ഹൂതി ഭീഷണിയിൽ ഗതിമാറി യു.എസ് ഇടപെടലും ഗസ്സയും

സ​ൻ​ആ: ഇ​സ്രാ​യേ​ലി​ൽ​നി​ന്നോ അ​വി​ടേ​ക്കോ പോ​കു​ന്ന വാ​ണി​ജ്യ ക​പ്പ​ലു​ക​ൾ വെ​ടി​വെ​ച്ചി​ടു​മെ​ന്ന ഹൂ​തി ഭീ​ഷ​ണി​ക്ക് പി​ന്നാ​ലെ 10 രാ​ജ്യ​ങ്ങ​ള​ട​ങ്ങി​യ സൈ​നി​ക സ​ഖ്യ​ത്തെ പ്ര​ഖ്യാ​പി​ച്ച യു.​എ​സ് നീ​ക്കം മേ​ഖ​ല​യി​ൽ സം​ഘ​ർ​ഷ​ത്തി​ന് പു​തി​യ മാ​നം ന​ൽ​കു​മെ​ന്ന് സൂ​ച​ന. പ്ര​മു​ഖ യൂ​റോ​പ്യ​ൻ ശ​ക്തി​ക​ളെ​യെ​ല്ലാം കൂ​ട്ടി​യാ​ണ് അ​മേ​രി​ക്ക​ൻ നേ​തൃ​ത്വ​ത്തി​ൽ ചെ​ങ്ക​ട​ലി​ലും ഏ​ദ​ൻ ക​ട​ലി​ലും ച​ര​ക്കു ക​പ്പ​ലു​ക​ൾ​ക്ക് സു​ര​ക്ഷ​യെ​ന്ന പേ​രി​ൽ കഴിഞ്ഞ ദിവസം പു​തി​യ സൈ​നി​ക കൂ​ട്ടാ​യ്മ പ്ര​ഖ്യാ​പി​ച്ച​ത്.

ഏ​ഷ്യ​യെ​യും യൂ​റോ​പി​നെ​യും ക​പ്പ​ൽ മാ​ർ​ഗം ബ​ന്ധി​പ്പി​ക്കു​ന്ന സൂ​യ​സ് ക​നാ​ൽ ചെ​ന്നു​തൊ​ടു​ന്ന ചെ​ങ്ക​ട​ലി​ന്റെ തെ​ക്കേ അ​റ്റം യെ​മ​ൻ ക​ട​ന്നാ​ണ് പോ​കു​ന്ന​ത്. ഇ​വി​ടെ ബാ​ബ​ൽ മ​ൻ​ദ​ബ് പൂ​ർ​ണ​മാ​യി ഹൂ​തി നി​യ​ന്ത്ര​ണ​ത്തി​ലാ​ണ്. ഇ​തു​വ​ഴി ക​ട​ന്നു​പോ​കു​ന്ന ഇ​സ്രാ​യേ​ൽ ക​പ്പ​ലു​ക​ൾ ആ​ക്ര​മി​ക്കു​മെ​ന്നാ​ണ് ഹൂ​തി മു​ന്ന​റി​യി​പ്പ്. ന​വം​ബ​ർ ആ​ദ്യ​ത്തി​ൽ ഗാ​ല​ക്സി ലീ​ഡ​ർ എ​ന്ന ക​പ്പ​ൽ റാ​ഞ്ചി​യ ഹൂ​തി​ക​ൾ ഏ​റ്റ​വു​മൊ​ടു​വി​ൽ നോ​ർ​വേ ക​പ്പ​ലി​നു ​നേ​രെ​യും മി​സൈ​ൽ തൊ​ടു​ത്തു. നി​ര​വ​ധി ക​പ്പ​ലു​ക​ൾ​ക്കു​നേ​രെ ഡ്രോ​ൺ ആ​ക്ര​മ​ണം ഇ​പ്പോ​ഴും റി​പ്പോ​ർ​ട്ട് ചെ​യ്യ​പ്പെ​ടു​ന്നു​ണ്ട്.

ക​ട​ൽ വ​ഴി​യു​ള്ള ച​ര​ക്കു​ക​ട​ത്തി​ന്റെ 12 ശ​ത​മാ​ന​ത്തി​ലേ​റെ​യും നി​ല​വി​ൽ ചെ​ങ്ക​ട​ൽ ക​ട​ന്നാ​യ​തി​നാ​ൽ ഇ​ത് ക​ടു​ത്ത ആ​ശ​ങ്ക​യാ​ണ് ഉ​യ​ർ​ത്തു​ന്ന​ത്. എം.​എ​സ്.​സി, മീ​ർ​സെ​ക്, സി.​എം.​എ സി.​ജി.​എം, ഹാ​പാ​ഗ് ലോ​യ്ഡ് തു​ട​ങ്ങി​യ പ്ര​മു​ഖ ക​മ്പ​നി​ക​ൾ ഇ​തു​വ​ഴി ച​ര​ക്കു​ക​ട​ത്ത് നി​ർ​ത്തി​വെ​ച്ചി​ട്ടു​ണ്ട്. എ​ണ്ണ പ്ര​മു​ഖ​നാ​യ ബ്രി​ട്ടീ​ഷ് പെ​​ട്രോ​ളി​യ​വും സ​ർ​വി​സ് വ​ഴി​മാ​റ്റി. ഡി​സം​ബ​റി​ൽ മാ​ത്രം ഇ​തു​വ​ഴി ഇ​ന്ധ​ന​ക​ട​ത്ത് 50 ശ​ത​മാ​ന​ത്തി​ലേ​റെ കു​റ​വു വ​ന്ന​താ​യി റി​പ്പോ​ർ​ട്ടു​ക​ൾ പ​റ​യു​ന്നു. ചെ​ങ്ക​ട​ൽ​തീ​ര​ത്തെ ആ​ക്ര​മ​ണ​സാ​ധ്യ​ത ക​ണ​ക്കി​ലെ​ടു​ത്ത് ക​പ്പ​ലു​ക​ൾ ആ​ഫ്രി​ക്ക ചു​റ്റി​യാ​ണ് സ​ഞ്ച​രി​ക്കു​ന്ന​ത്. ഇ​ത് എ​ണ്ണ​വി​ല വ​ർ​ധ​ന​ക്കും ഇ​ട​യാ​ക്കി​യ​തോ​ടെ​യാ​ണ് ഹൂ​തി ഭീ​ഷ​ണി ക​ട​ക്കാ​നെ​ന്ന പേ​രി​ൽ പു​തി​യ സൈ​നി​ക സ​ഖ്യം വ​രു​ന്ന​ത്. എ​ന്നാ​ൽ, ഗ​സ്സ​യി​ൽ വം​ശ​ഹ​ത്യ അ​വ​സാ​നി​പ്പി​ക്കും​വ​രെ ആ​ക്ര​മ​ണം അ​വ​സാ​നി​പ്പി​ക്കി​ല്ലെ​ന്ന് ഹൂ​തി​ക​ൾ പ​റ​യു​ന്നു.

ഗ​സ്സ​യി​ലെ ഇ​സ്രാ​യേ​ൽ വം​ശ​ഹ​ത്യ​ക്കെ​തി​രെ ലോ​കം മു​ഴു​ക്കെ പ്ര​തി​ഷേ​ധം അ​ല​യ​ടി​ക്കു​മ്പോ​ഴും ഉ​റ​ച്ച പി​ന്തു​ണ​യു​മാ​യി യു.​എ​സ് കൂ​ടെ​യു​ള്ള​താ​ണ് നെ​ത​ന്യാ​ഹു​വി​ന് ക​രു​ത്തു പ​ക​രു​ന്ന​ത്. മ​ര​ണം 20,000 ക​ട​ന്നി​ട്ടും ആ​ക്ര​മ​ണം അ​വ​സാ​നി​പ്പി​ക്കു​ന്ന ഏ​ത് അ​ന്താ​രാ​ഷ്ട്ര നീ​ക്ക​വും ചെ​റു​ത്തു​തോ​ൽ​പി​ക്കു​ന്ന​താ​ണ് ബൈ​ഡ​ൻ ഭ​ര​ണ​കൂ​ട നി​ല​പാ​ട്. യു.​എ​ന്നി​ലു​ൾ​പ്പെ​ടെ അ​ത് തു​ട​രു​ന്നു. ഇ​തി​നു പി​ന്നാ​ലെ​യാ​ണ് ഹൂ​തി​ക​ൾ​ക്കെ​​തി​രെ​യെ​ന്ന പേ​രി​ൽ പു​തി​യ സൈ​നി​ക സ​ഖ്യ​ത്തി​ന് രൂ​പം ന​ൽ​കു​ന്ന​ത്.

അ​തേ സ​മ​യം, ച​ര​ക്കു ക​ട​ത്ത് സം​ര​ക്ഷ​ണ​മെ​ന്ന പേ​രി​ൽ യെ​മ​നി​ൽ യു.​എ​സ് നേ​തൃ​ത്വ​ത്തി​ൽ സൈ​നി​ക നീ​ക്ക​മു​ണ്ടാ​കു​മോ​യെ​ന്ന് നാ​ട്ടു​കാ​ർ ആ​ശ​ങ്ക​പ്പെ​ടു​ന്നു​ണ്ട്. ത​ക​ർ​ന്നു​ത​രി​പ്പ​ണ​മാ​യി കി​ട​ക്കു​ന്ന രാ​ജ്യ​ത്ത് ജ​ന​ജീ​വി​തം ഇ​ത് കൂ​ടു​ത​ൽ ദു​സ്സ​ഹ​മാ​ക്കു​മെ​ന്നു​റ​പ്പ്.