അംഗോളയിലെ ഫുട്​ബാൾ സ്​റ്റേഡിയത്തിലെ തിക്കിലും തിരക്കിലും 17 മരണം

ലുവാൻഡ: അംഗോളയിലെ ഫുട്​ബാൾ സ്​റ്റേഡിയത്തിലുണ്ടായ തിക്കിലും തിരിക്കലും 17 മരണം. നിരവധി പേർക്ക്​ പരിക്കേറ്റു. അംഗോളയിലെ വടക്ക്​–പടിഞ്ഞാറൻ നഗരമായ യൂജിലാണ്​ സംഭവം.

വെള്ളിയാഴ്​ച രാത്രി ഫുട്​ബോൾ മൽസരം കാണുന്നതിനായി എത്തിയവരാണ്​ അപകടത്തിനിരയായത്​. മൽസരത്തി​​െൻറ ടിക്കറ്റ്​ ലഭിക്കാതിരുന്നവർ കൂട്ടത്തോടെ സ്​റ്റേഡിയത്തിലേക്ക്​ ഇരച്ച്​ കയറിയതാണ്​ ദുരന്തത്തിന്​ കാരണമെന്നാണ്​ പ്രാഥമിക നിഗമനം.