ഇ​സ്രാ​യേ​ൽ അ​ധി​നി​വേ​ശം: ഐ.​സി.​ജെ വാ​ദം കേ​ൾ​ക്ക​ൽ തു​ട​ങ്ങി

യു​നൈ​റ്റ​ഡ് നേ​ഷ​ൻ​സ്: ഗ​സ്സ​യി​ലെ​യും വെ​സ്റ്റ് ബാ​ങ്കി​ലെ​യും കി​ഴ​ക്ക​ൻ ജ​റൂ​സ​ല​മി​ലെ​യും ഇ​സ്രാ​യേ​ൽ അ​ധി​നി​വേ​ശ​ത്തി​ന്റെ നി​യ​മ​പ​ര​മാ​യ പ്ര​ത്യാ​ഘാ​ത​വു​മാ​യി അ​ന്താ​രാ​ഷ്ട്ര നീ​തി​ന്യാ​യ കോ​ട​തി വാ​ദം കേ​ട്ടു​തു​ട​ങ്ങി.

തി​ങ്ക​ളാ​ഴ്ച ഫ​ല​സ്തീ​നി​ന്റെ വാ​ദം കേ​ട്ടു. ഇ​സ്രാ​യേ​ൽ അ​ധി​നി​വേ​ശം അ​ടി​യ​ന്ത​ര​മാ​യി അ​വ​സാ​നി​പ്പി​ക്ക​ണ​മെ​ന്ന് ഫ​ല​സ്തീ​ൻ വി​ദേ​ശ​കാ​ര്യ മ​ന്ത്രി റി​യാ​ദ് മാ​ലി​കി ആ​ദ്യ സ​ബ്മി​ഷ​നി​ൽ ആ​വ​ശ്യ​പ്പെ​ട്ടു. ‘ഫ​ല​സ്തീ​ൻ ജ​ന​ങ്ങ​ളി​ല്ലാ​ത്ത മ​ണ്ണാ​യി​രു​ന്നി​ല്ല. അ​വി​ടെ രാ​ജ്യ​വും ജീ​വി​ത​ങ്ങ​ളും ഉ​ണ്ടാ​യി​രു​ന്നു.

ഐ​ക്യ​രാ​ഷ്ട്ര സ​ഭ​യെ​യും അ​ന്താ​രാ​ഷ്ട്ര നി​യ​മ​ങ്ങ​ളെ​യും വെ​ല്ലു​വി​ളി​ച്ച് ഇ​സ്രാ​യേ​ൽ അ​ന്യാ​യ​മാ​യി ത​ങ്ങ​ളു​ടെ ഭൂ​മി​യി​ൽ അ​ധി​നി​വേ​ശം ന​ട​ത്തു​ക​യാ​ണ്’ -അ​ദ്ദേ​ഹം കൂ​ട്ടി​ച്ചേ​ർ​ത്തു. ചൊ​വ്വാ​ഴ്ച ദ​ക്ഷി​ണാ​ഫ്രി​ക്ക, അ​ൾ​ജീ​രി​യ, സൗ​ദി, നെ​ത​ർ​ല​ൻ​ഡ്സ്, ബം​ഗ്ലാ​ദേ​ശ്, ബെ​ൽ​ജി​യം, ബെ​ലി​സ്, ബൊ​ളീ​വി​യ, ബ്ര​സീ​ൽ, കാ​ന​ഡ, ചി​ലി എ​ന്നി​വ​യു​ടെ വാ​ദം കേ​ൾ​ക്കും. ഫെ​ബ്രു​വ​രി 26 വ​രെ 52 രാ​ജ്യ​ങ്ങ​ളു​ടെ വാ​ദം കേ​ൾ​ക്കും. 1945ൽ ​ഐ​ക്യ​രാ​ഷ്ട്ര സ​ഭ​യു​ടെ കീ​ഴി​ൽ അ​ന്താ​രാ​ഷ്ട്ര നീ​തി​ന്യാ​യ കോ​ട​തി സ്ഥാ​പി​ച്ച​ശേ​ഷം ഒ​രു കേ​സി​ൽ ഇ​ത്ര​യേ​റെ രാ​ജ്യ​ങ്ങ​ൾ പ​ങ്കു​ചേ​രു​ന്ന​ത് ആ​ദ്യ​മാ​യാ​ണ്. ഗ​സ്സ​യി​ൽ ഇ​സ്രാ​യേ​ൽ വം​ശ​ഹ​ത്യ ന​ട​ത്തു​ക​യാ​ണെ​ന്ന് ആ​രോ​പി​ച്ച് നേ​ര​ത്തേ ദ​ക്ഷി​ണാ​ഫ്രി​ക്ക ന​ൽ​കി​യ പ​രാ​തി​യു​മാ​യി ഇ​ൗ കേസിന് ബ​ന്ധ​മി​ല്ല.

നീതിയില്ലാതെ സമാധാനമുണ്ടാകില്ല -ഫലസ്തീൻ പ്രതിനിധി

യുനൈറ്റഡ് നേഷൻസ്: നീ​തി​യി​ല്ലാ​തെ സ​മാ​ധാ​ന​മു​ണ്ടാ​കി​ല്ലെ​ന്നും നി​യ​മ​വി​രു​ദ്ധ​മാ​യ പെ​രു​മാ​റ്റ​ത്തി​ന്റെ അ​ന​ന്ത​ര​ഫ​ല​ങ്ങ​ൾ ഇ​സ്രാ​യേ​ൽ അ​നു​ഭ​വി​ക്ക​ണ​മെ​ന്നും യു.​എ​ന്നി​ലെ ഫ​ല​സ്തീ​ൻ അം​ബാ​സ​ഡ​ർ റി​യാ​ദ് അ​ൽ മ​ൻ​സൂ​ർ പ​റ​ഞ്ഞു. അ​ന്താ​രാ​ഷ്ട്ര നീ​തി​ന്യാ​യ കോ​ട​തി​യി​ൽ ഇ​സ്രാ​യേ​ൽ അ​ധി​നി​വേ​ശ​വു​മാ​യി ബ​ന്ധ​പ്പെ​ട്ട കേ​സി​ൽ ഫ​ല​സ്തീ​നി​ന്റെ വാ​ദം അ​വ​ത​രി​പ്പി​ക്കു​ക​യാ​യി​രു​ന്നു അ​ദ്ദേ​ഹം.

‘നീ​തി തേ​ടി​യു​ള്ള ഞ​ങ്ങ​ളു​ടെ യാ​ത്ര, അ​ന്താ​രാ​ഷ്ട്ര നീ​തി​ന്യാ​യ കോ​ട​തി​യു​ടെ മു​മ്പി​ൽ ഞ​ങ്ങ​ളെ എ​ത്തി​ച്ചി​രി​ക്കു​ന്നു. ഇ​ന്ന് ഫ​ല​സ്തീ​നി​യാ​യി​രി​ക്കു​ക എ​ന്ന​ത് വേ​ദ​നാ​ജ​ന​ക​മാ​ണ്. ന​ഷ്‌​ട​ങ്ങ​ൾ​ക്കും അ​നീ​തി​ക​ൾ​ക്കും നി​യ​മ​ലം​ഘ​ന​ത്തി​നും അ​പ​മാ​ന​ത്തി​നും പ​രി​ധി​യി​ല്ല. സ്വ​ന്തം മ​ണ്ണി​ൽ സ്വാ​ത​ന്ത്ര്യ​ത്തി​ലും അ​ന്ത​സ്സോ​ടെ​യും ജീ​വി​ക്കാ​നു​ള്ള അ​വ​കാ​ശ​മാ​ണ് ഫ​ല​സ്തീ​നി​ക​ൾ ആ​വ​ശ്യ​പ്പെ​ടു​ന്ന​ത്. നി​യ​മം വ്യ​ക്ത​മാ​ണെ​ങ്കി​ലും അ​ത് അ​ട്ടി​മ​റി​ക്ക​പ്പെ​ടു​ക​യാ​ണ്. ഉ​ത്ത​ര​വാ​ദി​ത്ത​മി​ല്ലാ​തെ, നീ​തി​യി​ല്ല; നീ​തി കൂ​ടാ​തെ സ​മാ​ധാ​ന​മു​ണ്ടാ​കി​ല്ല. നി​യ​മ​വി​രു​ദ്ധ​മാ​യ പെ​രു​മാ​റ്റ​ത്തി​ന്റെ അ​ന​ന്ത​ര​ഫ​ല​ങ്ങ​ൾ ഇ​സ്രാ​യേ​ൽ അ​നു​ഭ​വി​ക്ക​ണം. അ​ക്ര​മാ​സ​ക്ത​മാ​യ നാ​ടു​ക​ട​ത്ത​ൽ, സ്വ​ന്തം ഭൂ​മി​യി​ൽ​നി​ന്നു​ള്ള പ​ലാ​യ​നം, അ​വ​കാ​ശ​ങ്ങ​ളും നി​ല​നി​ൽ​പും നി​ഷേ​ധി​ക്ക​ൽ എ​ന്നി​വ വീ​ണ്ടും വീ​ണ്ടും സം​ഭ​വി​ക്കു​ന്നു. ഗ​സ്സ​യി​ലെ കു​ട്ടി​ക​ളു​ടെ ജീ​വ​നെ​യോ അ​വ​യ​വ​ങ്ങ​ളെ​യോ പ്ര​തീ​ക്ഷ​ക​ളെ​യോ ഭ​വ​ന​ങ്ങ​ളെ​യോ സം​ര​ക്ഷി​ക്കാ​ൻ അ​ന്താ​രാ​ഷ്ട്ര നി​യ​മ​ങ്ങ​ൾ​ക്ക് ഒ​ന്നും ചെ​യ്യാ​നാ​കു​ന്നി​ല്ല. ഇ​സ്രാ​യേ​ൽ നേ​താ​ക്ക​ൾ നി​യ​മ​ത്തെ ധി​ക്ക​രി​ക്കു​ന്നു.

ഫ​ല​സ്തീ​ൻ കു​ട്ടി​ക​ളി​ലും സ്ത്രീ​ക​ളി​ലും പു​രു​ഷ​ന്മാ​രി​ലും രോ​ഗം, നി​രാ​ശ, പ​രി​ക്ക്, മ​ര​ണം എ​ന്നി​വ കാ​ട്ടു​തീ​പോ​ലെ പ​ട​രു​ക​യാ​ണ്. ഫ​ല​സ്തീ​ൻ പ്ര​ദേ​ശ​ത്ത് ഇ​സ്രാ​യേ​ൽ സാ​ന്നി​ധ്യം നി​യ​മ​വി​രു​ദ്ധ​മാ​ണ്. നി​രു​പാ​ധി​ക​മാ​യും അ​ധി​നി​വേ​ശം അ​വ​സാ​നി​പ്പി​ക്ക​ണ​മെ​ന്നു​മാ​ണ് ആ​വ​ശ്യം. അ​ധി​നി​വേ​ശ​ത്തി​ന് സൈ​നി​ക​മാ​യോ സാ​​ങ്കേ​തി​ക​മാ​യോ സ​ഹാ​യം ന​ൽ​ക​രു​തെ​ന്നും ഫ​ല​സ്തീ​നി​ക​ളെ സ​ഹാ​യി​ക്ക​ണ​മെ​ന്നും ഇ​സ്രാ​യേ​ലു​മാ​യി ബ​ന്ധം വി​ച്ഛേ​ദി​ക്ക​ണ​മെ​ന്നും ലോ​ക​രാ​ജ്യ​ങ്ങ​ളോ​ടും അ​ന്താ​രാ​ഷ്ട്ര സ​മൂ​ഹ​ത്തോ​ടും ആ​വ​ശ്യ​പ്പെ​ടു​ക​യാ​ണ്’’ ​-വികാര നിർഭരനായി അദ്ദേഹം പറഞ്ഞു.