രാ​ജ്യത്തെ പരമദ​രി​ദ്ര​ർ മു​സ്‍ലിം​ക​ൾ

ന്യൂ​ഡ​ൽ​ഹി: ഇ​ന്ത്യ​യി​ൽ ഏ​റ്റ​വും ദ​രി​ദ്ര​രാ​യ മ​ത​വി​ഭാ​ഗം മു​സ്‍ലിം​ക​ളാ​ണെ​ന്ന് രാ​ജ്യ​ത്തെ ഔ​ദ്യോ​ഗി​ക രേ​ഖ​ക​ൾ. മ​റ്റു പ്ര​ധാ​ന മ​ത​വി​ഭാ​ഗ​ങ്ങ​ളു​മാ​യി താ​ര​ത​മ്യം ചെ​യ്യു​മ്പോ​ൾ ഏ​റ്റ​വും കു​റ​വ് ആ​സ്തി​യും ഉ​പ​ഭോ​ഗ​വും മു​സ്‍ലിം വി​ഭാ​ഗ​ത്തി​ലു​ള്ള​വ​ർ​ക്കാ​​ണെ​ന്നും ഏ​റ്റ​വും പു​തി​യ ക​ണ​ക്കു​ക​ൾ വ്യ​ക്ത​മാ​ക്കു​ന്നു.

ദേ​ശീ​യ സാ​മ്പി​ൾ സ​ർ​വേ​യു​​ടെ ഭാ​ഗ​മാ​യ ആ​ൾ ഇ​ന്ത്യ ഡെ​ബ്റ്റ് ആ​ൻ​ഡ് ഇ​ൻ​വെ​സ്റ്റ്മെ​ന്റ് സ​ർ​വേ (എ.​ഐ.​ഡി.​ഐ.​എ​സ്), പീ​രി​യോ​ഡി​ക് ലേ​ബ​ർ ഫോ​ഴ്സ് സ​ർ​വേ (പി.​എ​ൽ.​എ​ഫ്.​എ​സ്) എ​ന്നി​വ​യു​ടെ പു​തി​യ ക​ണ​ക്കു​ക​ൾ വി​ശ​ക​ല​നം ചെ​യ്ത് പ്ര​മു​ഖ ഇം​ഗ്ലി​ഷ് ദി​ന​പ​ത്ര​മാ​യ ഹി​ന്ദു​സ്ഥാ​ൻ ടൈം​സ് ആ​ണ് ഇ​ക്കാ​ര്യം റി​പ്പോ​ർ​ട്ട് ചെ​യ്ത​ത്.

മു​സ്‍ലിം​ക​ളു​ടെ ഉ​പ​ഭോ​ഗ​ത്തി​ന്റെ​യും ആ​സ്തി​യു​ടെ​യും ശ​രാ​ശ​രി മൂ​ല്യം യ​ഥാ​ക്ര​മം ദേ​ശീ​യ ശ​രാ​ശ​രി​യു​ടെ 87.9 ശ​ത​മാ​ന​വും 79 ശ​ത​മാ​ന​വും മാ​ത്ര​മാ​ണ്. കൂ​ടാ​തെ, ഹി​ന്ദു സ​മു​ദാ​യ​ത്തി​ന്റെ ദേ​ശീ​യ ശ​രാ​ശ​രി​യു​ടെ 87.8 ശ​ത​മാ​ന​വും 79.3 ശ​ത​മാ​ന​വു​മേ ഇ​ത് വ​രു​ന്നു​ള്ളൂ. ഇതോടൊപ്പമുള്ള ചാ​ർ​ട്ടുകളിൽ ഇ​ക്കാ​ര്യം വി​ശ​ദ​മാ​ക്കു​ന്നു.

മേ​ൽ​ത്ത​ട്ട് മു​സ്‍ലിം​ക​ൾ ഹി​ന്ദു ഒ.​ബി.​സി​യേ​ക്കാ​ൾ ദ​രി​ദ്ര​ർ

മു​സ്‍ലിം, ഹി​ന്ദു വി​ഭാ​ഗ​ങ്ങ​ളു​ടെ ശ​രാ​ശ​രി ആ​സ്തി, ആ​ളോ​ഹ​രി മാ​സ ഉ​പ​ഭോ​ഗ ക​ണ​ക്കു​ക​ൾ പ​രി​ഗ​ണി​ക്കു​മ്പോ​ൾ ഇ​ക്കാ​ര്യം വ്യ​ക്ത​മാ​കു​ന്നു. എ​സ്.​സി/​എ​സ്.​ടി/​ഒ.​ബി.​സി വി​ഭാ​ഗ​ത്തി​ൽ പെ​ടാ​ത്ത മു​സ്‍ലിം​ക​ളു​ടെ ശ​രാ​ശ​രി ആ​സ്തി​മൂ​ല്യം ഹി​ന്ദു​ക്ക​ളി​​ലെ ഇ​തേ വി​ഭാ​ഗ​ത്തേ​ക്കാ​ൾ മാ​ത്ര​മ​ല്ല, ഹി​ന്ദു ഒ.​ബി.​സി വി​ഭാ​ഗ​ത്തേ​ക്കാ​ളും കു​റ​വാ​ണ്. മേ​ൽ​ത്ത​ട്ട് മു​സ്‍ലിം​ക​ൾ​ക്ക് ആ​നു​പാ​തി​ക​ത്തേ​ക്കാ​ൾ അ​ധി​കം സാ​മ്പ​ത്തി​ക​ശ​ക്തി​യു​ണ്ടെ​ന്ന പ്ര​ചാ​ര​ണ​ത്തെ ഈ ​ക​ണ​ക്ക് പൊ​ളി​ക്കു​ക​യാ​ണെ​ന്നും റി​പ്പോ​ർ​ട്ട് പ​റ​യു​ന്നു.

​തെ​റ്റാ​യ പ്ര​ചാ​ര​ണ​ങ്ങ​ൾ

മു​സ്‍ലിം സ​മു​ദാ​യ​ത്തി​ന​ക​ത്ത് ഉ​ള്ള​വ​രും ഇ​ല്ലാ​ത്ത​വ​രും ത​മ്മി​ലു​ള്ള വി​ട​വ് ഏ​റെ വ​ലു​താ​ണെ​ന്നപ്രചാരണം ശ​രി​യ​ല്ലെ​ന്നും ക​ണ​ക്കു​ക​ൾ വി​വ​രി​ക്കു​ന്നു. മു​സ്‍ലിം​ക​ളി​ലെ സ​മ്പ​ന്ന​രും ദ​രി​ദ്ര​രും ത​മ്മി​ലു​ള്ള അ​ന്ത​ര​വും ഹി​ന്ദു​ക്ക​ളി​ലെ സ​മ്പ​ന്ന​രും ദ​രി​ദ്ര​രും ത​മ്മി​ലെ അ​ന്ത​ര​വും സ​മ​മാ​ണെ​ന്ന്, ആ​ളോ​ഹ​രി പ്ര​തി​മാ​സ ഉ​പ​ഭോ​ഗ, കു​ടും​ബ ആ​സ്തി പ​ട്ടി​ക​ക​ൾ വി​ശ​ക​ല​നം ചെ​യ്താ​ണ് റി​പ്പോ​ർ​ട്ട് സ​മ​ർ​ഥി​ക്കു​ന്ന​ത്.