കാടിന്റെ സ്വഭാവങ്ങൾ

മാ​ർ​ച്ച് 21 വ​ന​ദി​നം..ഇ​ത് കാ​ടി​ന്റെ ചി​ല സ്വ​കാ​ര്യ​ങ്ങ​ളാ​ണ്. ഒ​രു വ​ന​പാ​ല​ക​ൻ തന്റെ അ​നു​ഭ​വ​ങ്ങ​ളും ഭാ​വ​ന​യും ചേ​ർ​ത്തെ​ഴു​തി​യകാ​ടി​ന്റെ വ​ർ​ത്ത​മാ​ന​ങ്ങ​ൾ. അ​തി​ൽ ആ​ത്മ​സം​ഘ​ർ​ഷ​ങ്ങ​ളു​ടെ ക​ഥ​ക​ളു​ണ്ടാ​കാം, ക​ണ്ണീ​രി​ന്റെ ന​ന​വു​ണ്ടാ​കാം, ഒ​രു​പാ​ട് ചോ​ദ്യ​ങ്ങ​ളും ഉ​ത്ത​ര​ങ്ങ​ളു​മു​ണ്ടാ​കാം...

വ​ന സം​ര​ക്ഷ​ണ​ത്തി​ന്റെ പ്രാ​ധാ​ന്യ​ത്തിന്റെ​യും വ​ന്യ​മൃ​ഗ​ങ്ങ​ളു​മാ​യു​ള്ള സ​ഹ​വ​ർ​ത്തി​ത്വ​ത്തി​ന്റെ​യും വ​ർ​ത്ത​മാ​ന​ങ്ങ​ൾ ചി​ല അ​നു​ഭ​വ​ങ്ങ​ളി​ലൂ​ടെ പ​ങ്കു​വെക്കു​ക​യാ​ണി​വി​ടെ. അ​തി​ൽ ഉ​ൾ​ച്ചേ​ർ​ത്തി​രി​ക്കു​ന്ന ആ​ശ​യ​ങ്ങ​ൾ സ്വീ​ക​രി​ക്കു​ക​യോ ത​മ​സ്ക​രി​ക്കു​ക​യോ ആ​കാം. മൃ​ഗ​ങ്ങ​ളു​ടെ വം​ശ​വ​ർ​ധ​ന​യെ​ക്കു​റി​ച്ചോ സ്വാ​ഭാ​വി​ക വ​ന​ങ്ങ​ളു​ടെ അ​പ​ച​യ​ത്തെ​ക്കു​റി​ച്ചോ മ​നു​ഷ്യ-​വ​ന്യ​ജീ​വി സം​ഘ​ർ​ഷം ഇ​ത്ര​മേ​ൽ പെ​രു​കു​ന്ന​തി​ന് കാ​ര​ണ​മാ​യ അ​ന​വ​ധി കാ​ര​ണ​ങ്ങ​ളെ​ക്കു​റി​ച്ചോ ഉ​ള്ള സ്ഥി​തി​വി​വ​ര​ക്ക​ണ​ക്കു​ക​ൾ ഒ​ന്നും മു​ന്നോ​ട്ടു​വെ​ക്കു​ന്നി​ല്ല. ക്ഷ​മാ​പൂ​ർ​ണ​മാ​യ ഒ​രു വാ​യ​ന മാ​ത്ര​മാ​ണ് പ്ര​തീ​ക്ഷ.

വി​ളി​ച്ചു​വ​രു​ത്തു​ന്ന ചി​ല ദു​ര​ന്ത​ങ്ങ​ൾ

ക​രി​വീ​ട്ടി​യി​ൽ ക​ട​ഞ്ഞ നെ​ടു​ന്തൂ​ണു​ക​ൾ പോ​ല​ത്തെ കാ​ലു​ക​ളി​ൽ പ​ടു​കൂ​റ്റ​ൻ ശ​രീ​രം താ​ങ്ങി മ​ര​ണം ത​നി​ക്കു​നേ​രെ വേ​ഗ​ച്ചു​വ​ടു​ക​ൾവെക്കുന്ന​ത് മ​ര​വി​ച്ച ചേ​ത​ന​ക​ളു​മാ​യി അ​യാ​ൾ നോ​ക്കി​നി​ന്നു. കൂ​ർ​ത്ത മു​ള്ളു​ക​ൾ എ​മ്പാ​ടും നി​റ​ഞ്ഞ ഇ​ല്ലി​ക്കാ​ടു​ക​ൾ​ക്കി​ട​യി​ൽ അ​യാ​ൾ​ക്ക് ഒ​ന്ന് അ​ന​ങ്ങാ​ൻപോ​ലും ആ​കു​മാ​യി​രു​ന്നി​ല്ല. അ​യാ​ളൊ​ന്ന് നി​ല​വി​ളി​ച്ച​തു​പോ​ലു​മി​ല്ല!

വീ​ട്ടി​ൽ പ​ട്ട് പു​ത​പ്പി​ച്ചു​ കി​ട​ത്തി​യ ഭ​ർ​ത്താ​വി​ന്റെ ചേ​ത​ന​യ​റ്റ ശ​രീ​രം ക​ണ്ട് ആ​ശ്ര​യ​മ​റ്റ ഭാ​ര്യ ത​ള​ർ​ന്നു​വീ​ണ​തും അ​തു​ക​ണ്ട് വേ​ർ​പാ​ട് എ​ന്തെ​ന്നു​പോ​ലു​മ​റി​യാ​ൻ പ്രാ​യ​മാ​കാ​ത്ത മ​ക​ൾ ചി​രി​ച്ചു​കൊ​ണ്ടി​രു​ന്ന​തും ഓ​ർ​മ​ക​ളി​ൽ ചോ​ര പ​ട​ർ​ത്തു​ന്നു.

വാ​ള​യാ​ർ ഫോ​റ​സ്റ്റ് റേ​ഞ്ചി​ലെ വാ​ച്ച​റാ​യി​രു​ന്ന കോ​ഴി​ക്കോ​ട് സ്വ​ദേ​ശി ബാ​ല​കൃ​ഷ്ണ​നാ​യി​രു​ന്നു അ​ത്. നി​ര​പ​രാ​ധി​യാ​യ ഒ​രു മ​നു​ഷ്യ​ൻ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ വാ​ള​യാ​ർ ഫോ​റ​സ്റ്റ് ​െട്ര​യി​നി​ങ് സ്കൂ​ൾ പ​രി​സ​ര​ത്തുവൈച്ച് 2007 സെ​പ്റ്റം​ബ​ർ 20ന് ​കൊ​ല്ല​പ്പെ​ട്ടു. പ​തി​വി​ല്ലാ​തെ ത​മി​ഴ്നാ​ട് ഭാ​ഗ​ത്തു​നി​ന്നും തി​ര​ക്കേ​റി​യ ഹൈ​വേ ക​ട​ന്നെ​ത്തി​യ തീ​ർ​ത്തും ശാ​ന്ത​നാ​യി​രു​ന്ന ആ ​കാ​ട്ടു​കൊ​മ്പ​നെ ആ​ളു​ക​ൾ വ​ള​ഞ്ഞ് കൂ​കി​യാ​ർ​ക്കു​ക​യും ക​ല്ലെ​റി​ഞ്ഞ് പ്ര​കോ​പി​ത​നാ​ക്കു​ക​യും ചെ​യ്ത​തി​ന്റെ അ​ന​ന്ത​ര ഫ​ല​മാ​യി​രു​ന്നു അ​ത്.

നി​ർ​ത്താ​തെ​യു​ള്ള പ്ര​യാ​ണ​ത്തി​നി​ട​യി​ൽ ത​ള​ർ​ന്ന് ഇ​ട​ക്കൊ​ന്ന് നി​ന്നു​പോ​യി. അ​പ്പോ​ൾ ആ​ർ​പ്പു​വി​ളി​ക​ളോ​ടൊ​പ്പം ഒ​രു പാ​റ​ക്ക​ല്ല് എ​ന്റെ പി​ന്നി​ൽ ആ​ഞ്ഞ് പ​തി​ച്ചു. അ​താ​യി​രു​ന്നു തു​ട​ക്കം. പി​ന്നെ ക​ല്ലു​ക​ളും വ​ടി​ക​ളും എ​ന്നെ ല​ക്ഷ്യം വെച്ച് പാ​ഞ്ഞെ​ത്തി​ക്കൊ​ണ്ടേ​യി​രു​ന്നു. എ​ന്തൊ​രു പ​രീ​ക്ഷ​ണം! ഞാ​ൻ ഓ​ട്ട​ത്തി​ന് വേ​ഗ​ത കൂ​ട്ടി. വീ​ണു​പോ​കു​മെ​ന്ന് പ​ല​വ​ട്ടം തോ​ന്നി. എ​ന്നാ​ൽ, ഊ​ടു​വ​ഴി​ക​ളി​ലൂ​ടെ​പോ​ലും ആ​ർ​ത്ത​ല​ച്ചെ​ത്തി​യ ആ​ൾ​ക്കൂ​ട്ടം ര​ക്ഷ​പ്പെ​ടാ​നു​ള്ള എ​ന്റെ മാ​ർ​ഗ​ങ്ങ​ൾ ഒ​ന്നൊ​ന്നാ​യി അ​ട​ച്ചു​കൊ​ണ്ടേ​യി​രു​ന്നു.

പ​രി​ക്ഷീ​ണ​ത​യു​ടെ പാ​ര​മ്യ​ത്തി​ലെ​ങ്ങോ പോം​വ​ഴി​ക​ൾ ഒ​ന്നൊ​ന്നാ​യി ചു​രു​ങ്ങി ഇ​ല്ലാ​താ​കു​ന്ന​ത് ഞാ​ന​റി​ഞ്ഞു. എ​ന്നി​ലെ മൃ​ഗ​ചേ​ത​ന​ക​ൾ​ക്ക് ഉ​യി​രു​തി​ക​ട്ടു​ന്ന​തും നി​ല​നി​ൽ​പി​നാ​യു​ള്ള അ​ന്തി​മ പോ​രാ​ട്ട​ത്തി​ന് അ​തെ​ന്നെ സ​ജ്ജ​നാ​ക്കു​ന്ന​തും നി​ർത്താ​ത്ത ഓ​ട്ട​ത്തി​നി​ട​യി​ലും എ​നി​ക്ക് അ​നു​ഭ​വ​പ്പെ​ട്ടു. എ​ന്റെ ത​ള​രു​ന്ന കാ​ലു​ക​ൾ​ക്ക​ത് എ​ങ്ങു​നി​ന്നെ​ന്നി​ല്ലാ​തെ ഊ​ർ​ജം പ​ക​ർ​ന്നു. വ​ർ​ഷ​ങ്ങ​ൾ​ക്കുമു​മ്പ് ത​ന്നോ​ടൊ​പ്പം ത​ന്നെ ത​ല​യെ​ടു​പ്പു​ള്ള കാ​ട്ടു​കൊ​മ്പന്റെ നെ​ഞ്ച​കം തു​ള​ച്ച ഹ​സ്തി​ദ​ന്ത​ങ്ങ​ളു​ടെ ബ​ലം എ​ന്നി​ൽ ഉ​ണ​ർ​ന്നു. അ​ന്ധ​മാ​യ ക്രോ​ധാ​വേ​ശത്താ​ൽ ഞാ​ൻ ഭാ​വം പ​ക​ർ​ന്നു. ശ​രീ​രം ചു​രു​ക്കി മു​റി​വാ​ൽ മു​ക​ളി​ലേ​ക്കു​യ​ർ​ത്തി ഓ​ട്ടം നി​ർ​ത്തി ചെ​വി​ക​ൾ വ​ട്ടംപി​ടി​ച്ച് ഞാ​ൻ തി​രി​ഞ്ഞു​നി​ന്നു. എ​ന്നാ​ലാ​വും വി​ധം ത​ല​പ്പൊ​ക്ക​ത്തി​ൽ മ​സ്ത​ക​വും തു​മ്പി​യും ഉ​യ​ർ​ത്തി എ​ന്റെത​ന്നെ കാ​തു​ക​ൾ അ​ട​യു​ന്ന ഒ​ച്ച​യി​ൽ ചി​ന്നം വി​ളി​ച്ചു. തീ​ർ​ത്തും വ​ന്യ​മാ​യ ഒ​രു ശ​ക്തി എ​ന്നി​ലേ​ക്ക് സ​ന്നി​വേ​ശി​ക്കു​ന്നു! അ​ത്ര നേ​ര​വും എ​ന്നെ വേ​ട്ട​യാ​ടി​യ ഇ​രു​കാ​ലി​ക​ൾ ഒ​ന്നാ​കെ പി​ന്തി​രി​ഞ്ഞ് ഓ​ടു​ന്ന​താ​ണ് ഞാ​ൻ തു​ട​ർ​ന്ന് ക​ണ്ട​ത്!

ഇ​ത് ഒ​രു എ​ഴു​ത്തു​കാ​ര​ന്റെ ഭാ​വ​ന​യാ​യി​രി​ക്കാം. എ​ന്നാ​ൽ, അ​ക്ഷ​രാ​ർ​ഥ​ത്തി​ൽ അ​ന്ന​വി​ടെ സം​ഭ​വി​ച്ച കാ​ര്യ​ങ്ങ​ളു​ടെ വി​വ​ര​ണം കൂ​ടി​യാ​ണ​ത്. ഓ​ടി​ത്ത​ള​ർ​ന്ന ആ ​കാ​ട്ടാ​ന ര​ക്ഷ​യി​ല്ലാ​തെ അ​വ​സാ​നം തി​രി​ഞ്ഞു​വ​ന്ന​പ്പോ​ഴാ​ണ് കു​ഞ്ഞു ഹ​രി​പ്രി​യ​ക്ക് അ​വ​ളു​ടെ അ​ച്ഛ​നെ ന​ഷ്ട​മാ​യ​ത്. അ​വ​ളു​ടെ അ​ച്ഛ​ൻ ആ​ൾ​ക്കാ​രെ നി​യ​ന്ത്രി​ക്കാ​ൻ നി​യോ​ഗി​ക്ക​പ്പെ​ട്ട​വ​നാ​ണെ​ന്ന് ആ ​വ​ന്യ​മൃ​ഗ​ത്തി​ന് അ​റി​യാ​തെ പോ​യി. ബാ​ല​കൃ​ഷ്ണ​ന്റെ ഭാ​ര്യ​ക്ക് സ​ർ​ക്കാ​ർ പ​ക​രം ജോ​ലി കൊ​ടു​ത്തെ​ങ്കി​ലും അ​വ​ർ​ക്കും മ​ക​ൾ ഹ​രി​പ്രി​യ​ക്കും നേ​രി​ട്ട ആ ​

ന​ഷ്ടം ആ​ർ​ക്ക് നി​ക​ത്താ​നാ​കും?

മ​നു​ഷ്യ​ന് ഒ​ര​ിക്ക​ലും ചി​ന്തി​ക്കാ​നാ​കാ​ത്ത വി​കാ​ര​ങ്ങ​ൾ മാ​ത്ര​മു​ള്ള​വ​യാ​ണ് മൃ​ഗ​ങ്ങ​ൾ. പെ​ട്ടെ​ന്ന് പ്ര​കോ​പി​ത​രാ​കു​ന്ന അ​വ​യു​ടെ സ്വ​ഭാ​വം പ്ര​വ​ച​നാ​തീ​ത​വും. വി​ശ​പ്പ​ടക്കാ​ൻ നാ​യാ​ടാ​നും അ​തി​ക്ര​മി​ച്ചു​ക​ട​ക്കാ​നും ക​വ​ർ​ന്നെ​ടു​ക്കാ​നും മാ​ത്രം അ​റി​യു​ന്ന​വ​രാ​ണ് വ​ന്യ​മൃ​ഗ​ങ്ങ​ൾ എ​ന്ന സ​ത്യം ന​മ്മ​ൾ തി​രി​ച്ച​റി​യാ​ൻ വൈ​കു​ന്നു​ണ്ടോ?

ആ​മി​ന​യു​ടെ ക​ഥ

ഓ​രോ ചു​വ​ടും അ​മ്മ സ​ശ്ര​ദ്ധം മു​ന്നോ​ട്ടു​വെ​ക്കു​ന്ന​ത് കൗ​തു​ക​ത്തോ​ടെ നോ​ക്കി ഞാ​ൻ പി​ന്നി​ൽ ന​ട​ക്കു​ക​യാ​യി​രു​ന്നു. ഉ​റ​ച്ച പ്ര​ത​ല​മാ​ണെ​ന്ന് പ​ല​വ​ട്ടം ഉ​റ​പ്പി​ച്ചി​ട്ടേ കു​ഞ്ഞു​ന​ട​ക​ൾ മു​ന്നോ​ട്ടു​വെ​ക്കാ​ൻ അ​മ്മ എ​ന്നെ അ​നു​വ​ദി​ച്ചി​രു​ന്നു​ള്ളൂ. എ​ന്തി​നാ​ണ് അ​മ്മ ഇ​ത്ര​മേ​ൽ ഭ​യ​പ്പെ​ടു​ന്ന​തെ​ന്ന് ഞാ​നോ​ർ​ക്കാ​തി​രു​ന്നി​ല്ല. ഞ​ങ്ങ​ളോ​ളം ക​രു​ത്തു​ള്ള ഒ​രു ജീ​വി​യും ഇ​ന്ന് ഭൂ​മി​യി​ലി​ല്ലെ​ന്ന് പ​ല​രും പ​റ​ഞ്ഞു​കേ​ട്ടി​ട്ടു​ണ്ട്. എ​ന്നി​ട്ടും!

പ​തി​വി​ല്ലാ​ത്ത വി​ധം തീ​ർ​ത്തും വ്യ​ക്ത​മാ​കാ​ത്ത ശ​ബ്ദ​ത്തി​ൽ അ​മ്മ ഉ​ച്ച​ത്തി​ൽ ഒ​ച്ച​യു​ണ്ടാ​ക്കി. അ​ത് പ​തി​ഞ്ഞ ഒ​രു നി​ല​വി​ളി​യാ​ണെ​ന്ന് എ​നി​ക്ക​പ്പോ​ഴ​റി​യാ​നാ​യി​ല്ല. അ​ന​ന്ത​രം ന​ടു​ങ്ങി​നി​ന്നി​രു​ന്ന എ​ന്റെ മു​ന്നി​ലേ​ക്ക് ഒ​രു വ​ലി​യ കു​ന്നി​ടി​ഞ്ഞു വീ​ഴു​ന്ന​തു​പോ​ലെ ആ ​ശ​രീ​രം പ​തി​ച്ചു! അ​പ്പോ​ഴും ഉ​ച്ച​ത്തി​ൽ ശ​ബ്ദ​മു​ണ്ടാ​ക്കി​ക്കൊ​ണ്ട് ആ​യാ​സ​പ്പെ​ട്ട് അ​മ്മ ശ്വാ​സം വ​ലി​ച്ചു​കൊ​ണ്ടേ​യി​രു​ന്നു. ഞെ​ട്ട​ലി​ൽനി​ന്നു​ണ​ർ​ന്ന് ഞാ​ൻ അ​രി​കി​ലേ​ക്കോ​ടി​യെ​ത്തി​യ​പ്പോ​ൾ അ​മ്മ തു​മ്പി​ക്കൈകൊ​ണ്ടെ​ന്നെ ത​ട്ടി ദൂ​ര​ത്തേ​ക്കെ​റി​ഞ്ഞു. വീ​ണി​ട​ത്തു​നി​ന്നും ഉ​രു​ണ്ടെ​ണീ​റ്റ് വീ​ണ്ടും എ​ത്തി​യപ്പോ​ഴേ​ക്കും നി​ല​ത്തു​കി​ട​ന്ന അ​മ്മ​യു​ടെ ശ​രീ​രം നി​ശ്ച​ല​മാ​യി​ക്ക​ഴി​ഞ്ഞി​രു​ന്നു. പൊ​ട്ടി വീ​ണ കു​റേ ക​മ്പി​ച്ചു​രു​ളു​ക​ൾ മാ​ത്രം ഒ​രു വ​ലി​യ ചോ​ദ്യ ചി​ഹ്ന​ത്തി​ന്റെ രൂ​പ​ത്തി​ൽ അ​മ്മ​യു​ടെ ശ​രീ​ര​ത്തി​ന​ടു​ത്താ​യി കു​രു​ക്കു​പി​ണ​ഞ്ഞു​കി​ട​ന്നി​രു​ന്നു!

സ​ത്യ​ത്തി​ൽ എ​നി​ക്കൊ​ന്നും മ​ന​സ്സി​ലാ​യി​ല്ല. സ​മ​യം പോ​കെ വി​ശ​പ്പ​ക​റ്റാ​ൻ പ​തി​വു​പോ​ലെ ഞാ​ൻ അ​മ്മ​യു​ടെ അ​കി​ടു​ക​ൾ തി​ര​ഞ്ഞു. ത​ണു​ത്തു​മ​ര​വി​ച്ച മു​ല​ക്കാ​മ്പു​ക​ൾ ചു​ര​ത്തു​ന്ന​തേ​യി​ല്ല. എ​നി​ക്ക് ക​ര​ച്ചി​ൽ വ​ന്നു. മ​ര​വി​ച്ച ചേ​ത​ന​ക​ളോ​ടെ നി​ൽ​ക്കു​മ്പോ​ൾ അ​ങ്ങ​ക​ലെ​യാ​യി ഞ​ങ്ങ​ളെ ഇ​രു​വ​രെ​യും ഉ​പേ​ക്ഷി​ച്ച കൂ​ട്ടം ക​ട​ക്കാ​ടു​ക​ൾ ഞെ​രി​ച്ച​മ​ർ​ത്തി മ​ല ച​വി​ട്ടു​ന്ന ശ​ബ്ദം പ്ര​ക​മ്പ​ന​ങ്ങ​ളി​ലൂ​ടെ ഞാ​ന​റി​യു​ന്നു​ണ്ടാ​യി​രു​ന്നു. ഞാ​നു​റ​ക്കെ​യു​റ​ക്കെ ക​ര​ഞ്ഞു. പി​ന്നീ​ട​മ്മ ഉ​ണ​ർ​ന്ന​തേ​യി​ല്ല. കാ​വ​ലാ​യി ഞാ​ൻ അ​വി​ടെ​ത്ത​ന്നെ നി​ന്നു.

ആ​മി​ന എ​ന്ന ഒ​ന്ന​ര വ​യ​സ്സു​ള്ള പി​ടി​യാ​ന​ക്കു​ട്ടി​യെ അ​ന്ന് കി​ട്ടി​യ​ത് തി​രു​വ​ന​ന്ത​പു​ര​ത്ത് പാ​ലോ​ട് ക​ല്ലാ​ർ ഭാ​ഗ​ത്ത് വൈ​ദ്യു​തി ആ​ഘാ​ത​മേ​റ്റ് ച​രി​ഞ്ഞ അ​മ്മ​യു​ടെ ജ​ഡ​ത്തി​ന​രി​കി​ൽ നി​ന്നാ​ണ്. ഇ​ന്ന് കോ​ട്ടൂ​രി​ലെ വ​നം വ​കു​പ്പി​ന്റെ ആ​ന പ​രി​പാ​ല​ന കേ​ന്ദ്ര​ത്തി​ലാ​ണ് അ​വ​ളു​ള്ള​ത്. അ​മ്മ​യു​ടെ ചേ​ത​ന​യ​റ്റ ശ​രീ​ര​ത്തി​ന​രി​കി​ൽ ആ​രേ​യും അ​ടു​പ്പി​ക്കാ​തെ കാ​വ​ൽ നി​ന്നി​രു​ന്ന ആ ​പാ​വം കു​ഞ്ഞി​ന്റെ ക​ഥ​യും ചി​ത്ര​ങ്ങ​ളും മ​ന​സ്സാ​ക്ഷി മ​ര​വി​ക്കാ​ത്ത​വ​രെ എ​ന്നും കു​ത്തി നോ​വി​ച്ചു​കൊ​ണ്ടേ​യി​രി​ക്കും. ഉ​റ​പ്പ്!