കിം ജോങ് ഉൻ-പുടിൻ കൂടിക്കാഴ്ചക്ക് മുമ്പ് മിസൈൽ വിക്ഷേപിച്ച് ഉത്തരകൊറിയ

സിയോൾ: ഉത്തരകൊറിയ വീണ്ടും ബാലിസ്റ്റിക് മിസൈൽ പരീക്ഷണം നടത്തിയെന്ന് ദക്ഷിണകൊറിയ. കിഴക്കൻ കടലിലേക്കാണ് ഉത്തരകൊറിയ മിസൈൽ തൊടുത്തതെന്നും ദക്ഷിണകൊറിയ അറിയിച്ചു. ഉത്തരകൊറിയൻ ഏകാധിപതി കിം ജോങ് ഉന്നും റഷ്യൻ പ്രസിഡന്റ് വ്ലാഡമിർ പുടിനും തമ്മിൽ കൂടിക്കാഴ്ച നടത്താനിരിക്കെയാണ് മിസൈൽ പരീക്ഷണം.

മിസൈൽ എത്ര ദൂരം സഞ്ചരിച്ചുവെന്ന് ഇപ്പോൾ പറയാനാവില്ലെന്ന് ദക്ഷിണകൊറിയൻ സംയുക്ത സൈനിക മേധാവി അറിയിച്ചു. ജപ്പാന്റെ പ്രദേശത്തേക്ക് മിസൈൽ എത്തിയോ എന്നതിൽ പരിശോധന തുടരുകയാണെന്ന് ജപ്പാൻ പ്രതിരോധ മന്ത്രാലയം അറിയിച്ചു. മിസൈലിനായി കോസ്റ്റ് ഗാർഡ് തിരച്ചിൽ ആരംഭിച്ചിട്ടുണ്ട്.

റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​നു​മാ​യി ച​ർ​ച്ച ന​ട​ത്തു​ന്ന​തി​ന് ഉ​ത്ത​ര​കൊ​റി​യ​ൻ ഭ​ര​ണാ​ധി​കാ​രി കിം ​ജോ​ങ് ഉ​ൻ കഴിഞ്ഞ ദിവസം റ​ഷ്യ​യി​ൽ എ​ത്തിയിരുന്നു. ഇതിന് പിന്നാലെ യു​ക്രെ​യ്നെ​തി​രാ​യ യു​ദ്ധ​ത്തി​ൽ ഉ​പ​യോ​ഗി​ക്കു​ന്ന​തി​ന് ഉ​ത്ത​ര​കൊ​റി​യ ആ​യു​ധ​ങ്ങ​ൾ വി​ൽ​ക്ക​ണ​മെ​ന്നാ​ണ് റ​ഷ്യ ആ​വ​ശ്യ​പ്പെ​ടു​ന്ന​തെ​ന്ന് അ​മേ​രി​ക്ക അ​ഭി​പ്രാ​യ​പ്പെ​ട്ടിരുന്നു. അ​തേ​സ​മ​യം, പ്ര​ത്യു​പ​കാ​ര​മാ​യി ഭ​ക്ഷ്യ​സ​ഹാ​യ​വും ത​ങ്ങ​ളു​ടെ ആ​ണ​വ, മി​സൈ​ൽ പ​ദ്ധ​തി​ക്കാ​വ​ശ്യ​മാ​യ സാ​​ങ്കേ​തി​ക വി​ദ്യ​യു​മാ​ണ് ഉ​ത്ത​ര കൊ​റി​യ ആ​വ​ശ്യ​പ്പെ​ടു​ന്ന​തെ​ന്ന് നി​രീ​ക്ഷ​ക​ർ വി​ല​യി​രു​ത്തു​ന്നു.

റ​ഷ്യ​യു​ടെ കി​ഴ​ക്ക​ൻ മേ​ഖ​ല​യാ​യ വ്ലാ​ദി​വോസ്റ്റോ​ക്കി​ലാ​ണ് വ്ലാ​ദി​മി​ർ പു​ടി​നു​ള്ള​ത്. ഉ​ത്ത​ര കൊ​റി​യ​ൻ അ​തി​ർ​ത്തി​യി​ൽ​നി​ന്ന് ഏ​ക​ദേ​ശം 200 കി​ലോ​മീ​റ്റ​ർ അ​ക​ലെ​യാ​ണ് ഇ​ത്. അ​തേ​സ​മ​യം, എ​വി​ടെ​യാ​ണ് കൂ​ടി​ക്കാ​ഴ്ച ന​ട​ക്കു​ക​യെ​ന്ന കാ​ര്യ​ത്തി​ൽ ഇ​തു​വ​രെ വ്യ​ക്ത​ത വ​ന്നി​ട്ടി​ല്ല. കി​ഴ​ക്ക​ൻ മേ​ഖ​ല​യി​ലു​ള്ള വൊ​സ്റ്റോ​ച്ച്നി ബ​ഹി​രാ​കാ​ശ കേ​ന്ദ്ര​ത്തി​ൽ വെ​ച്ചാ​യി​രി​ക്കും കൂടിക്കാഴ്ചയെന്ന് റിപ്പോർട്ടുണ്ട്.