രണ്ടുപേരെ ആക്രമിച്ച കടുവ ചത്തനിലയിൽ

കു​ല​ശേ​ഖ​രം: തി​രു​ന​ന്തി​ക്ക​ര കാ​ക്ക​ച്ച​ലി​ന് സ​മീ​പം ര​ണ്ടു​പേ​രെ ആ​ക്ര​മി​ച്ച ക​ടു​വ​യെ തോ​ട്ട​ത്തി​ലെ കു​ഴി​യി​ൽ ച​ത്ത നി​ല​യി​ൽ ക​ണ്ടെ​ത്തി. ഒ​മ്പ​ത് വ​യ​സ്സു​ള്ള​താ​ണ്​ പെ​ൺ ക​ടു​വ. മ​ര​ണ​കാ​ര​ണം മു​ള്ള​ൻ​പ​ന്നി​യു​ടെ മു​ള്ളു​ക​ൾ ക​ഴു​ത്തി​ലും മ​റ്റും ത​റ​ച്ചു​ണ്ടാ​യ പ​രി​ക്കു​മൂ​ല​മാ​ണെ​ന്നാ​ണ് ഫോ​റ​സ്റ്റ് അ​ധി​കൃ​ത​രു​ടെ പ​രി​ശോ​ധ​ന​യി​ലെ പ്രാ​ഥ​മി​ക നി​ഗ​മ​നം. പോ​സ്റ്റ്മോ​ർ​ട്ട​ത്തി​ലേ യ​ഥാ​ർ​ഥ കാ​ര​ണം വ്യ​ക്ത​മാ​കൂ.

ബു​ധ​നാ​ഴ്ച രാ​വി​ലെ ജോ​ലി​ക്ക്​​ ബൈ​ക്കി​ൽ പോ​വു​ക​യാ​യി​രു​ന്ന ജ​യ(28)​നെ​യാ​ണ് ആ​ദ്യം ഇ​ടി​ച്ച് ത​ള്ളി​യി​ട്ട​ത്. തു​ട​ർ​ന്ന് റ​ബ​ർ തോ​ട്ട​ത്തി​ൽ ക​ട​ന്ന ക​ടു​വ ജോ​ലി​യി​ലേ​ർ​പ്പെ​ട്ടി​രു​ന്ന ഭൂ​ത​ലിം​ഗ​ത്തെ(64) ആ​ക്ര​മി​ച്ചു. ര​ണ്ടു​പേ​ർ​ക്കും ഗു​രു​ത​ര​മാ​യി പ​രി​ക്കേ​റ്റു. ഇ​വ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

സം​ഭ​വ​മ​റി​ഞ്ഞെ​ത്തി​യ പൊ​ലീ​സും ഫോ​റ​സ്റ്റ് അ​ധി​കൃ​ത​രും തി​ര​ച്ചി​ൽ ന​ട​ത്തു​ന്ന​തി​നി​ട​യി​ലാ​ണ് തോ​ട്ട​ത്തി​ലെ കു​ഴി​യി​ൽ ക​ടു​വ​യെ അ​വ​ശ​നി​ല​യി​ൽ ക​ണ്ട​ത്. തു​ട​ർ​ന്ന് വേ​ണ്ട മു​ൻ​ക​രു​ത​ലോ​ടെ ക​ടു​വ​യെ പു​റ​ത്തെ​ടു​ത്ത​പ്പോ​ഴാ​ണ് ക​ഴു​ത്തി​ൽ മു​ള്ള​ൻ​പ​ന്നി​യു​ടെ മു​ള്ളു​ക​ൾ ഏ​റ്റ മു​റി​വു​ക​ൾ ക​ണ്ട​ത്. മു​ള്ള​ൻ​പ​ന്നി​യെ പി​ടി​ക്കാ​നു​ള്ള ശ്ര​മ​ത്തി​നി​ട​യി​ൽ മു​ള്ളു​ക​ൾ ത​റ​ച്ച വേ​ദ​ന​യി​ൽ ഓ​ടു​ന്ന​തി​നി​ട​യി​ലാ​യി​രി​ക്കാം ര​ണ്ടു​പേ​രെ​യും ആ​ക്ര​മി​ച്ച​​തെ​ന്നാ​ണ് നി​ഗ​മ​നം.