മനുഷ്യക്കുരുതി അവസാനിപ്പിക്കണമെന്ന്​ മ്യാൻമറിനോട്​ ആസിയാൻ നേതാക്കൾ

ജകാർത്ത: മ്യാൻമറിൽ പട്ടാള ഭരണകൂടം തുടരുന്ന മനുഷ്യക്കുരുതി അവസാനിപ്പിക്കണമെന്ന്​ ആസിയാൻ രാജ്യങ്ങളുടെ തലവന്മാർ ആവശ്യപ്പെട്ടു. തെക്കുകിഴക്കൻ ഏഷ്യൻ രാജ്യങ്ങളുടെ യോഗത്തിൽ മ്യാൻമർ പട്ടാള മേധാവി പ​െങ്കടുത്തിരുന്നു.

അട്ടിമറിക്കുശേഷം പട്ടാള മേധാവി രാജ്യത്തിനുപുറത്ത്​ പ​െങ്കടുക്കുന്ന ആദ്യ യോഗമായിരുന്നു ജകാർത്തയിൽ നടന്നത്​.മ്യാൻമറിലെ കൊലകൾ അവസാനിപ്പിക്കണമെന്നും രാഷ്​ട്രീയ തടവുകാരെ മോചിപ്പിക്കണമെന്നും ആസിയാൻ രാഷ്​ട്ര തലവന്മാർ ആവശ്യപ്പെട്ടതായി ഇന്തോനേഷ്യൻ പ്രസിഡൻറ്​ ജോക്കോ വിഡോഡോ അറിയിച്ചു.

അക്രമം അവസാനിപ്പിക്കണം, മ്യാൻമറിലെ ജനാധിപത്യം, സ്ഥിരത, സമാധാനം എന്നിവ ഉടൻ തിരികെ നൽകണമെന്നും വിഡോഡോ യോഗത്തിൽ പറഞ്ഞു.