ആമപ്പാറയിൽ സഞ്ചാരികൾക്കായി കാഴ്​ചകളുടെ ജാലകം

തൊ​ടു​പു​ഴ: വൈ​വി​ധ്യ കാ​ഴ്‍ച​ക​ളു​ള്ള ആ​മ​പ്പാ​റ​യി​ൽ വി​നോ​ദ​സ​ഞ്ചാ​രി​ക​ൾ​ക്കാ​യി ജാ​ല​കം തു​റ​ക്കാ​ൻ ഡി.​ടി.​പി.​സി. രാ​മ​ക്ക​ൽ​മേ​ട്ടി​ൽ​നി​ന്ന് ആ​റ് കി​ലോ​മീ​റ്റ​ർ അ​ക​ലെ​യു​ള്ള ആ​മ​പ്പാ​റ​യി​ൽ ജാ​ല​കം എ​ക്കോ ടൂ​റി​സം കേ​ന്ദ്ര​ത്തി​ന്റെ നി​ർ​മാ​ണം അ​വ​സാ​ന ഘ​ട്ട​ത്തി​ലാ​ണ്.

ടി​ക്ക​റ്റ് കൗ​ണ്ട​ർ, സു​ര​ക്ഷാ​വേ​ലി, വാ​ച്ച്ട​വ​ർ, ന​ട​പ്പാ​ത, ലൈ​റ്റു​ക​ൾ, ഇ​ല​ക്‍ട്രി​ക്ക​ൽ, പ്ലം​മ്പി​ങ് ജോ​ലി​ക​ൾ, ബെ​ഞ്ചു​ക​ൾ, ശൗ​ചാ​ല​യ ബ്ലോ​ക്ക് എ​ന്നി​വ​യാ​ണ് പ​ദ്ധ​തി​യി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. സി​ൽ​ക്ക് ഏ​ജ​ൻ​സി​യാ​ണ് നി​ർ​മാ​ണ പ്ര​വ​ർ​ത്ത​ന​ങ്ങ​ൾ ഏ​റ്റെ​ടു​ത്ത​ത്. വ​കു​പ്പി​ൽ​നി​ന്ന് ആ​കെ 3.21 കോ​ടി രൂ​പ ചെ​ല​വ​ഴി​ച്ച് ര​ണ്ട് ഘ​ട്ട​ങ്ങ​ളി​ലാ​യാ​യി​രു​ന്നു നി​ർ​മാ​ണം. ആ​ദ്യ​ഘ​ട്ട​ത്തി​ന് 2019ലും ​ര​ണ്ടാം​ഘ​ട്ട​ത്തി​ന് 2021ലു​മാ​ണ് ഭ​ര​ണാ​നു​മ​തി ല​ഭി​ച്ച​ത്. ഈ ​മാ​സ​ത്തോ​ടെ നി​ർ​മാ​ണ ജോ​ലി​ക​ൾ തീ​ർ​ക്കാ​ൻ ക​ഴി​യു​മെ​ന്ന്​ ഡി.​ടി.​പി.​സി സെ​ക്ര​ട്ട​റി ജി​തേ​ഷ് ജോ​സ് പ​റ​ഞ്ഞു.

കൗ​തു​ക​മാ​ണ്​ ഭീ​മ​ൻ പാ​റ

ആ​മ​പ്പാ​റ​യെ​ന്ന പേ​രി​ന് പി​ന്നി​ൽ ആ​മ​യു​ടെ ആ​കൃ​തി​യി​ലു​ള്ള ഭീ​മ​ൻ പാ​റ​യാ​ണ്. ആ​മ​പ്പാ​റ​യി​ലെ പാ​റ​യി​ടു​ക്കി​ലൂ​ടെ​യു​ള്ള യാ​ത്ര സ​ഞ്ചാ​രി​ക​ളെ ചെ​റു​താ​യൊ​ന്നു​മ​ല്ല ര​സി​പ്പി​ക്കു​ക. വ​ലി​യ പാ​റ​യ്‍ക്ക് ചു​വ​ട്ടി​ലാ​യി ര​ണ്ട് വ​ലി​യ പൊ​ത്തു​ക​ളു​ണ്ട്. അ​തി​ലൂ​ടെ നേ​രി​യൊ​രു വ​ഴി. ഒ​രു​പൊ​ത്തി​ലൂ​ടെ ക​യ​റി മ​റ്റൊ​ന്നി​ലൂ​ടെ പു​റ​ത്തി​റ​ങ്ങു​ന്ന​താ​ണ് ആ​മ​പ്പാ​റ​യി​ലെ കൗ​തു​കം. രാ​മ​ക്ക​ൽ​മേ​ട്ടി​ൽ​നി​ന്ന് ഓ​ഫ്‍റോ​ഡ് ജീ​പ്പ് സ​വാ​രി​യാ​ണി​വി​ടേ​ക്ക്. സാ​ഹ​സി​ക യാ​ത്ര​ക​ൾ ഇ​ഷ്‍ട​പ്പെ​ടു​ന്ന​വ​ർ​ക്ക് ഈ ​യാ​ത്ര ഹ​ര​മാ​കും.

രാ​മ​ക്ക​ൽ​മേ‍ടി​ന്റെ ആ​കാ​ശ കാ​ഴ്‍ച, കു​റു​വ​ൻ, കു​റ​ത്തി ശി​ൽ​പ്പം, ത​മി​ഴ്‍നാ​ടി​ന്റെ ഗ്രാ​മീ​ണ ഭം​ഗി, കാ​റ്റാ​ടി യ​ന്ത്ര​ങ്ങ​ൾ തു​ട​ങ്ങി കാ​ഴ്‍ച​യു​ടെ ക​ല​വ​റ​യാ​ണ് ആ​മ​പ്പാ​റ തു​റ​ക്കു​ക. പു​തി​യ പ​ദ്ധ​തി യാ​ഥാ​ർ​ഥ്യ​മാ​കു​ന്ന​തോ​ടെ വി​ദേ​ശീ​യ​ര​ട​ക്കം നി​ര​വ​ധി വി​നോ​ദ​സ​ഞ്ചാ​രി​ക​ളു​ടെ ഇ​ഷ്‍ട​കേ​ന്ദ്ര​ങ്ങ​ളി​ലൊ​ന്നാ​യി ആ​മ​പ്പാ​റ മാ​റു​മെ​ന്നാ​ണ്​ പ്ര​തീ​ക്ഷ. നെ​ടു​ങ്ക​ണ്ടം - രാ​മ​ക്ക​ൽ​മേ​ട് റോ​ഡി​ൽ തൂ​ക്കു​പാ​ല​ത്തു​നി​ന്ന് നാ​ല് കി​ലോ​മീ​റ്റ​ർ സ​ഞ്ച​രി​ച്ചാ​ൽ തോ​വാ​ള​പ്പ​ടി ജ​ങ്ഷ​നി​ലെ​ത്തും. അ​വി​ടെ​നി​ന്ന് ജീ​പ്പി​ൽ ആ​മ​പ്പാ​റ​യി​ലെ​ത്താം.