വി​ദേ​ശ​യാ​ത്ര​ക്കാ​ർ​ക്ക് കോ​വി​ഡ് നി​യ​ന്ത്ര​ണ​ങ്ങ​ൾ നീ​ക്കി ബ്രി​ട്ട​ൻ

ല​ണ്ട​ൻ: ബ്രി​ട്ട​നി​ൽ അ​ന്താ​രാ​ഷ്ട്ര യാ​ത്ര​ക്കാ​ർ​ക്കാ​യി അ​വ​ശേ​ഷി​ച്ചി​രു​ന്ന കോ​വി​ഡ് നി​യ​ന്ത്ര​ണ​ങ്ങ​ളും എ​ടു​ത്തു​ക​ള​ഞ്ഞു. ബ്രി​ട്ട​നി​ലെ​ത്തു​ന്ന​തി​നു​മു​മ്പ് പാ​സ​ഞ്ച​ർ ലൊ​ക്കേ​റ്റ​ർ ഫോ​റം പൂ​രി​പ്പി​ക്കു​ക, വാ​ക്സി​നെ​ടു​ക്കാ​ത്ത​വ​ർ​ക്ക് യാ​ത്ര പു​റ​പ്പെ​ടും​മു​മ്പു​ള്ള കോ​വി​ഡ് പ​രി​ശോ​ധ​ന എ​ന്നി​വ​യാ​ണ് നീ​ക്കി​യ​ത്.

ഇ​തോ​ടെ ആ​ളു​ക​ൾ​ക്ക് സു​ഗ​മ​മാ​യി നി​യ​ന്ത്ര​ണ​ങ്ങ​ളൊ​ന്നു​മി​ല്ലാ​തെ യാ​ത്ര​ചെ​യ്യാ​മെ​ന്ന് ബ്രി​ട്ടീ​ഷ് വ്യോ​മ​യാ​ന മ​ന്ത്രി റോ​ബ​ർ​ട്ട് കോ​ർ​ട്സ് പ​റ​ഞ്ഞു. അ​തേ​സ​മ​യം, വി​ദേ​ശ​രാ​ജ്യ​ങ്ങ​ളി​ൽ നി​ന്നെ​ത്തു​ന്ന​വ​ർ​ക്കാ​യു​ള്ള ഹോ​ട്ട​ൽ ക്വാ​റ​ന്റീ​നും മാ​ർ​ച്ച് അ​വ​സാ​ന​ത്തോ​ടെ എ​ടു​ത്തു​ക​ള​യു​മെ​ന്ന് ​അ​ധി​കൃ​ത​ർ പ​റ​ഞ്ഞു. ഇ​തു​വ​രെ വാ​ക്സി​നെ​ടു​ത്ത​വ​രെ മാ​ത്ര​മാ​യി​രു​ന്നു പി.​സി.​ആ​ർ പ​രി​ശോ​ധ​ന​ക​ളി​ൽ​നി​ന്ന് ഒ​ഴി​വാ​ക്കി​യി​രു​ന്ന​ത്.

അ​ല്ലാ​ത്ത​വ​ർ​ക്ക് യാ​ത്ര പു​റ​പ്പെ​ടും മു​മ്പും ബ്രി​ട്ട​നി​ലെ​ത്തി ര​ണ്ടു ദി​വ​സ​ത്തി​നു​ശേ​ഷ​വും കോ​വി​ഡ് പ​രി​ശോ​ധ​ന നി​ർ​ബ​ന്ധ​മാ​യി​രു​ന്നു. കോ​വി​ഡ് കേ​സു​ക​ൾ റി​പ്പോ​ർ​ട്ട് ചെ​യ്യു​ന്നു​ണ്ടെ​ങ്കി​ലും ഉ​യ​ർ​ന്ന​തോ​തി​ൽ വാ​ക്സി​നേ​ഷ​ൻ നി​ര​ക്കു​ള്ള​തി​നാ​ൽ പ്ര​തി​രോ​ധി​ക്കാ​നാ​വു​മെ​ന്ന ക​ണ​ക്കു​കൂ​ട്ട​ലി​ലാ​ണ് ബ്രി​ട്ടീ​ഷ് സ​ർ​ക്കാ​ർ.