അ​ടി​മ​പ്പ​ന്തി​ക​ള്‍ ക​ഥപ​റ​യു​മ്പോ​ള്‍

​അ​റ​ബി സാ​ഹി​ത്യ​ത്തി​നു​ള്ള അ​ന്താ​രാ​ഷ്‌​ട്ര പു​ര​സ്കാ​ര​ത്തി​ന് ഷോ​ര്‍ട്ട് ലി​സ്റ്റ് ചെ​യ്യ​പ്പെ​ട്ട  ആ​ദ്യ ലി​ബി​യ​ന്‍ വ​നി​ത​യാ​യ ന​ജ്‍വാ ​ബിൻ ശത് വാ​ന്‍ എ​ഴു​തി​യ ‘The Slave Yards’ വാ​യി​ക്കു​ന്നു. പ്ര​ണ​യ​ക​ഥ​യു​ടെ ച​ട്ട​ക്കൂ​ടു​പ​യോ​ഗി​ച്ച്, ച​രി​ത്രം മൗ​ന​ത്തി​ല്‍ കു​ഴി​ച്ചു​മൂ​ടി​യ ട്രാ​ന്‍സ് സ​ഹാ​റ​ന്‍  അ​ടി​മ​ത്ത​വ്യ​വ​സ്ഥ​യു​ടെ നി​കൃ​ഷ്ട​ത പ​രി​ശോ​ധി​ക്കു​ന്ന കൃ​തി​യാ​ണി​തെ​ന്ന്​ ലേ​ഖ​ക​ൻ.

ഇ​ബ്രാ​ഹിം അ​ല്‍ കൂ​നി, അഹ്മദ് ഇബ്രാഹീം അൽ ഫഖീഹ്, ഖാ​ലി​ദ് മ​ത​വ്വ, ഹി​ഷാം മ​താ​ര്‍, മുഹമ്മദ് മിസ്റതി തു​ട​ങ്ങി​യ ത​ല​യെ​ടു​പ്പു​ള്ള എ​ഴു​ത്തു​കാ​രാ​ല്‍ സ​മ്പ​ന്ന​മെ​ങ്കി​ലും, വ​നി​താ എ​ഴു​ത്തു​കാ​രി​ക​ളു​ടെ പേ​ര് ലി​ബി​യ​ന്‍ സാ​ഹി​ത്യ​ത്തി​ല്‍ ഇ​പ്പോ​ഴും അ​പൂ​ർ​വ​ത​യാ​ണ്. ലി​ബി​യ​യി​ൽ​നി​ന്ന് അ​ന്താ​രാ​ഷ്‌​ട്ര ശ്ര​ദ്ധ നേ​ടി​യെ​ടു​ത്ത എ​ഴു​ത്തു​കാ​രി​യും അ​ക്കാ​ദ​മി​ക്കു​മാ​ണ് നജ്‍വ ​ബി​ൻശത് വാ​ന്‍. ദേ​ശ​ത്തെ അ​ടി​മ​ക്ക​ച്ച​വ​ട​ത്തി​ന്‍റെ ഇ​രു​ണ്ട ച​രി​ത്ര​മു​റ​ങ്ങു​ന്ന ബെ​ന്‍ഗാ​സി​യി​ല്‍നി​ന്ന് 150 കി.​മീ. മാ​ത്രം അ​ക​ലെ വ​ട​ക്ക് കി​ഴ​ക്ക​ന്‍ മേ​ഖ​ല​യി​ലു​ള്ള അ​ജ്ദാ​ബി​യ പ​ട്ട​ണ​ത്തി​ലാ​ണ്​ അ​വ​രു​​ടെ ജ​ന​നം.

ഖ​ദ്ദാ​ഫി അ​ന​ന്ത​ര​കാ​ല​ത്തു നി​ല​യു​റ​പ്പി​ച്ച ജെ​ൻ​ഡ​ര്‍ ബോ​ധ്യ​നി​ല​പാ​ടു​ള്ള (Gendered point of view) വ​നി​താ എ​ഴു​ത്തു​കാ​ര്‍ സ​ങ്കീ​ർ​ണ സ്ത്രീ​പാ​ത്ര​സൃ​ഷ്ടി​ക​ളി​ലൂ​ടെ ജെ​ൻ​ഡ​ര്‍ സ​മ​ത്വ​ത്തി​ന്‍റെ ആ​ശ​യ​ങ്ങ​ള്‍ മു​ന്നോ​ട്ടു​വെ​ക്കു​ന്നു. സ്ത്രീ​വീ​ക്ഷ​ണ​ത്തി​ല്‍, പോ​യ നൂ​റ്റാ​ണ്ടി​ന്‍റെ ച​രി​ത്ര​ത്തെ പു​ന​രാ​വി​ഷ്ക​രി​ക്കു​ന്ന​തി​ലും സ്ത്രീ​യെ സം​ബ​ന്ധി​ക്കു​ന്ന ക​ര്‍തൃ​ത്വ​ര​ഹി​ത വ​സ്തു​ക്ക​ള്‍ (women as inactive objects) എ​ന്ന പ​ര​മ്പ​രാ​ഗ​ത സ​മീ​പ​ന​ത്തെ പൊ​ളി​ച്ചെ​ഴു​തു​ന്ന​തി​ലും ഈ ​എ​ഴു​ത്തു​കാ​രി​ക​ള്‍ മു​മ്പി​ല്ലാ​ത്ത​വി​ധം ശ്ര​ദ്ധാ​ലു​ക്ക​ളാ​ണ്. അ​തി​നാ​യി, അ​മേ​രി​ക്ക​ന്‍ നോ​വ​ലി​സ്റ്റ് മേ​ഡ് ലി​ന്‍ മി​ല്ല​റെ പോ​ലെ, നാ​ടോ​ടി​ക്ക​ഥ​ക​ളും ഗ്രീ​ക് പു​രാ​ണ​വും വി​ശു​ദ്ധ ഗ്ര​ന്ഥ​ങ്ങ​ളും സ്ത്രീ​ക​ഥാ​പാ​ത്ര​ങ്ങ​ളു​ടെ വീ​ക്ഷ​ണ​ത്തി​ല്‍ പു​ന​രാ​വി​ഷ്ക​രി​ക്കു​ന്ന ശൈ​ലി എ​ഴു​ത്തു​കാ​രി​ക​ള്‍ അ​വ​ലം​ബി​ക്കു​ന്നു.

ലി​ബി​യ​ന്‍ ച​രി​ത്ര​ത്തി​ല്‍ ഒ​രു നി​കൃ​ഷ്ട നി​ഴ​ല്‍ മൂ​ടി​ക്കി​ട​പ്പു​ണ്ടെ​ന്നും അ​ത് ലി​ബി​യ​ന്‍ സ്വാ​ത​ന്ത്ര്യ പ്ര​ഖ്യാ​പ​ന​ത്തി​നും, ഇ​റ്റാ​ലി​യ​ന്‍ അ​ധി​നി​വേ​ശ​ത്തി​നും ഏ​റെ മു​മ്പേ, ഒട്ടോ​മ​ന്‍ ആ​ധി​പ​ത്യ​ത്തി​ന്‍റെ നൂ​റ്റാ​ണ്ടു​ക​ളി​ല്‍, രാ​ജ്യം അ​ടി​മ​ക്ക​ച്ച​വ​ട​ത്തി​ന്‍റെ താ​വ​ള​മാ​യി​രു​ന്നു എ​ന്ന​താ​ണെ​ന്നും നി​രീ​ക്ഷി​ക്ക​പ്പെ​ട്ടി​ട്ടു​ണ്ട്. ത​ങ്ങ​ളു​ടെ വീ​ടു​ക​ളി​ല്‍ വേ​ല​ക്കു​ നി​ന്ന ക​റു​ത്ത വ​ർ​ഗ​ക്കാ​രി​ക​ളെ​യോ തി​രി​ച്ച​റി​യാ​വു​ന്ന​വി​ധം ത​ങ്ങ​ളു​ടേ​തു ത​ന്നെ​യാ​യ കു​ടും​ബ​പ്പേ​രു​ക​ള്‍ വ​ഹി​ക്കു​ന്ന വി​ദൂ​ര​സ്ഥ ആ​ഫ്രി​ക്ക​ന്‍ ദേ​ശ​ങ്ങ​ളി​ലെ അ​ക​ന്ന ബ​ന്ധു​ക്ക​ളെ​യോ കു​റി​ച്ച് കു​ടും​ബ​ങ്ങ​ളി​ലെ മു​തി​ര്‍ന്ന​വ​ര്‍ പ​റ​യു​ന്ന ക​ഥ​ക​ള്‍ ലി​ബി​യ​യി​ല്‍ ജ​നി​ച്ചു​വ​ള​രു​ന്ന കു​ഞ്ഞു​ങ്ങ​ള്‍ ഇ​പ്പോ​ഴും കേ​ള്‍ക്കാ​റു​ണ്ട്. എ​ന്നാ​ല്‍, മ​നു​ഷ്യ​രെ വാ​ങ്ങു​ക​യും വി​ല്‍ക്കു​ക​യും ചെ​യ്യു​ന്ന​തി​ന്‍റെ വ്യാ​പാ​ര ഇ​ട​പാ​ടു​ക​ളെ കു​റി​ച്ചോ ‘ബാ​ര്‍ട്ട​ര്‍’ സ​മ്പ്ര​ദാ​യ​ത്തെ കു​റി​ച്ചോ അ​ടി​മ​ക​ളോ​ടു​ള്ള ക്രൂ​ര​ത​ക​ളി​ല്‍ ത​ങ്ങ​ളു​ടെ പൂ​ർ​വി​ക​രു​ടെ പ​ങ്കി​നെ കു​റി​ച്ചോ ഏ​തെ​ങ്കി​ലും രീ​തി​യി​ലു​ള്ള കു​റ്റ​സ​മ്മ​തം മി​ക്ക​വാ​റും ഉ​ണ്ടാ​വി​ല്ല. ആ ​കാ​ല​ഘ​ട്ട​ത്തെ പു​ന​ഃസ​ന്ദ​ര്‍ശി​ക്കാ​നോ അ​തി​ന്‍റെ പ്രേ​ത​ങ്ങ​ളെ​യോ വം​ശീ​യ​നി​ല​പാ​ടു​ക​ളെ​യോ നേ​രി​ടാ​നോ, സാം​സ്കാ​രി​ക​ച​രി​ത്ര​ത്തി​ല്‍ അ​വ പ​തി​പ്പി​ച്ച മു​ദ്ര​ക​ള്‍ വി​ശ​ക​ല​നം​ചെ​യ്യാ​നോ ഉ​ള്ള ധൈ​ര്യം അ​ധി​ക​മാ​രും പ്ര​ക​ടി​പ്പി​ക്കാ​റു​മി​ല്ല. ആ ​അ​ർ​ഥ​ത്തി​ല്‍, അ​ത്ത​ര​മൊ​രു അ​പ്ര​ഖ്യാ​പി​ത​വി​ല​ക്കു​ള്ള വി​ഷ​യ​ത്തെ ഹൃ​ദ​യ​പൂ​ർ​വം പി​ന്തു​ട​രു​ക​യും അ​ടി​മ​ക​ള്‍ക്ക് ആ​ഖ്യാ​ന​സ്വ​രം ന​ല്‍കു​ക​യും ചെ​യ്തു ശ​ക്ത​വും മ​നോ​ഹ​ര​വു​മാ​യ നോ​വ​ല്‍ ര​ചി​ച്ച​തി​ലൂ​ടെ ന​ജ് വാ ​ബി​ൻ ശ​ത് വാ​ന്‍ ഒ​രു മു​ന്‍ഗാ​മി (Pioneer) സ്ഥാ​നം അ​ര്‍ഹി​ക്കു​ന്നു​ണ്ട് എ​ന്നു പ​റ​യാം. മു​മ്പ് അ​നാ​വ​ര​ണം ചെ​യ്തി​ട്ടി​ല്ലാ​ത്ത വി​ഷ​യ​ത്തെ അ​വ​ത​രി​പ്പി​ക്കാ​ന്‍ അ​തി​നൊ​രു പ്ര​ണ​യ​ക​ഥ​യു​ടെ ച​ട്ട​ക്കൂ​ടു ന​ല്‍കു​ന്ന​തി​ലൂ​ടെ, മി​ക​ച്ചൊ​രു ഫി​ക്ഷ​ന്‍ അ​നു​ഭ​വം​കൂ​ടി നോ​വ​ല്‍ പ​ക​ര്‍ന്നുന​ല്‍കു​ന്നു. അ​റ​ബ് സാ​ഹി​ത്യ​ത്തി​നു​ള്ള അ​ന്താ​രാ​ഷ്ട്ര പു​ര​സ്കാ​ര​മാ​യ IPAF ഷോ​ര്‍ട്ട്ലി​സ്റ്റി​ല്‍ ഇ​ടം​പി​ടി​ച്ച ആ​ദ്യ​ത്തെ ലി​ബി​യ​ന്‍ വ​നി​ത​യാ​ണ്‌ ബിൻ ശത് വാ​ന്‍ (2017). 2011 ല്‍ ​പ്ര​സ്തു​ത പു​ര​സ്കാ​ര​ത്തി​നു ലോ​ങ് ലി​സ്റ്റ് ചെ​യ്യ​പ്പെ​ട്ട റ​സാ​ന്‍ ന​ഈം അ​ല്‍ മ​ഗ്റ​ബി​യു​ടെ പു​സ്ത​കം (Women of Wind), ഇ​നി​യും (ഫെ​ബ്രു​വ​രി 2023) ഇം​ഗ്ലീ​ഷ് വി​വ​ര്‍ത്ത​ന​ത്തി​ല്‍ ല​ഭ്യ​മാ​യി​ട്ടി​ല്ല.

ച​രി​ത്ര​കാ​ര​നാ​യ സു​ഹൃ​ത്തി​ന്‍റെ പു​സ്ത​ക​ത്തി​ല്‍ കാ​ണാ​നി​ട​യാ​യ ബെ​ന്‍ഗാ​സി അ​ടി​മ​പ്പ​ന്തി​യു​ടെ ചി​ത്ര​ത്തെ കു​റി​ച്ചു​ള്ള അ​ന്വേ​ഷ​ണ​ത്തി​ല്‍നി​ന്നാ​ണ് പു​സ്ത​ക​ത്തി​ന്‍റെ ആ​ശ​യ​ത്തി​ല്‍ എ​ത്തി​പ്പെ​ട്ട​തെ​ന്ന് നോ​വ​ലി​സ്റ്റ് അ​ബൂ​ദ​ബി അ​വാ​ര്‍ഡ് ച​ട​ങ്ങി​ൽ വെ​ളി​പ്പെ​ടു​ത്തി. വി​ഷ​യ​ത്തി​ന്‍റെ ഈ ​അ​തി​സം​വേ​ദ​ന​ത്വം ത​ന്നെ​യാ​ണ്, അ​റി​യാ​തെ​യെ​ങ്ങാ​ന്‍ ആ​രെ​യെ​ങ്കി​ലും പ്ര​കോ​പി​പ്പി​ക്കു​ന്ന​തി​നെ​തി​രെ​യു​ള്ള മു​ന്‍ക​രു​ത​ലാ​യി, നോ​വ​ലെ​ഴു​തു​മ്പോ​ള്‍ ത​ന്‍റെ കു​ടും​ബ​പ്പേ​രു ത​ന്നെ മു​ഖ്യ​ക​ഥാ​പാ​ത്ര​ത്തി​നു ന​ല്‍കാ​നു​ള്ള തീ​രു​മാ​ന​ത്തി​ല്‍ നോ​വ​ലി​സ്റ്റി​നെ എ​ത്തി​ച്ച​തും. മു​ഖ്യ ആ​ഖ്യാ​താ​വി​ന് അതീഖ എ​ന്ന പേ​ര് ന​ല്‍കി​യ​തി​നെ കു​റി​ച്ചും അ​വ​ര്‍ വ്യ​ക്ത​മാ​ക്കു​ന്നു: സ്വ​ത​ന്ത്ര​യാ​ക്ക​പ്പെ​ട്ട അ​ടി​മ എ​ന്ന​ർ​ഥ​മു​ള്ള ആ ​പേ​ര്, ഇ​പ്പോ​ള്‍ സ്വ​ത​ന്ത്ര​യെ​ങ്കി​ലും ഭൂ​ത​കാ​ല​ത്തെ എ​പ്പോ​ഴും പേ​റു​ന്ന, താ​നൊ​രു ര​ണ്ടാം​കി​ട പൗ​ര​യാ​ണ് എ​ന്ന് എ​പ്പോ​ഴും ഓ​ർ​മി​പ്പി​ക്കു​ന്ന ഒ​ന്നാ​ണ്.

ക​ഥ​യു​ടെ വ​ര്‍ത്ത​മാ​നം

ഒട്ടോ​മ​ന്‍ സാ​മ്രാ​ജ്യ​ത്തി​ന്‍റെ കീ​ഴി​ലാ​യി​രു​ന്ന 19ാം നൂ​റ്റാ​ണ്ടി​ലെ ലി​ബി​യ​യി​ല്‍ ബെ​ൻ​ഗാ​സി​യി​ല്‍ നി​ല​നി​ന്ന അ​ടി​മ​പ്പ​ന്തി​ക​ളു​ടെ പ​ശ്ചാ​ത്ത​ല​ത്തി​ല്‍ ത​വീ​ദ എ​ന്ന അ​ടി​മസ്ത്രീ​യു​ടെ​യും മ​ക​ള്‍ ആതിഖയു​ടെ​യും ക​ഥ​യാ​യാ​ണ് സ്തോ​ഭ​ജ​ന​ക​മാ​യ ഇ​തി​വൃ​ത്തം വി​ക​സി​ക്കു​ന്ന​ത്. ര​ണ്ട് ആ​ഖ്യാ​താ​ക്ക​ളി​ലൂ​ടെ പ​റ​യ​പ്പെ​ടു​ന്ന ഇ​തി​വൃ​ത്ത​ത്തി​ല്‍ ആതിഖയി​ലൂ​ടെ​യാ​ണ് ആ​ദ്യ​പ​കു​തി​യി​ലേ​ക്ക് നാം ​ക​ട​ക്കു​ന്ന​ത്‌. നോ​വ​ല്‍ ആ​രം​ഭ​ത്തി​ല്‍, അ​വ​ള്‍ മു​തി​ര്‍ന്ന സ്ത്രീ​യാ​ണ്, വി​ദ്യാ​സ​മ്പ​ന്ന, ര​ണ്ടു കു​ട്ടി​ക​ളു​ടെ ഉ​മ്മ. ഫാ​ര്‍മ​സി​സ്റ്റ് ആ​യ ഭ​ര്‍ത്താ​വ് അ​വ​ളെ​ക്കാ​ള്‍ ഏ​റെ പ്രാ​യ​മു​ള്ള​വ​നെ​ങ്കി​ലും സ്നേ​ഹ​ധ​ന​നാ​ണ്. ആതിഖ​യു​ടെ സ​ന്തു​ഷ്ട​മാ​യ ഈ ​ജീ​വി​താ​വ​സ്ഥ, തി​ക​ച്ചും സ്തോ​ഭ​ജ​ന​ക​വും ദു​ര​ന്ത​പൂ​ർ​ണ​വു​മാ​യ അ​വ​ളു​ടെ കു​ട്ടി​ക്കാ​ല​ത്തി​ന്‍റെ​യും മാ​താ​വ്‌ നേ​രി​ട്ട ദു​രി​ത​ങ്ങ​ളു​ടെ​യും വ​രാ​നി​രി​ക്കു​ന്ന വി​വ​ര​ണ​ങ്ങ​ളി​ലേ​ക്കു ക​ട​ക്കും​മു​മ്പ് ശ​രി​ക്കു​മൊ​രു ശ്വ​സ​ന​സ്ഥ​ലി ആ​യി​ത്തീ​രു​ന്നു​ണ്ട്. ക​ട​ന്നു​പോ​ന്ന ജീ​വി​ത​ത്തി​ലെ പ്ര​യാ​സ​ങ്ങ​ളെ​യെ​ല്ലാം മ​റി​ക​ട​ന്നു സ്വ​സ്ഥ​ജീ​വി​തം ന​യി​ക്കു​ന്ന ആതിഖയെ തേ​ടി മു​മ്പൊ​രി​ക്ക​ലും ക​ണ്ടി​ട്ടി​ല്ലാ​ത്ത അ​ക​ന്ന ബ​ന്ധു​വാ​യ അ​ലി ബി​ന്‍ ശത് വാ​ന്‍ എ​ത്തു​ന്നു. അ​യാ​ള്‍ അ​വ​ളു​ടെ ജ​ന​ന സ​ര്‍ട്ടി​ഫി​ക്ക​റ്റ് കൊ​ണ്ടു​വ​ന്നി​ട്ടു​ണ്ട്, പി​തൃ​വ​ഴി​യി​ല്‍ അ​വ​ളു​ടെ പാ​ര​മ്പ​ര്യ​ത്തെ കു​റി​ച്ച് അ​യാ​ള്‍ക്ക​റി​യാ​മെ​ന്നും വ​ലി​യൊ​രു സ്വ​ത്തി​ന് അ​വ​ള്‍ക്ക് അ​വ​കാ​ശ​മു​​െണ്ട​ന്നും അ​യാ​ള്‍ പ​റ​യു​ന്നു. അ​വി​ട​ന്ന​ങ്ങോ​ട്ട് പു​സ്ത​ക​ത്തി​ന്‍റെ ആ​ഖ്യാ​ന​ഘ​ട​ന മൂ​ന്നു ച​രി​ത്ര​ഘ​ട്ട​ങ്ങ​ളെ ക​ട​ന്നു​പോ​കു​ക​യാ​ണ്. അ​വ​യോ​രോ​ന്നും കൂ​ടു​ത​ല്‍ കൂ​ടു​ത​ല്‍ പി​റ​കോ​ട്ടു പോ​കു​ക​യും ചെ​യ്യു​ന്നു. ഒ​രു കു​ഞ്ഞാ​യി​രി​ക്കെ, അതീഖ വ​ള​ര്‍ന്നു​വ​ന്ന​ത് ബെ​ന്‍ഗാ​സി​യി​ലെ അ​ടി​മ​പ്പ​ന്തി​യി​ലാ​ണ്. അ​വ​ളു​ടെ ഉ​മ്മ ‘സ​ബി​രി​യ്യ അ​മ്മാ​യി’ എ​ന്നു വി​ളി​പ്പി​ച്ചാ​ണ് അ​വ​ളെ വ​ള​ര്‍ത്തി​യ​ത്. അതീഖക്ക് പ്രാ​യ​പൂ​ര്‍ത്തി​യാ​കു​ന്ന​തോ​ടെ ന​ട​ത്താ​നു​ള്ള ഒ​രു ച​ട​ങ്ങി​ന്‍റെ (Locking ceremony) ഘ​ട്ട​ത്തി​ലാ​ണ് അ​വ​ളു​ടെ ജ​ന​നം സം​ബ​ന്ധി​ച്ച ഒ​രു ര​ഹ​സ്യം സ​ബി​രി​യ്യ അ​മ്മാ​യി​ക്ക് വ്യ​ക്ത​മാ​ക്കേ​ണ്ടി​വ​രു​ക: അ​വ​ള്‍ അ​ടി​മ​ക​ളാ​യ മാ​താ​പി​താ​ക്ക​ളി​ല്‍ ജ​നി​ക്കു​ന്ന അ​ടി​മ​ക്കു​ട്ടി (‘shushana’) അ​ല്ല. അ​വ​ളു​ടെ പി​താ​വ് ഒ​രു ‘സ്വ​ത​ന്ത്ര’​നാ​ണ്. മു​ഹ​മ്മ​ദ്‌ ബിൻ ശത് വാ​ന്‍ എ​ന്ന വെ​ളു​ത്ത നി​റ​ക്കാ​ര​നാ​യ ലി​ബി​യ​ക്കാ​ര​ന്‍, ആതിഖയു​ടെ ഉ​മ്മ​യു​ടെ യ​ജ​മാ​ന​നാ​യ മു​ഹ​മ്മ​ദ് ബി​ന്‍ ശത് വാ​ന്‍ എ​ന്ന​യാ​ളു​ടെ മ​ക​ന്‍. അ​ടി​മ​പ്പ​ന്തി​ക്കു തീ​പി​ടി​ക്കു​മ്പോ​ള്‍ ആ​ളി​പ്പ​ട​രു​ന്ന തീ​യി​ല്‍നി​ന്നു ആതിഖയു​ടെ ഐ​ഡ​ന്റി​റ്റി രേ​ഖ​ക​ള്‍ ര​ക്ഷി​ക്കാ​നു​ള്ള ശ്ര​മ​ത്തി​ല്‍ ‘സ​ബി​രി​യ്യ’ കൊ​ല്ല​പ്പെ​ടു​ന്ന​ത് ഒ​രു സ​മ​ര്‍പ്പ​ണം​കൂ​ടി​യാ​യി​ത്തീ​രു​ന്നു. നോ​വ​ലി​ലെ ഏ​റ്റ​വും ഹൃ​ദ​യ​ഭേ​ദ​ക​മാ​യ ഒ​രു രം​ഗ​മാ​ണ് ഈ ​അ​ന്ത്യം. പ്ലേ​ഗ് വ്യാ​പ​ന ഭ​യ​ത്തി​ല്‍ അ​ടി​മ​പ്പ​ന്തി​ക്ക് തീ​കൊ​ടു​ക്കു​ന്ന അ​ധി​കൃ​ത​രു​ടെ നൃ​ശം​സ​ത​യു​ടെ ഇ​ര​യാ​വു​ക​യാ​ണ് അ​വ​രും വേ​റെ കു​റെ പേ​രും. ആ ​നി​മി​ഷ​ത്തി​ലാ​ണ് ഐ​ദ അ​മ്മാ​യി ആതിഖയെ അ​വ​ളു​ടെ യ​ഥാ​ർ​ഥ അ​സ്തി​ത്വ​വും സ​ബി​രി​യ്യ അ​മ്മാ​യി ശ​രി​ക്കും ആ​രാ​ണെ​ന്നും അ​റി​യി​ക്കു​ക. ഉ​മ്മ​യെ ല​ഭി​ക്കു​ന്ന അ​തേ നി​മി​ഷ​ത്തി​ലാ​ണ് അ​വ​ള്‍ അ​നാ​ഥ​യാ​കു​ക എ​ന്ന​താ​ണ് അ​തി​ന്‍റെ ഐ​റ​ണി. ഇ​റ്റാ​ലി​യ​ന്‍ അ​ധി​നി​വേ​ശ​ കാ​ല​ത്ത് അ​ടി​മ​പ്പ​ന്തി​ക​ള്‍ നി​ര്‍ത്ത​ലാ​ക്കു​ക​യും പ​ക​രം ആ ​പ്രാ​ന്ത​പ്ര​ദേ​ശ​ങ്ങ​ളി​ല്‍ പു​തി​യ ക്യാ​മ്പു​ക​ള്‍ തു​റ​ക്ക​പ്പെ​ടുകയും ചെയ്തതി​ന്‍റെ​ ച​രി​ത്ര​സ​ന്ദ​ര്‍ഭ​വും ഇ​വി​ടെ പ്ര​ധാ​ന​മാ​ണ്.

പ്ര​ണ​യ​ക​ഥ​ക്ക​പ്പു​റം

ര​ണ്ടാം പ​കു​തി​യി​ല്‍ അ​ലി​യാ​ണ് ആ​ഖ്യാ​താ​വ്. ആ​ഖ്യാ​നം കൂ​ടു​ത​ല്‍ പി​റ​കോ​ട്ടുപോ​കു​ക​യും ആതിഖയു​ടെ ഉ​മ്മ ത​വീ​ദ​യും പി​താ​വ് മു​ഹ​മ്മ​ദും ത​മ്മി​ലു​ള്ള ബ​ന്ധ​ത്തി​ന്‍റെ ആ​വി​ഷ്കാ​ര​ത്തി​ലേ​ക്ക് ക​ട​ക്കു​ക​യും ചെ​യ്യു​ന്നു. യ​ജ​മാ​ന​നും അ​ടി​മ​യും ത​മ്മി​ലു​ള്ള, വി​ധി​യും വ്യ​വ​സ്ഥ​യും സാ​മൂ​ഹി​ക ശ്രേ​ണി​യും ഒ​രു​മി​ച്ച് എ​തി​രു​നി​ല്‍ക്കു​ന്ന ദു​സ്സാ​ധ്യ​മാ​യ പ്ര​ണ​യ​ബ​ന്ധ​ത്തി​ന്‍റെ ദു​ര​ന്ത​ചി​ത്ര​മാ​യി ഇ​തി​ഹാ​സ​മാ​ന​മു​ള്ള പ്ര​ണ​യ​ക​ഥ എ​ന്ന​മ​ട്ടി​ല്‍ നോ​വ​ലി​നെ തീ​ര്‍ച്ച​യാ​യും ക​ണ​ക്കാ​ക്കാം. എ​ന്നാ​ല്‍, അ​തി​ന​പ്പു​റം പ്ര​സ്തു​ത ബ​ന്ധ​ത്തി​ല്‍ ലീ​ന​മാ​യ അ​ടി​ച്ച​മ​ര്‍ത്ത​ലി​ന്‍റെ​യും ചൂ​ഷ​ണ​ത്തി​ന്‍റെ​യും ത​ല​ങ്ങ​ളാ​ണ് നോ​വ​ലി​സ്റ്റി​നെ കൂ​ടു​ത​ല്‍ ജാ​ഗ്ര​ത​പ്പെ​ടു​ത്തു​ന്ന​ത്. മു​ഹ​മ്മ​ദി​നെ സം​ബ​ന്ധി​ച്ച് ത​വീ​ദ പ്ര​ഥ​മ​മാ​യും ഒ​ര​ടി​മ​സ്ത്രീ​യാ​ണ്: വ​ലം​കൈ ഉ​ട​മ​സ്ഥ​പ്പെ​ട്ട​വ​ള്‍, അ​വ​ളു​ടെ വം​ശീ​യ ‘അ​പ​ര​ത്വ’​വും വി​ധേ​യ​ത്വ​വും അ​വ​ളു​ടെ ലൈം​ഗി​ക ആ​ക​ര്‍ഷ​ണം വ​ർ​ധി​പ്പി​ക്കു​ന്ന ഘ​ട​ക​വും. എ​ന്നാ​ല്‍, ആ ​പ്ര​ണ​യം ഒ​രു​ഘ​ട്ട​ത്തി​ലും അ​യാ​ള്‍ക്കു കൈ​മോ​ശം വ​രു​ന്നു​മി​ല്ല. അ​തേ​സ​മ​യം, മു​ഹ​മ്മ​ദു​മാ​യു​ള്ള ബ​ന്ധം ത​വീ​ദ​യെ ത​ന്‍റെ ജീ​വി​ത​ത്തെ മ​റ്റൊ​രു വെ​ളി​ച്ച​ത്തി​ല്‍ കാ​ണാ​ന്‍ അ​നു​വ​ദി​ക്കു​ക​യും ചെ​യ്യു​ന്നു: ‘‘അ​ദ്ദേ​ഹം എ​ന്‍റെ യ​ജ​മാ​ന​ന​ല്ല, എ​ന്‍റെ പ്ര​ണ​യ​സ​ര്‍വ​സ്വ​മാ​ണ്’’ എ​ന്ന വാ​ക്കു​ക​ളി​ല്‍ അ​വ​ള്‍ മ​റ്റൊ​രു ത​ര​ത്തി​ലും ത​നി​ക്കു ല​ഭി​ക്കാ​ന്‍ സാ​ധ്യ​ത​യി​ല്ലാ​ത്ത തെ​ര​ഞ്ഞെ​ടു​പ്പി​ന്‍റെ​യും വ്യ​ക്തി​സ്വാ​ത​ന്ത്ര്യ​ത്തി​ന്‍റെ​യും ഒ​രു ലോ​കം ത​നി​ക്കാ​യി വി​ഭാ​വ​നം​ചെ​യ്യു​ന്നു​ണ്ട്. എ​ന്നാ​ല്‍, അ​ത് സാ​ധ്യ​മാ​വു​ക​യി​ല്ല. ആ ​ബ​ന്ധം ത​ക​ര്‍ക്കാ​ന്‍ ഏ​ത​റ്റം വ​രെ​യും പോ​കും മു​ഹ​മ്മ​ദി​ന്‍റെ കു​ടും​ബ​മെ​ന്ന​ത് തി​ക​ച്ചും സ്വാ​ഭാ​വി​ക​മാ​ണ്. മു​ഹ​മ്മ​ദി​നെ അ​ടി​മ​യു​വ​തി​യി​ല്‍നി​ന്ന് വേ​ര്‍പി​രി​ക്കാ​ന്‍ ഉ​മ്മ ല​ല്ല ഉ​വൈ​ശി​ന​യും പി​താ​വ് മു​ഹ​മ്മ​ദും ക​ണ്ടെ​ത്തു​ന്ന വ​ഴി, അ​യാ​ളെ ഒ​രു ക​ച്ച​വ​ട കാ​ര​വ​നി​ല്‍ ദൂ​രേ​ക്ക​യ​ക്കു​ക​യും അ​യാ​ളു​ടെ അ​ഭാ​വ​ത്തി​ല്‍ യു​വ​തി​യെ ഗ​ര്‍ഭഛി​ദ്ര​ത്തി​നു വി​ധേ​യ​യാ​ക്കു​ക​യും മ​റ്റൊ​രു അ​ടി​മ​ക്ക് വി​വാ​ഹം ചെ​യ്തു കൊ​ടു​ക്കു​ക​യു​മാ​ണ്. പ്ര​സ്തു​ത ‘വി​വാ​ഹ’​ത്തി​നു ശേ​ഷ​വും മു​ഹ​മ്മ​ദ്‌ ബ​ന്ധം തു​ട​രു​ന്ന​തും സു​ന്ദ​രി​യും അ​യാ​ളു​ടെ ര​ണ്ടു പെ​ണ്മ​ക്ക​ളു​ടെ ഉ​മ്മ​യു​മാ​യ റു​ഖി​യ​യെ തീ​ര്‍ത്തും അ​വ​ഗ​ണി​ക്കു​ന്ന​തും കാ​ര്യ​ങ്ങ​ള്‍ കൂ​ടു​ത​ല്‍ സ​ങ്കീ​ർ​ണ​മാ​ക്കു​ന്ന ഘ​ട്ട​ത്തി​ലാ​ണ്, മാരണം ചെ​യ്തു മ​ക​നെ മ​യ​ക്കി​യ’ ക​റു​ത്ത അ​ടി​മ​പ്പെ​ണ്ണി​നെ ഒ​ഴി​വാ​ക്കാ​ന്‍ കു​ടും​ബ​സു​ഹൃ​ത്തു​കൂ​ടി​യാ​യ അ​ല്‍ ഫി​ഗ്ഗി​യു​മാ​യി ചേ​ര്‍ന്നു കു​ടും​ബം പ​ദ്ധ​തി​യി​ടു​ന്ന​തും അ​യാ​ളി​ലൂ​ടെ ത​വീ​ദ വേ​ശ്യാ​ല​യ​ത്തി​ല്‍ എ​ത്തി​ച്ചേ​രു​ന്ന​തും. ആ​രാ​ധ​നാ​ല​യ​ത്തി​നു മു​ന്നി​ല്‍ ഉ​പേ​ക്ഷി​ക്കാ​ന്‍ ഭ​ര​മേ​ൽപിക്ക​പ്പെ​ടു​ന്ന കു​ഞ്ഞി​നെയും​കൊ​ണ്ട് പു​റ​ത്തു​ക​ട​ക്കാ​ന്‍ കി​ട്ടു​ന്ന അ​വ​സ​രം ഉ​പ​യോ​ഗി​ച്ചു​ള്ള ര​ക്ഷ​പ്പെ​ട​ല്‍ ശ്ര​മ​ത്തി​നി​ടെ ഐ​ദ​യു​ടെ സ​മീ​പ​ത്ത് എ​ത്തി​ച്ചേ​രു​ന്ന ത​വീ​ദ, അ​ടി​മ​പ്പ​ന്തി​യി​ല്‍ മ​റ്റൊ​രു പേ​രും ക​ഥ​യു​മാ​യി അ​ഭ​യം ക​ണ്ടെ​ത്തു​ന്നു. ഒ​പ്പം കൂ​ടെ​ക്കൂ​ട്ടി​യ ചോ​ര​പ്പൈ​ത​ലി​നെ മ​ക​നാ​യി ഏ​റ്റെ​ടു​ക്കു​ക​യും ചെ​യ്യു​ന്ന​താ​ണ്‌, അ​ലി​യു​ടെ വി​വ​ര​ണ​ത്തി​ല്‍ തെ​ളി​യു​ന്ന ത​വീ​ദ​യു​ടെ പു​രാ​വൃ​ത്തം. മി​ഫ്താ​ഹ് എ​ന്നു പേ​രി​ടു​ന്ന കു​ഞ്ഞ്, ആതിഖക്ക് മു​തി​ര്‍ന്ന കൂ​ട​പ്പി​റ​പ്പാ​വു​ക അ​ങ്ങ​നെ​യാ​ണ്. ഏ​ക​നും ദുഃ​ഖാ​മ​ഗ്ന​നു​മാ​യ മു​ഹ​മ്മ​ദ്‌, ജ​ബെ​ല്ല​യി​ലൂ​ടെ വീ​ണ്ടും ത​വീ​ദ​യെ സ​ന്ധി​ക്കു​മ്പോ​ള്‍ ആ ​ബ​ന്ധം പ്ര​ണ​യ​ത്തി​ന്റേ​തെ​ങ്കി​ലും സം​ഘ​ര്‍ഷ​പൂ​ർ​ണ​മാ​ണ്. ആതിഖയു​ടെ ജ​ന്മ​ത്തെ കു​റി​ച്ച് നോ​വ​ല്‍ ന​ട​ത്തു​ന്ന നി​രീ​ക്ഷ​ണം ആ ​ബ​ന്ധ​ത്തി​ന്‍റെ സ​ങ്കീ​ർ​ണ ഭാ​വ​ങ്ങ​ള്‍ ആ​വാ​ഹി​ക്കു​ന്നു. ത​ന്‍റെ ഐ​ഡ​ന്റി​റ്റി മ​ക​ളി​ല്‍നി​ന്നു മ​റ​ച്ചു​വെ​ക്കേ​ണ്ട​ത്, ബി​ന്‍ഷ​ത് വാ​ന്‍ കു​ടും​ബംത​ന്നെ ക​ണ്ടെ​ത്തി ആതിഖയെ കൊ​ന്നു​ക​ള​യാ​നു​ള്ള സാ​ധ്യ​ത ഒ​ഴി​വാ​ക്കാ​ന്‍ ത​വീ​ദ​ക്ക് ആ​വ​ശ്യ​മാ​യി​രു​ന്നു.

നൃ​ശം​സ​ത​യു​ടെ മു​ഖ​ങ്ങ​ള്‍

അ​റ​ബ് അ​ടി​മ സ​മ്പ്ര​ദാ​യ​മോ (Trans-Indian Ocean Slave Trade) ഇ​ത​ര യൂ​റോ​പ്യ​ന്‍ അ​ടി​മ​വ്യാ​പാ​ര സ​മ്പ്ര​ദാ​യ​മോ (Trans-Atlantic Slave Trade) ഏ​താ​യി​രു​ന്നു കൂ​ടു​ത​ല്‍ വി​നാ​ശ​ക​ര​വും ക്രൂ​ര​വും എ​ന്ന ചോ​ദ്യ​ത്തി​നു പ​ല​പ്പോ​ഴും ആ​ത്മ​നി​ഷ്ഠ മ​റു​പ​ടി​ക​ളാ​ണ് ന​ല്‍ക​പ്പെ​ട്ടു കാ​ണു​ക. ഏ​താ​യാ​ലും, എ​ണ്ണ​ത്തി​ലും കാ​ല​പ്പ​ഴ​ക്ക​ത്തി​ലും മു​ന്നി​ലാ​യി​രി​ക്കു​മ്പോ​ഴും, മ​ത​പ​ര​മാ​യി അ​ടി​മ​ക​ളോ​ടു​ള്ള നീ​തി​പൂ​ർ​വ​മാ​യ പെ​രു​മാ​റ്റം നി​ഷ്ക​ര്‍ഷി​ക്കു​ന്ന​തും, ത​ങ്ങ​ളു​ടെ ഉ​ട​മ​സ്ഥ​ത​യി​ലു​ള്ള സ്ത്രീ​ക​ളി​ല്‍ മാ​ത്രം ലൈം​ഗി​ക​ബ​ന്ധം അ​നു​വ​ദി​ക്ക​പ്പെ​ട്ടി​ട്ടു​ള്ള​തും അ​റ​ബ് അ​ടി​മ​ത്ത സ​മ്പ്ര​ദാ​യ​ത്തെ, ഫ​ല​ത്തി​ല്‍, സാ​മാ​ന്യേ​ന സ​ഹ​നീ​യ​മാ​ക്കി​യ ഘ​ട​ക​ങ്ങ​ളാ​ണ്. അ​ടി​മ​ക​ളെ മോ​ചി​പ്പി​ക്കു​ന്ന​ത് മ​ഹ​ത്ത​ര​മാ​യ ക​ർ​മ​മാ​യും പാ​പ​വി​മോ​ച​ക പ്ര​വൃ​ത്തി​യാ​യും ഖു​ര്‍ആ​ന്‍ വീ​ക്ഷി​ക്കു​ന്ന​ത്, അ​തി​നെ അ​നു​വ​ദ​നീ​യ​മെ​ങ്കി​ലും ഒ​ഴി​വാ​ക്ക​പ്പെ​ടേ​ണ്ട ഒ​രു വി​നി​മ​യ​മാ​ക്കി മാ​റ്റി എ​ന്നും പ​റ​യാം. ഹാ​മി​ന്‍റെ സ​ന്ത​തി​ക​ള്‍ എ​ന്നും മ​നു​ഷ്യ​രി​ല്‍ താ​ഴെ​യു​ള്ള​വ​ര്‍ എ​ന്നും എ​ക്കാ​ല​വും ശ​പി​ക്ക​പ്പെ​ട്ട​വ​ര്‍ എ​ന്നു​മു​ള്ള ബി​ബ്ലി​ക്ക​ല്‍ വി​വേ​ച​നം മ​റ​യാ​ക്കി ഒ​രു​ത​ര​ത്തി​ലു​ള്ള നൈ​തി​ക അ​തി​ര്‍വ​ര​മ്പു​ക​ളും ഇ​ല്ലാ​തെ ന​ട​മാ​ട​പ്പെ​ട്ട ഇ​ത​ര​രൂ​പം ആ ​അ​ര്‍ഥ​ത്തി​ല്‍ കൂ​ടു​ത​ല്‍ ക്രൂ​ര​മാ​യി​രു​ന്നു എ​ന്ന​തി​ന്‍റെ തെ​ളി​വ് ക​രീ​ബി​യ​ന്‍ മേ​ഖ​ല​ക​ളി​ലെ ആ​ഫ്രി​ക്ക​ന്‍ അ​ടി​മ​ക​ളു​ടെ​യും ആ​ഫ്രി​ക്ക​ന്‍ അ​മേ​രി​ക്ക​ന്‍ വ​ർ​ഗ​ക്കാ​രു​ടെ​യും അ​നു​ഭ​വ​ങ്ങ​ളി​ല്‍ വ്യ​ക്ത​മാ​ണ്‌. എ​ന്നാ​ല്‍, അ​ത​ങ്ങ​നെ​യാ​യി​രി​ക്കെ​ത്ത​ന്നെ, അ​ഭി​മാ​ന സം​ര​ക്ഷ​ണം, കു​ല​പ​തി​യോ​ടു​ള്ള സ​മ്പൂ​ർ​ണ വി​ധേ​യ​ത്വം തു​ട​ങ്ങി​യ പ​ര​മ്പ​രാ​ഗ​ത മൂ​ല്യ​ങ്ങ​ള്‍ ചോ​ദ്യം​ചെ​യ്യ​പ്പെ​ടു​ന്ന സ​ന്ദ​ര്‍ഭ​ങ്ങ​ളി​ല്‍ മ​ജ്ജ മ​ര​വി​പ്പി​ക്കു​ന്ന ക്രൂ​ര​ത​ക​ള്‍ അ​ര​ങ്ങേ​റു​ന്ന​തി​ലോ, ജീ​വ​ച്ഛ​വ​മാ​ക്കും​വി​ധം ശി​ക്ഷി​ക്കു​ന്ന​തി​ലോ ഒ​രു​ത​രം ത​ട​സ്സ​വും അ​റ​ബ്/ ഓ​ട്ടോ​മ​ന്‍ അ​ടി​മ​ത്ത​വ്യ​വ​സ്ഥ​യി​ല്‍ ഉ​ണ്ടാ​യി​രു​ന്നി​ല്ല എ​ന്ന​ത് വ്യ​ക്ത​മാ​ക്കു​ന്ന സ​ന്ദ​ര്‍ഭ​ങ്ങ​ള്‍ നോ​വ​ലി​ലു​ണ്ട്. പി​റ്റേ​ന്ന​ത്തെ ആ​ഘോ​ഷ​ത്തി​ല്‍ വി​ള​മ്പാ​നു​ള്ള ആ​ട്ടി​റ​ച്ചി സം​ര​ക്ഷി​ക്കു​ന്ന​തി​ല്‍ പ​രാ​ജ​യ​പ്പെ​ടു​ന്ന​തി​നു ത​വീ​ദ​ക്ക് നേ​രെ മു​ഹ​മ്മ​ദ് അ​ര​ങ്ങേ​റു​ന്ന നൃ​ശം​സ​ത​യാ​ണ് അ​തി​ലേ​റ്റ​വും ഭീ​ക​രം. അ​ത് ത​വീ​ദ​യു​ടെ കു​ഞ്ഞി​ന്‍റെ മ​ര​ണ​ത്തി​ലും സ​ലീ​മി​നെ എ​ന്നെ​ന്നേ​ക്കും മു​ട​ന്ത​നാ​ക്കു​ന്ന കൊ​ടി​യ പീ​ഡ​ന​ത്തി​ലും, എ​ല്ലാ​റ്റി​ലു​മു​പ​രി, ഉ​ഗ്ര​പ്ര​താ​പി​യാ​യ കു​ല​പ​തി​യു​ടെ ത​ല എ​ന്നെ​ന്നേ​ക്കും താ​ഴ്ന്നുപോ​കു​ന്ന ര​ഹ​സ്യ​ത്തി​ന്‍റെ അ​നാ​വ​ര​ണ​ത്തി​ലേ​ക്കും ശി​ശു​ഹ​ത്യ​യു​ടെ പാ​പ​ബോ​ധ​ത്തോ​ടൊ​പ്പം സ്വ​ന്തം ചോ​ര​യെ​യാ​ണ് ഒ​ടു​ക്കി​യ​തെ​ന്ന, അ​തും ല​ഭി​ക്കാ​മാ​യി​രു​ന്ന ഏ​ക ആ​ണ്‍ത​രി​യു​ടെ, വി​ട്ടു​പോ​കാ​ത്ത കു​റ്റ​ബോ​ധ​ത്തി​ന്‍റെ ഏ​കാ​ന്ത​ത​യി​ലേ​ക്കും ന​യി​ക്കും. ‘‘അ​ന്നേ​ദി​വ​സം ഒ​രു ആ​ടി​ന്‍റെ വി​ല, തൊ​ട്ടി​ലാ​ക്കി​യ ഒ​രു പെ​ട്ടി​യി​ല്‍ കി​ട​ന്ന ഒ​രു കു​ഞ്ഞാ​യി​രു​ന്നു’’ എ​ന്നു നോ​വ​ലി​സ്റ്റ് എ​ഴു​തു​മ്പോ​ള്‍ അ​തി​ല്‍ ശി​ശു​ബ​ലി​യു​ടെ മു​ഴ​ക്ക​മു​ണ്ട്; ഒ​പ്പം മ​നു​ഷ്യ​ശി​ശു​വി​നു പ​ക​രം ആ​ടി​നെ ന​ല്‍കി​യ ദൈ​വ​കാ​രു​ണ്യ​ത്തി​നു മ​നു​ഷ്യ​ന്‍ത​ന്നെ ച​മ​ക്കു​ന്ന ക്രൂ​ര​മാ​യ പാ​ര​ഡി​യും.

നൃ​ശം​സ​ത​യു​ടെ മ​റ്റൊ​രു പ്ര​ക​ട​നം വേ​ശ്യാ​ല​യ​ത്തി​ല്‍വെ​ച്ചു ത​വീ​ദ നി​ര​ന്ത​രം നേ​രി​ടേ​ണ്ടി​വ​രു​ന്ന മെ​രു​ക്ക​ല്‍ പ്ര​ക്രി​യ​യു​ടേ​താ​ണ്. ആ​വ​ര്‍ത്തി​ച്ചു​ള്ള ഗ​ര്‍ഭഛി​ദ്രം​പോ​ലെ പെ​ണ്ണു​ട​ലി​നു നേ​രെ​യു​ള്ള ക​ട​ന്നു​ക​യ​റ്റം ലോ​ക​മെ​ങ്ങും അ​ടി​മ​ത്ത​ത്തി​ന്‍റെ മു​ദ്രത​ന്നെ​യാ​യി​രു​ന്നു. അ​ടി​മ​സ്ത്രീ, ഉ​ട​മ​യു​ടെ കു​ഞ്ഞി​നെ പ്ര​സ​വി​ക്കു​ന്ന​തോ​ടെ ‘ഉ​മ്മു​ല്‍ വ​ല​ദ്’ എ​ന്ന പ​ദ​വി​യി​ലേ​ക്കു​യ​ര്‍ത്ത​പ്പെ​ടു​ക​യും സ്വ​ത​ന്ത്ര​യാ​കു​ക​യും ചെ​യ്യും എ​ന്ന ഇ​സ്‍ലാ​മി​ക ആ​ശ​യ​വും വെ​റും ക​ട​ലാ​സു​പു​ലി​യാ​ണെ​ന്ന് ഐ​ദ, ശ​രി​യാ​യി​ത്ത​ന്നെ, നി​രീ​ക്ഷി​ക്കു​ന്ന​തും നോ​വ​ലി​ല്‍ ത​വീ​ദ​യു​ടെ ജീ​വി​ത​ത്തി​ൽ​ത​ന്നെ പ്ര​ക​ട​മാ​ണ്. സ​ലീ​മി​ന്‍റെ പാ​ത്ര​സൃ​ഷ്ടി​യി​ല്‍ നോ​വ​ലി​സ്റ്റ് പ്ര​ക​ടി​പ്പി​ക്കു​ന്ന കൈ​യ​ട​ക്ക​വും എ​ടു​ത്തു​പ​റ​യേ​ണ്ട​തു​ണ്ട്. ത​വീ​ദ​യെ ‘വി​വാ​ഹം’ ക​ഴി​ക്കാ​ന്‍ ഉ​ട​മ​ക​ള്‍ ആ​വ​ശ്യ​പ്പെ​ടു​മ്പോ​ള്‍ അ​തു ചെ​യ്യു​ന്ന സ​ലിം, അ​വ​ളു​മാ​യി ഒ​രു ബ​ന്ധ​വും അ​രു​തെ​ന്ന മു​ഹ​മ്മ​ദി​ന്‍റെ വി​ല​ക്കും ശി​ര​സ്സാ​വ​ഹി​ക്കു​ന്നു. എ​ന്നാ​ല്‍, അ​തി​നു പി​ന്നി​ല്‍ മ​റ്റൊ​രു​ത​രം ലൈം​ഗി​ക ചോ​ദ​ന​യു​ടെ സാ​ന്നി​ധ്യം​കൂ​ടി​യു​ണ്ടെ​ന്നു ക​ണ്ടെ​ത്തു​ന്ന മു​ഹ​മ്മ​ദ്‌, ഒ​ട്ടും കാ​രു​ണ്യ​പൂ​ർ​വ​മ​ല്ല അ​യാ​ളോ​ടു പെ​രു​മാ​റു​ക. അ​ല്‍ഫി​ഗ്ഗി​യു​ടെ മ​ക​ന്‍ ഹു​സൈ​നു​മാ​യു​ള്ള അ​യാ​ളു​ടെ ബ​ന്ധം ക​ണ്ടു​പി​ടി​ക്കു​ന്ന മു​ഹ​മ്മ​ദ്‌, കൗ​മാ​ര​ക്കാ​ര​നു ന​ല്‍കാ​ന്‍ തു​ട​ങ്ങു​ന്ന പീ​ഡ​നം സ്വ​യം ഏ​റ്റു​വാ​ങ്ങി​യും, കു​റ്റം സ്വ​യം ഏ​റ്റെ​ടു​ത്തും സ​ലിം പ്ര​ക​ടി​പ്പി​ക്കു​ന്ന ആ​ത്മ​ധൈ​ര്യം, അ​യാ​ളു​ടെ വ്യ​ക്തി​ത്വ​ത്തി​ന്‍റെ ഭാ​ഗം​ത​ന്നെ​യാ​ണ്. അ​താ​ണ്, മു​ഹ​മ്മ​ദി​ന്‍റെ കോ​പാ​വേ​ശം അ​വ​ഗ​ണി​ച്ചും, ഭ​വി​ഷ്യ​ത്ത് കൃ​ത്യ​മാ​യും അ​റി​ഞ്ഞു​കൊ​ണ്ടു​ത​ന്നെ, ത​വീ​ദ​യെ​യും കു​ഞ്ഞി​നെ​യും ര​ക്ഷി​ക്കാ​നു​ള്ള പാ​ഴ്ശ്ര​മം ന​ട​ത്താ​ന്‍ അ​യാ​ളെ പ്രാ​പ്ത​നാ​ക്കു​ന്ന​തും. ഉ​ട​മ​യെ സം​ബ​ന്ധി​ച്ചു കേ​ട്ടു​കേ​ള്‍വി​യി​ല്ലാ​ത്ത വി​ധ​ത്തി​ല്‍ മു​ഹ​മ്മ​ദ്‌, താ​നും കു​ടും​ബ​വും അ​യാ​ളോ​ടു ചെ​യ്തു​പോ​യ​തി​നെ​ല്ലാം സ​ലി​മി​നോ​ടു മാ​പ്പുചോ​ദി​ക്കു​ക​യും അ​യാ​ളെ സ്വ​ത​ന്ത്ര​നാ​ക്കു​ക​യും ചെ​യ്യു​മ്പോ​ഴും അ​യാ​ള്‍ക്ക് എ​ന്തു​കൊ​ണ്ട് ആ​വേ​ശ​മി​ല്ലെ​ന്നു നോ​വ​ലി​സ്റ്റ് എ​ഴു​തു​ന്നു: “ചോ​ര​യു​ടെ​യും വേ​ദ​ന​യു​ടെ​യും ഒ​രു ആ​ണ്‍കു​ഞ്ഞി​ന്‍റെ മ​ര​ണ​ത്തി​ന്‍റെ​യും വി​ല​യി​ല്‍ കി​ട്ടി​യ സ്വാ​ത​ന്ത്ര്യ​ത്തി​ന്‍റെ പേ​രി​ല്‍ അ​യാ​ള്‍ക്ക് ത​ന്‍റെ യ​ജ​മാ​ന​നു ന​ന്ദി പ​റ​യാ​നാ​കി​ല്ലാ​യി​രു​ന്നു.” രോ​ഗ​ബാ​ധി​ത​നാ​യി മ​ര​ണ​ശ​യ്യ​യി​ലു​ള്ള ഹു​സൈ​നെ​യും ചു​മ​ലി​ലേ​റ്റി ക​ട​ലാ​ഴ​ങ്ങ​ളി​ലേ​ക്കു മ​റ​യു​ന്ന സ​ലിം, ശ​രി​ക്കു​മൊ​രു നൊ​മ്പ​ര​ക്കാ​ഴ്ച​യാ​ണ്. ഹ്ര​സ്വ​വും ദീ​പ്ത​വു​മാ​യ വാ​ക്യ​ങ്ങ​ളി​ല്‍ അ​ത്ത​രം അ​നു​ഭ​വ​കാ​ണ്ഡ​ങ്ങ​ള്‍ ഒ​തു​ക്കു​ന്ന​തി​നു​ള്ള നോ​വ​ലി​സ്റ്റി​ന്‍റെ കൈ​യ​ട​ക്കം എ​ടു​ത്തു​പ​റ​യേ​ണ്ട​തു​ണ്ട്. മു​ഹ​മ്മ​ദി​ന്‍റെ പ്ര​തി​കാ​ര ക​ഥ​ക​ളോ​ടൊ​പ്പം ഇ​തി​വൃ​ത്ത​ത്തി​ലെവി​ട്ട​ഭാ​ഗ​ങ്ങ​ള്‍ പൂ​രി​പ്പി​ക്കു​ക​യും ഭാ​വി​യി​ലേ​ക്ക് ഉ​റ്റു​നോ​ക്കു​ക​യും ചെ​യ്യു​ന്ന അ​വ​സാ​ന അ​ധ്യാ​യ​ങ്ങ​ളു​ടെ ച​ടു​ല​ത​യും ഇ​തോ​ടു ചേ​ര്‍ത്തു പ​റ​യാം.

ഒരിക്കൽ അടിമകളെ വിപണനം ചെയ്തിരുന്ന ഇടം അടിമത്തവിരുദ്ധ-സ്വാതന്ത്ര്യ മ്യൂസിയമായി പരിവർത്തനം ചെയ്തപ്പോൾ 

നോ​വ​ലി​ലെ ഒ​ട്ടേ​റെ അ​പ്ര​ധാ​ന ക​ഥാ​പാ​ത്ര​ങ്ങ​ളു​ടെ സാ​ന്നി​ധ്യ​വും ആ​ചാ​ര​ങ്ങ​ള്‍, ഭ​ക്ഷ​ണ​രീ​തി​ക​ള്‍, വ​സ്ത്ര​ധാ​ര​ണരീ​തി​ക​ള്‍ തു​ട​ങ്ങി​യ​വ​യെ കു​റി​ച്ചു​ള്ള സൂ​ച​ന​ക​ളും കാ​ല​ഘ​ട്ട​ത്തി​ന്‍റെ സാ​മൂ​ഹി​ക രാ​ഷ്ട്രീ​യ അ​ന്ത​രീ​ക്ഷം വ​ര​ച്ചു​വെ​ക്കാ​നും സ്ഥ​ല​രാ​ശി പു​നഃ​സൃ​ഷ്ടി​ക്കാ​നു​മാ​ണ് നോ​വ​ലി​സ്റ്റ് ഉ​പ​യോ​ഗി​ക്കു​ന്ന​ത്.

നോ​വ​ലി​ലെ ഒ​ട്ടേ​റെ അ​പ്ര​ധാ​ന ക​ഥാ​പാ​ത്ര​ങ്ങ​ളു​ടെ സാ​ന്നി​ധ്യ​വും ആ​ചാ​ര​ങ്ങ​ള്‍, ഭ​ക്ഷ​ണ​രീ​തി​ക​ള്‍, വ​സ്ത്ര​ധാ​ര​ണ​രീ​തി​ക​ള്‍ തു​ട​ങ്ങി​യ​വ​യെ കു​റി​ച്ചു​ള്ള സൂ​ച​ന​ക​ളും കാ​ല​ഘ​ട്ട​ത്തി​ന്‍റെ സാ​മൂ​ഹി​ക രാ​ഷ്ട്രീ​യ അ​ന്ത​രീ​ക്ഷം വ​ര​ച്ചു​വെ​ക്കാ​നും സ്ഥ​ല​രാ​ശി പു​നഃ​സൃ​ഷ്ടി​ക്കാ​നു​മാ​ണ് നോ​വ​ലി​സ്റ്റ് ഉ​പ​യോ​ഗി​ക്കു​ന്ന​ത്. ക​റു​ത്ത മ​നു​ഷ്യ​രു​ടെ, വി​ശേ​ഷി​ച്ചും അ​വ​രി​ലെ സ്ത്രീ​ക​ളു​ടെ, ഉ​ട​ലു​ക​ളെ കു​റി​ച്ചു​ള്ള തെ​റി​പ്ര​യോ​ഗ​ങ്ങ​ള്‍, നോ​വ​ലി​ല്‍ കാ​ണാ​വു​ന്ന ശാ​രീ​രി​രി​ക പീ​ഡ​ക​ളു​ടെ അ​നു​പൂ​ര​ക​മാ​ണ്. ട്രാ​ന്‍സ്-​അ​റ്റ്ലാ​ന്റി​ക് അ​ടി​മ​വ്യാ​പാ​ര​ത്തി​ന്‍റെ ക​ഥ​ക​ള്‍ ആ​വി​ഷ്ക​രി​ക്ക​പ്പെ​ട്ടി​ട്ടു​ള്ള Slave narrative പാ​​ര​​മ്പ​​ര്യം ട്രാ​​ന്‍സ്-​​സ​​ഹാ​​റ​​ന്‍ അ​​ടി​​മ​​ത്ത​​വ്യ​​വ​​സ്ഥ​​യെ സം​​ബ​​ന്ധി​​ച്ചു ല​​ഭ്യ​​മ​​ല്ല എ​​ന്നി​​രി​​ക്കെ, മൗ​​ന​​ത്തി​​ല്‍ മ​​റ​​വു​​ചെ​​യ്യ​​പ്പെ​​ട്ട ആ ​​ച​​രി​​ത്ര സ​​ന്ദ​​ര്‍ഭ​​ത്തി​​ന് ഒ​​രു ആ​​ഖ്യാ​​നം ന​​ല്‍കു​​ക തു​​ലോം പ്ര​​യാ​​സ​​ക​​ര​​വും അ​​തു​​കൊ​​ണ്ടു​​ത​​ന്നെ കൂ​​ടു​​ത​​ല്‍ പ്ര​​സ​​ക്ത​​വു​​മാ​​ണ് എ​​ന്ന നി​​രീ​​ക്ഷ​​ണം​​കൂ​​ടി ഇ​​തോ​​ടു ചേ​​ര്‍ത്തു​​വെ​​ക്കാം. ‘വ​​ട​​ക്ക​​ന്‍ ആ​​ഫ്രി​​ക്ക​​ന്‍ അ​​ടി​​മ​​ത്ത​​സ​​മ്പ്ര​​ദാ​​യ​​ത്തി​​ന്‍റെ ദു​​ര​​ന്ത​​നാ​​യി​​ക’ എ​​ന്നു നോ​​വ​​ലി​​ലെ ക​​റു​​ത്ത​​വ​​ർ​​ഗ​​ക്കാ​​രി​​യാ​​യ അ​​ടി​​മ​​സ്ത്രീ വി​​വ​​രി​​ക്ക​​പ്പെ​​ട്ടി​​ട്ടു​​ണ്ട്. അ​​റ​​ബ് സാ​​ഹി​​ത്യ​​ത്തി​​ലെ ഒ​​ട്ടേ​​റെ മി​​ക​​ച്ച കൃ​​തി​​ക​​ള്‍ ഇം​​ഗ്ലീ​​ഷി​​ലേ​​ക്ക് വി​​വ​​ര്‍ത്ത​​നം​​ചെ​​യ്തി​​ട്ടു​​ള്ള നാ​​ന്‍സി റോ​​ബ​​ർ​​ട്സി​​ന്‍റെ വി​​വ​​ര്‍ത്ത​​നം, മൂ​​ല​​കൃ​​തി​​യു​​ടെ സാ​​മൂ​​ഹി​​ക സാം​​സ്കാ​​രി​​ക ധ്വ​​നി​​ക​​ളോ​​ട് തി​​ക​​ച്ചും നീ​​തി​​പു​​ല​​ര്‍ത്തി​​യി​​ട്ടു​​ണ്ട് എ​​ന്നു നി​​രൂ​​പ​​ക​​ര്‍ ക​​രു​​തു​​ന്നു.