ക്ല​സ്റ്റ​​ർ ബോം​ബ് ഞങ്ങൾക്കുമു​ണ്ട് -പു​ടി​ൻ

കി​യ​വ്: റ​ഷ്യ​യു​ടെ പ​ക്ക​ൽ ആ​വ​ശ്യ​ത്തി​നു​ള്ള ക്ല​സ്റ്റ​ർ ബോം​ബു​ക​ൾ കൈ​യി​ലു​ണ്ടെ​ന്ന് പ്ര​സി​ഡ​ന്റ് വ്ലാ​ദി​മി​ർ പു​ടി​ൻ. യു​ക്രെ​യ്ൻ ക്ല​സ്റ്റ​​ർ ബോം​ബ് പ്ര​യോ​ഗി​ക്കു​ന്ന​പ​ക്ഷം തി​രി​ച്ച​ടി​ക്കാ​നു​ള്ള അ​വ​കാ​ശം റ​ഷ്യ​ക്കു​ണ്ടെ​ന്നും പു​ടി​ൻ പ​റ​ഞ്ഞു. റ​ഷ്യ ടി.​വി​ക്ക് ന​ൽ​കി​യ അ​ഭി​മു​ഖ​ത്തി​ലാ​ണ് പു​ടി​ന്റെ പ​രാ​മ​ർ​ശം. യു​ക്രെ​യ്ന് ക്ല​സ്റ്റ​ർ ബോം​ബു​ക​ൾ കൈ​മാ​റി​യ​താ​യി യു.​എ​സ് പ്ര​തി​രോ​ധ വി​ഭാ​ഗ​മാ​യ പെ​ന്റ​ഗ​ൺ വ്യാ​ഴാ​ഴ്ച അ​റി​യി​ച്ചി​രു​ന്നു.

ഈ ​പ​ശ്ചാ​ത്ത​ല​ത്തി​ലാ​ണ് പു​ടി​ന്റെ പ്ര​തി​ക​ര​ണം. യു​​ക്രെ​യ്നു​മാ​യു​ള്ള യു​ദ്ധ​ത്തി​ൽ റ​ഷ്യ ഇ​തു​വ​രെ ക്ല​സ്റ്റ​ർ ബോം​ബ് ഉ​പ​യോ​ഗി​ച്ചി​ട്ടി​ല്ലെ​ന്ന് അ​ദ്ദേ​ഹം അ​വ​കാ​ശ​പ്പെ​ട്ടു. ‘ഇ​തു​വ​രെ ഞ​ങ്ങ​ള​ത് ചെ​യ്തി​ട്ടി​ല്ല, ഞ​ങ്ങ​ള​ത് ഉ​പ​യോ​ഗി​ച്ചി​ട്ടി​ല്ല, അ​തി​ന്റെ ആ​വ​ശ്യം ഉ​ണ്ടാ​യി​ട്ടു​മി​ല്ല’ എ​ന്നാ​ണ് പു​ടി​ൻ അ​ഭി​മു​ഖ​ത്തി​ൽ പ​റ​ഞ്ഞ​ത്. ക്ല​സ്റ്റ​ർ ബോം​ബ് ഇ​തു​വ​രെ ഉ​പ​യോ​ഗി​ച്ചി​​ട്ടി​ല്ലെ​ന്ന് അ​വ​കാ​ശ​പ്പെ​ടു​മ്പോ​ഴും യു​ദ്ധ​ത്തി​ൽ റ​ഷ്യ​യും യു​ക്രെ​യ്നും ഒ​രേ​പോ​ലെ ക്ല​സ്റ്റ​ർ ബോം​ബ് ഉ​പ​യോ​ഗി​ച്ച​താ​യാ​ണ് അ​സോ​സി​യേ​റ്റ​ഡ് പ്ര​സ് അ​ട​ക്ക​മു​ള്ള അ​ന്ത​ർ​ദേ​ശീ​യ മാ​ധ്യ​മ​ങ്ങ​ളും അ​ന്താ​രാ​ഷ്ട്ര മ​നു​ഷ്യാ​വ​കാ​ശ സം​ഘ​ട​ന​ക​ളും പ​റ​യു​ന്ന​ത്.

റ​ഷ്യ​ൻ അ​ധി​​നി​വേ​ശം ആ​രം​ഭി​ച്ച​ശേ​ഷം ഒ​ട്ടേ​റെ ക്ല​സ്റ്റ​ർ വ​ള​യ​ങ്ങ​ൾ യു​ദ്ധ മേ​ഖ​ല​ക​ളി​ൽ​നി​ന്ന് ക​ണ്ടെ​ത്തി​യി​ട്ടു​ണ്ട്. ചെ​റു​ബോം​ബു​ക​ൾ ചേ​ർ​ത്തു​വെ​ച്ച ക്ല​സ്റ്റ​ർ ബോ​ബ്, ആ​കാ​ശ​ത്തു​വെ​ച്ച് തു​റ​ന്ന് പ​ല ബോം​ബു​ക​ളാ​യി വ​ർ​ഷി​ച്ച് ക​ന​ത്ത നാ​ശം വി​ത​റു​ന്ന ആ​യു​ധ​മാ​ണ്. പൊ​ട്ടാ​തെ കി​ട​ക്കു​ന്ന ബോം​ബു​ക​ൾ യു​ദ്ധം അ​വ​സാ​നി​ച്ച് കാ​ല​ങ്ങ​ൾ​ക്കു​ശേ​ഷ​വും അ​പ​ക​ടം വ​രു​ത്തി​വെ​ക്കാ​മെ​ന്ന​തി​നാ​ൽ മ​നു​ഷ്യാ​വ​കാ​ശ സം​ഘ​ട​ന​ക​ളും അ​മേ​രി​ക്ക​യു​ടെ ചി​ല സ​ഖ്യ​ക​ക്ഷി​ക​ളു​മ​ട​ക്കം ഇ​തി​നെ​തി​രെ രം​ഗ​ത്തു​വ​ന്നി​രു​ന്നു. ​

യു​ക്രെ​യ്നി​ലെ ഖേ​ഴ്സ​ണി​ൽ റ​ഷ്യ വ​ർ​ഷി​ച്ച സ്ഫോ​ട​ക​വ​സ്തു ത​ട്ടി എ​ട്ടും പ​ത്തും വ​യ​സ്സു​ള്ള ബാ​ല​ന്മാ​ർ​ക്ക് പ​രി​ക്കേ​റ്റി​രു​ന്നു. ഇ​വി​ടെ 69 ഷെ​ല്ലാ​ക്ര​മ​ണ​ങ്ങ​ളാ​ണ് റ​ഷ്യ ന​ട​ത്തി​യ​തെ​ന്ന് മേ​ഖ​ല ഗ​വ​ർ​ണ​ർ ഒ​ല​ക്സ​ണ്ട​ർ പ്രൊ​കു​ഡി​ൻ പ​റ​ഞ്ഞു. ഖേ​ഴ്സ​ണി​ൽ ശ​നി​യാ​ഴ്ച സ്ഫോ​ട​ക​വ​സ്തു അ​ട​ങ്ങി​യ വ​ള​യം നി​ർ​വീ​ര്യ​മാ​ക്കാ​നു​ള്ള ശ്ര​മ​ത്തി​നി​ടെ 59കാ​ര​ൻ കൊ​ല്ല​പ്പെ​ട്ടി​രു​ന്നു.