വെസ്​റ്റ്​ബാങ്കിൽ ഫലസ്​തീൻ യുവാവ്​ കൊല്ലപ്പെട്ടു

ജറൂസലം: അധിനിവേശ വെസ്​റ്റ്​ബാങ്കിൽ ഇസ്രായേലി വെടി​െവപ്പിൽ ഫലസ്​തീൻ യുവാവ്​ കൊല്ലപ്പെട്ടു. ശാദി ഉമർ ലുത്​ഫി (41) സലീമാണ്​ ഫലസ്​തീനി ഗ്രാമമായ ബീതയിൽ വെച്ച്​ കൊല്ലപ്പെട്ടതെന്ന്​ ഫലസ്​തീൻ അധികൃതർ അറിയിച്ചു.

ചൊവ്വാഴ്​ച രാത്രിയിൽ ഈ ഭാഗത്ത്​ ഇസ്രായേലിനെതിരെ പ്രതിഷേധങ്ങൾ ഉണ്ടായിട്ടില്ലെന്നും ജോലികഴിഞ്ഞെത്തിയ സലീമിനുനേരെ പ്രകോപനമില്ലാതെ സൈന്യം വെടിവെക്കുകയായിരുന്നെന്ന്​ ബീത ഡെപ്യൂട്ടി മേയർ മുസ്സ ഹമായേൽ പറഞ്ഞു. ബീതയിലെ ഇസ്രായേലി​െൻറ അനധികൃത കുടിയേറ്റത്തിനെതിരെ കഴിഞ്ഞ മാർച്ച്​ മുതൽ പ്രതിഷേധം നടക്കുകയാണ്​.