദി​വ​സ​വും നീ​ക്കം ചെ​യ്യേ​ണ്ട​താ​യി​ട്ടു​ണ്ട്. ഇ​തി​നാ​യി മ​ണ്ണു​മാ​ന്തി​യു​ടെ ബ​ക്ക​റ്റ് സൈ​സ് കൂ​ട്ടാ​നും നീ​ക്കം ചെ​യ്യു​ന്ന മ​ണ​ൽ താ​ഴ​മ്പ​ള്ളി ഭാ​ഗ​ത്ത് തീ​ര​ത്തോ​ട് ചേ​ർ​ത്ത് നി​ക്ഷേ​പി​ക്കു​വാ​നു​മാ​ണ് തീ​രു​മാ​നം.

മ​ണ​ൽ നീ​ക്കം വേ​ഗ​ത്തി​ലാ​ക്കാ​ൻ ട്രെ​ഡ്ജ​ർ എ​ത്തി​ക്ക​ണ​മെ​ന്ന ആ​വ​ശ്യം മ​ത്സ്യ​ത്തൊ​ഴി​ലാ​ളി​ക​ൾ വീ​ണ്ടും മു​ന്നോ​ട്ട് വെ​ച്ചു.

അ​ടു​ത്ത​യാ​ഴ്ച​യോ​ടെ ഉ​ദ്യോ​ഗ​സ്ഥ സം​ഘം വീ​ണ്ടും മു​ത​ല​പ്പൊ​ഴി സ​ന്ദ​ർ​ശി​ച്ച് നി​ല​വി​ൽ എ​ടു​ത്ത തീ​രു​മാ​ന​ങ്ങ​ൾ കാ​ര്യ​ക്ഷ​മ​മാ​ണോ എ​ന്ന​ത് പ​രി​ശോ​ധി​ക്കു​ക​യും, കാ​ര്യ​ക്ഷ​മ​ല്ലെ​ന്ന് ക​ണ്ടാ​ൽ ട്രെ​ഡ്ജ​ർ എ​ത്തി​ക്കാ​നു​ള്ള ന​ട​പ​ടി സ്വീ​ക​രി​ക്കു​മെ​ന്നും ഉ​ദ്യോ​ഗ​സ്ഥ സം​ഘം അ​റി​യി​ച്ചു. ഹാ​ർ​ബ​ർ വ​കു​പ്പ് ചീ​ഫ് എ​ൻ​ജി​നീ​യ​ർ മു​ഹ​മ്മ​ദ് അ​ൻ​സാ​രി, എ​ക്സി​ക്യൂ​ട്ടി​വ് എ​ൻ​ജി​നീ​യ​ർ അ​നി​ൽ​കു​മാ​ർ, സൂ​പ്ര​ണ്ടി​ങ് എ​ൻ​ജി​നീ​യ​ർ കു​ഞ്ഞു​മ​മ്മു പ​റ​വ​ത്ത്, അ​ദാ​നി ഗ്രൂ​പ് എ​ക്സി​ക്യൂ​ട്ടി​വ് ഓ​ഫി​സ​ർ സു​നി​ൽ കു​മാ​ർ, ഹെ​ബി​ൻ, അ​സി.​എ​ൻ​ജി​നീ​യ​ർ​മാ​രാ​യ ആ​ർ.​വി. പ്ര​വീ​ൺ, ഹ​രി​കു​മാ​ർ, മ​ത്സ്യ​ത്തൊ​ഴി​ലാ​ളി സം​ഘ​ട​ന പ്ര​തി​നി​ധി​ക​ളാ​യ വ​ല്ലെ​രി​യ​ൻ ഐ​സ​ക്, ന​ജീ​ബ് തോ​പ്പി​ൽ എ​ന്നി​വ​രു​ൾ​പ്പെ​ട്ട സം​ഘ​മാ​ണ് സ​ന്ദ​ർ​ശ​നം ന​ട​ത്തി​യ​ത്.