റെസ്സയെയും മുറാടോവിനെയും അഭിനന്ദിച്ച്​ ദലൈലാമ

ബെയ്​ജിങ്​: സമാധാന നൊബേൽ പങ്കിട്ട മാധ്യമപ്രവർത്തകരായ മരിയ റെസ്സയെയും ദിമിത്രി മുറാടോവിനെയും ദലൈലാമ അഭിനന്ദിച്ചു. അതീവ വെല്ലുവിളി നിറഞ്ഞ സാഹചര്യത്തിൽ സ്വന്തം രാജ്യങ്ങളിലെ ഭരണകൂടങ്ങളുടെ കൊള്ളരുതായ്​മകളോട്​ പൊരുതിയാണ്​ ഇരുവരും ലോകത്തി​െൻറ അംഗീകാരം നേടിയത്​.

ഈ വർഷത്തെ സമാധാന നൊബേൽ ആവിഷ്​കാര സ്വാതന്ത്ര്യത്തിനു വേണ്ടി നിലകൊണ്ട ഫിലിപ്പീൻസിലെയും റഷ്യയിലെയും രണ്ട്​ മാധ്യമപ്രവർത്തകർക്ക്​ നൽകിയതിൽ അതിയായ സന്തോഷമുണ്ടെന്ന്​ ദലൈലാമ പറഞ്ഞു. മാധ്യമലോകത്തി​െൻറ പ്രതിനിധികളായ ഇരുവർക്കും പുരസ്​കാരം നൽകിയ​തിലൂടെ നൊബേൽ കമ്മിറ്റിയും ആദരിക്കപ്പെട്ടു.

മനുഷ്യത്വവും സാമൂഹിക-മത സൗഹാർദം വളർത്തുന്നതിൽ മാധ്യമപ്രവർത്തകർ വലിയ പങ്കാണ്​ നിർവഹിക്കുന്നതെന്നും ഇരുവരുടെയും ധീരതയിൽ അഭിമാനിക്കുന്നുവെന്നും ദലൈലാമ കൂട്ടിച്ചേർത്തു.

1989ൽ ദലൈലാമക്കും സമാധാന നൊബേൽ ലഭിച്ചിരുന്നു.